बारा , १२ पुष //
बाराबाट एक थान कटुवा पेस्तोलसहित एकजनालाई प्रहरीले पक्राउ गरेको छ ।
पक्राउ पर्नेमा परवानीपुर गाउँपालिका ४ चैनपुर बस्ने २४ वर्षीय सनोर देवान रहेका छन् ।
आइतबार बिहान उनलाई लक्ष्मी नारायण दुर्गा मन्दिर परिसरबाट १ थान कटुवा पेस्तोलसहित पक्राउ गरेको जिल्ला प्रहरी कार्यालय बाराले जनाएको छ ।
पक्राउ परेका उनीमाथि थप अनुसन्धान भइरहेको बारा प्रहरीले जानकारी दिएको छ।
यसैबीच औरही गाउँपालिका २ देउरीमा एक थान कटुवा पेस्तोल बरामद भएको छ। आइतबार बिहान आँपको बगैंचाबाट लोड भएको कटुवा पेस्तोल प्रहरीले बरामद गरेको हो।
घटनास्थलबाट एक थान पेस्तोल, एक थान मंगलसुत्र र पाँच हजार रुपैयाँ समेत बरामद प्रहरीले जनाएको छ। फरार व्यक्तिहरुको खोजी गरिरहेको ईलाका प्रहरी कार्यालय औरहीले जनाएको छ।
