धनुषा , ९ मङ्सिर //
धनुषा प्रहरीले भन्सार छलि गरी भारतबाट नेपाल ल्याउँदै गरेको ४९ बोरा मटरसहित ११ वटा मोटरसाइकल बरामद गरेको छ ।
बुधबार दिउँसो धनुषाको मुखियापट्टी मुसरहनिया गाउँपालिका ६ बहेडाबेला स्थित सडक खण्डबाट ११ वटा भारतिय तथा नेपाली मोटरसाइकलमा ल्याउँदै गरेको हरियो मटर नियन्त्रणमा लिएको धनुषाका प्रहरी प्रवक्ता जितेन्द्र बस्नेतले जानकारी दिएका छन् ।
उनका अनुसार प्रहरीलाई देखेपछि तस्करहरु भाग्दा २५ किलोको दरले ४९ वटा बोरामा ल्याएको हरियो मटरसहित मोटरसाइकल नियन्त्रणमा लिएको हो ।
नियन्त्रणमा लिएको मोटरसाइकल र मटर आवश्यक कार्वाहीको लागि जनकपुर भन्सार कार्यालय धनुषामा पठाइएको डिएसपी बस्नेतले बताएका छन् ।
धनुषा प्रहरीद्वारा १२ क्विन्टल मटरसहित ११ वटा मोटरसाइकल बरामद
