रौतहट , ४ मङ्सिर //
न्युजिल्यान्डसँगको तीन खेलको टी–२० क्रिकेट श्रृङ्खलामा घरेलु टोली भारत विजयी भएको छ ।शुक्रबार राति राँचीमा भएको दोस्रो टी–२० मा न्युजिल्यान्डलाई ७ विकेटले हराउँदै एक खेल अगाडि नै श्रृङ्खलामा भारत
विजयी भएको हो ।
न्युजिल्यान्डले दिएको १ सय ५४ रनको लक्ष्य भारतले १७ ओभर २ बलमा ३ विकेट गुमाएर भेट्टायो ।भारतका केएल राहुल र कप्तान रोहित शर्माले अर्धशतक बनाए।
न्युजिल्यान्डका टिम साउथीले ३ विकेट लिए ।
यसअघि टस हारेर पहिला ब्याटिङ गरेको न्युजिल्यान्डले २० ओभरमा ६ विकेट गुमाएर १ सय ५३ रन बनाएको थियो ।न्युजिल्यान्डका ग्लेन फिलिप्सले ३४ तथा मार्टिन गुप्टिल र ड्याल मिचेलले समान ३१र३१ रन जोडे । भारतका हर्सल पटेलले दुई तथा भुवनेश्वर कुमार, रविचन्द्र आश्विन, दिपक चाहर र अक्षर पटेलले १–१ विकेट लिए ।
तेस्रो तथा अन्तिम खेल भोलि हुनेछ । यसअघि बुधवार भएको पहिलो खेलमा भारतले पाँच विकेटले जितेको थियो ।
न्युजिल्यान्डसँगको टी–२० क्रिकेट श्रृङ्खलामा भारत विजयी
