रौतहट, २८ कात्तिक //
रौतहटबाट ट्रेक्टरसहित साल जातको चिरान काठ बरामद गरिएको छ।
जिल्लाको जंगलसहियाबाट २३.०५ क्यु.फिटको ४० थान चिरान काठ र ५.४२ क्यु.फिटको एक थान सालको गोलिया बरामद गरिएको हो।
आइतबार बिहान बिशेष सुचनाको आधारमा जंगलसहिया सब डिभिजन बन कार्यालय बाट अधिकृत रामदेव चौधरी र जमदार सागिर मिया को नेतृत्व मा गएको गस्ती टोलिले ना.५ त ७६९४ नम्बरको ट्रेक्टरमा लोड गरि जंगलशियाको पश्चिम तिरको बकैया खोला को बाटो भएर लागिरहेको अवस्थामा सो काठ बरामद गरिएको जंगलसहिया सब डिभिजन बन कार्यालयका अधिकृत रामदेव चौधरीले बताएका छन्।
बरामद ट्रेक्टर र काठ आवश्यक कारवाहीको लागि डिभिजन बन कार्यालय रौतहटमा पठाइएको उनले जानकारी दिएका छन्।
