रौतहट , २ मङ्सिर//
चन्द्रपुर नगरपालिका वडा नम्वर ८ मा मेयर कप ब्याडमिन्टन प्रतियोगिता संचालन हुने भएको छ । चन्द्रपुर नगरपालिकाको आर्थिक सहयोग तथा ब्याडमिन्टन क्लव सन्तपुरको आयोजनामा भोलि (शुक्रबार ) ब्याडमिन्टन प्रतियोगिता संचालन हुने भएको हो।
क्लवका उपाध्यक्ष विश्वदिप राज चौधरीका अनुसार सो प्रतियोगितामा रौतहट ,सर्लाही र बाराका गरी २४ वटा टिमको सहभागिता रहने छ । प्रतियोगितामा प्रथम हुने टिमले नगद २० हजार प्राप्त गर्ने छ,भने दोस्रो हुने टिमले नगद १० हजार प्राप्त गर्ने छ ।
बिजयी हुने टिमका लागि नगदका अलावा मेडल ,प्रमाणपत्र र कपको व्यवस्था गरिएको आयोजक क्लवका उपाध्यक्ष चौधरीले जानकारी दिएका छन् ।
प्रतियोगिताको उदघाटन भोलि बिहान ८ बजे चन्द्रपुरका नगर प्रमुख रामचन्द्र चौधरीले गर्ने कार्यक्रम रहेको छ । आयोजकले सो प्रतियोगिताले खेलाडीको स्तरबृद्धीमा सहयोग पुग्ने बिस्वास लिएको छ ।
