मुकेश कुमार साह,रौतहट ९ मंसिर । नेकपा (माओवादी केन्द्र) चन्द्रपुर नगरपालिका वडा नम्बर ६ को प्रथम वडा सम्मेलन सम्पन्न भएको छ ।
सहदेव केसीको अध्यक्षतामा भएको कार्यक्रममा प्रमुख अतिथि नेकपा माओवादी केन्द्रका केन्द्रिय सदस्य एवम् जिल्ला इन्चार्ज युवराज भट्टराई (समिर) रहेका थिए भने विशिष्ट अतिथिमा नेकपा माओवादी केन्द्रका जिल्ला अध्यक्ष तथा संबिधान सभा सदस्य देवेन्द्र पटेल रहेको थियो। नेताहरु राम बहादुर घलान, मुक्तिनारायण चौधरी,चेत बोलखे,दिम कुमार दुलाल,कनक बहादुर केसी,शेर बहादुर राई,अनिता चौधरी बुद्धि बहादुर थापा , मान बहादुर थापा तथा हातेमालो सामुदायिक बिद्यालय का अध्यक्ष सुरज राई लगायतको आतिथ्यतामा कार्यक्रम सम्पन्न भएको हो ।
सम्मेलनले श्रीकान्त चौधरीको अध्यक्षतामा २९ सदस्यीय ६ न. वडा समिति निर्माण गरेको छ । जसको उपाध्यक्षमा लाल बहादुर राई , सचिवमा सुरज राई , सहसचिवमा आनन्दी कुमारी चौधरी , कोषाध्यक्षमा हिरा चापागाई चयन भएका छन् ।
