रौतहट , ७ मङ्सिर //
कटहरियाका एक युवाले जन्म दिनको अवसरमा तीन सय ५० जना भन्दा बढी विद्यार्थीलाई स्कुल व्याग तथा शैक्षिक सामग्री वितरण गरेका छन ।
कटहरिया नगरपालिका वडा नम्वर ८ पिप्रा पोखरिया निवासी समाजसेवि यूवा नेता हेमप्रसाद साहले आफनाे ३६ औं जन्मदिनकाे अवसरमा सोमबार एक कार्यक्रमका बिच आफ्नो वडाका सामुदायिक विद्यालय श्री प्राथमिक विद्यालय पिप्रा पोखरियामा अध्ययनरत तीन सय ५० जना भन्दा बढ़ी छात्रछात्राहरु लाई सो सामग्री वितरण गरेका हुन्।
वडा नम्बर ८ अन्तर्गत श्री प्रवि पिप्रा पोखरिया र श्री प्रावि बलुवा पर्दछ ।
ति दुइटै विद्यालयमा बाँडने आफनो लक्षय रहेको उनले बताएका छन्। पछिल्लो समय सामुदायिक विद्यालयमा विद्यार्थीहरुको संख्या न्यून हुँदै गएको र सोहि कुरालाई मध्यनजर गर्दै नेता साहले आफनो निजी लगानीमा लाखौंको लागतमा सो सामग्री वितरण गरेको उनले बताएका छन्।
उनले अर्को चोटी स्विटर,टोपी सहित न्यानो कपडा वितरण गर्ने बताए।
सो कार्यक्रममा अतिथिहरु कटहरिया नपा वडा नं ४ अध्यक्ष एवम् नगर प्रवक्ता चन्दन कुशवाहा , शिक्षा संयोजक अनिल कुमार निधि,कटहरिया नपा वडा नं ८ का वडा अध्यक्ष नबध राय यादव , प्रधानाध्यापक माझी राय यादव ,आइटि आर्मीका जिल्ला संयोजक नरेश साह,बिधायालयका सम्पुर्ण शिक्षक बुद्धिजीवी लागायतका अभिभावकहरुहरुको उपस्थिती रहेको थियो।
