सप्तरी , १० मङ्सिर //
सप्तरीमा बसले मोटरसाइकललाई ठक्कर दिंदा एक जनाको मृत्यु भएको छ।
मृत्यु हुनेमा मोटरसाइकल चालक सिन्धुलीको दुधौली नगरपालिका वडा नं ७ बस्ने ४० बर्षिय कुमार बस्नेत रहेका छन्।
सप्तरीको सुरुङ्गा नगरपालिका वडा नं ५ कुश्वाहा स्थित पुर्ब पश्चिम राजमार्गमा पश्चिमबाट पुर्व तर्फ जाँदै गरेको ना ३ ख ३१४९ नम्बरको बसले सोही दिशा तर्फ जादै गरेको प्रदेश २–०१–००१ प ०२९१ नम्बरको मोटरसाईकललाई ठक्कर दिंदा बस्नेत घम्भिर घाइते भएका थिए।
घाइते बस्नेतको सप्तऋषी अस्पताल लहान सिरहामा उपचारको क्रममा मृत्यु भएको जिल्ला प्रहरी कार्यालय सप्तरीका प्रहरी प्रवक्ता माधब प्रसाद काफ्लेले जानकारी दिएका छन् ।
बस र मोटरसाईकल ईलाका प्रहरी कार्यालय कडरवोनाको नियन्त्रणमा रहेको तथा आवश्यक कानुनी कार्यवाही अगाडी बढाएको प्रवक्ता काफ्लेले बताएका छन् ।
घटना सम्बन्धमा थप अनुसन्धान भइरहेको सप्तरी प्रहरीले जानकारी दिएको छ ।
