रौतहट ,२९ कार्तिक //
रौतहटको देवाही गोनाही नगरपालिका ५ टिकुलियाका सन्जय मुखियाका ५ वर्षिय छोरा आकाश मुखिया र ४ वर्षका विकास मुखियालाई विष खुवाएर हत्या गरेको भन्दै गरुडामा प्रर्दशन गरिएको छ ।
दुई बालकहरु लाई रिसिवीका कारण गाउँकै स्थानियले विष खुवाई हत्या गरेको परिवारजनको आरोप रहेको छ ।
घटनामा संलग्न आरोपीहरुलाई प्रहरीले तत्काल पक्राउ गर्नु पर्ने माँग गर्दै परिवारजनले दुवै बालकको शव बोकेर गरुडामा प्रर्दशन गरेका हुन् ।
घरबाहिर कसैले विष खुवाए पछि बालकहरुलाई उपचारका लागी गरुडा लगिएको थियो तर स्वास्थ्यमा सुधार नआए पछि दुवै बालकलाई थप उपचारका लागी वीरगंज लैजाँदै गर्दा उनीहरुको मृत्यु भएको थियो ।
यता जिल्ला प्रहरी कार्यालय रौतहटका प्रहरी प्रमुख विनोद घिमिरेले घटना सम्बन्धमा थप अनुसन्धान भइरहेको जानकारी दिएका छन्।
