महोत्तरी , २९ कार्तिक //
सशस्त्र प्रहरीले महोत्तरीबाट ४३ किलो अवैध गाँजा बरामद गरेको छ ।
जिल्लाको जलेश्वर नगरपालिका ७ अंकार टोल बस्ने सागर दाशको घरबाट प्रहरीले ४३ किलो ५ सय ग्राम अवैध गाँजा बरामद गरेको हो।
बिशेष सूचनाको आधारमा आइतबार अपराहन्न सशस्त्र प्रहरीले खानतलासी गरी १४ किलो ५ सय ग्रामको तीनवटा पोकामा लुकाइराखेको ४३ किलो ५ सय ग्राम गाँजा बरामद गरेको सशस्त्र प्रहरी प्रदेश २ का पमुख डिआइजी गणेश ठाडा मगरले बताएका छन्।
बरामद लागु औषध गाँजा जिल्ला प्रहरी कार्यालय महोत्तरीलाई जिम्मा लगाएको उनले जानकारी दिएका छन्।
सशस्त्र प्रहरीद्वारा ४३ किलो अवैध गाँजा बरामद
