एक पुरुषको शव फेला

महोत्तरी , २१ मङ्सिर //
महोत्तरीमा एक पुरुषको शव फेला परेका छ ।

जिल्लाको एकडारा गाउँपालिका वडा नम्बर ५ स्थित गेना बथनाहामा रहेको पोखरी छेउमा जलेश्वर नगरपालिका वडा नम्बर ७ अन्कार बस्ने अन्दाजी ४२ वर्षीय रामश्रृष्ठ यादवको शव फेला परेको महोत्तरी प्रहरीले जनाएको छ ।

शवलाई पोष्टमार्टमका लागि जलेश्वर अस्पतालमा पठाइएको महोत्तरीका प्रहरी उपरीक्षक दिनेश आचार्यले जानकारी दिए ।
घटना सम्बन्धमा थप अनुसन्धान भइरहेको र पोष्टमार्टमको रिपोर्ट आएपछि मात्र केही भन्न सकिने उपरीक्षक आचार्यले बताएका छन् ।