रौतहट , १३ मङ्सिर//
नेकपा एमालेको बरिष्ठ उपाध्यक्षमा पूर्वमहासचिव ईश्वर पोखरेल निर्वाचित भएका छन् ।
एमालेको शुक्रबार भएको दशौं राष्ट्रिय महाधिवेशनबाट पार्टीको बरिष्ठ उपाध्यक्षमा पोखरेल निर्विरोध निर्वाचित भएका हुन्।
उक्त पदमा तोकिएको समयभित्र अन्य कसैको पनि उम्मेदवारी नपरेपछि पोखरेल निर्विरोध निर्वाचित भएका हुन् ।
वरिष्ठ उपाध्यक्षमा पोखरेलसहित पाँच जना पदाधिकारीहरु निर्विरोध निर्वाचित भइसकेका छन् ।
अहिलेसम्म निर्विरोध निर्वाचित हुनेमा महासचिव शंकर पोखरेल र तीन सिट रहेको उपमहासचिव पदमा प्रदीप ज्ञवाली, पृथ्वी सुब्बा गुरुङ र विष्णु रिमाल रहेका छन् ।
उनीहरुको औपचारिक घोषणा हुन भने बाँकी छ ।
