मुकेश कुमार साह,रौतहट ४ मंसिर । नेपाली कांग्रेसको चन्द्रपुर नगर समितिको सभापतिमा मुकेश गिरि विजयी भएका छन् । शुक्रवार भएको नगर सभापतिको चुनावमा गिरि भारी मतान्तरले विजयी भएका हुन्।
गिरीले अर्का उम्मेदवार अजय साहलाई हराएका हुन्। गिरिले १२९ मत ल्याए भने अजयले जम्मा ३७ मत ल्याएका छन्।
सभापति बिजयी भएका गिरि रौतहट क्षेत्र न ४ का सांसद देव प्रसाद तिमल्सिना निकट हुन्।
त्यस्तै उपसभापतिमा सन्तलाल कुश्वार र सचिवमा गणेश प्रसाद चौलागाई निर्वाचित भएका छन्।
कुश्वार १३२ र चौलागाई १३१ मत प्राप्त गरी निर्वाचित भएका हुन्।
यस्तै सहसचिवमा पार्वती मैनाली १३३ मत पाएर निर्वाचित भएका छन्।
नगर सभापतीमा विजय भएपछी छोटो पत्रिक्रिया दिदै गिरीले चन्द्रपुर नगर कांग्रेसलाई एक ढिक्का बनाई बलियो शक्तिको रूपमा स्थापित गर्दै कांग्रेसको गठन निर्माणमा काम गर्ने बताएका छन् ।
उनले आफुलाई सर्वाधिक मत दिई बिजयी गराउन हुने सम्पूर्ण कांग्रेस नेतागण तथा कांग्रेसजन प्रती हार्दीक धन्यबाद ब्यक्त गर्दै माया र सदभाव को सधै कदर गरी नेपाली कांग्रेस को गरीमा उच्च राख्ने कोशीस गर्ने प्रतिबद्धता गरेका छन् ।
