रौतहटमा करेन्ट लागेर एकजनाको मृत्यु

मुकेश कुमार साह ,रौतहट १ मंसिर । रौतहटको गरूडा नगरपालिकामा करेन्ट लागेर एक युवकको ज्यान गएको छ ।

विद्युतको तार लगेर मोटर बाट खेतमा पानी तान्ने क्रममा करेन्ट लागेर गरूडा नगरपालिका वडा नं–५ महम्मदपुरका नन्दकिशोर यादवको बुधबार मृत्यु भएको ईलाका प्रहरी कार्यालय गरूडाका डिएसपि श्रीराम भण्डारीले जनाएको छ ।
मृतक यादवको शव पोष्ट मार्टमको लागि जिल्ला अस्पताल गौरमा पठाईएको डिएसपि भण्डारीले बताएका छन् ।