महोत्तरी , २८ कार्तिक //
महोत्तरीमा यात्रुबाहक बस दुर्घटना हुँदा २० जना घाइते भएका छन् ।
गएराती गौशालाबाट काठमाडौं तर्फ जाँदै गरेको ना ५ ख ३०९९ नम्बरको उग्रतारा ट्राभल्स बस अनियन्त्रित भई बर्दिवास नगरपालिका वडा नं. ५ टुटेश्वर चोक सडक खण्डमा दुर्घटना भएको हो ।
इलाका प्रहरी कार्यालय बर्दिवासका अनुसार दुर्घटनामा २० जना घाइते भएका छन् ।
घाइते मध्ये ३ जनाको उपचार मोडल अस्पताल लालगढमा भइरहेको छ भने अन्य घाइतेहरुको उपचार बर्दिवास स्थित शुभ स्वस्तिक अस्पतालमा उपचार भई रहेको इलाका प्रहरी कार्यालय बर्दिवासले जानकारी दिएको छ ।
