सप्तरी , ३० कार्तिक //
सप्तरीमा ट्याक्टरको ठक्करबाट एक वृद्धाको मृत्यु भएको छ , भने अन्य ४ जना घाइते भएका छन् ।
मृत्यु हुनेमा खडक नगरपालिका ६ की ७० वर्षीया अनारदेवी पासवान रहेकी छिन् ।
पूर्व–पश्चिम राजमार्गअन्तर्गत सोमबार बिहान ट्याक्टर अनियन्त्रित भएको दुर्घटना भएको प्रहरीले जनाएको छ। पूर्वबाट पश्चिमतर्फ जाँदै गरेको स१त ७०१९ नम्बरको ट्याक्टर अनियन्त्रित भई स्थानीय प्रकाश साहको घरमा रहेको सैलुनमा ठोक्किएको जिल्ला प्रहरी कार्यालय सप्तरीले जानकारी दिएको छ।
दुर्घटनामा गम्भीर घाइते पासवनको राजविराजस्थित गजेन्द्रनारायण सिंह सगरमाथा अञ्चल अस्पतालमा ल्याएपनि उपचारकै क्रममा मृत्यु भएको प्रहरीले जनाएको छ ।
यस्तै,ट्याक्टरको ठक्करबाट गम्भीर घाइते भएको चार जनाको स्थानीय युनिभर्सल अस्पतालमा उपचार भइरहेको छ । घटना सम्बन्धमा आवश्यक अनुसन्धान भईरहेको प्रहरीले जनाएको छ ।
