रौतहट , १० मङ्सिर //
जनता समाजवादी पार्टीका अध्यक्ष उपेन्द्र यादवले विभिन्न आन्दोलनबाट प्राप्त उपलब्धिहरुलाई ओझेलमा पारिएको बताएका छन् ।
अध्यक्ष यादवले नेकपा एमालेको महाधिवेशनमा बोल्दै जनआन्दोलन, मधेश आन्दोलनका उपलब्धिहरूलाई जालझेल र षडयन्त्र गरी ओझेलमा पारिएको आरोप लगाएका हुन् ।
अध्यक्ष यादवले शुक्रवार जारी एमाले महाधिवेशन देश र जनताको सफल होस भन्ने कामना गरेका छन् ।
अध्यक्ष यादवले चितवनमा जारी एमाले महाधिवेशनको उद्घाटन सत्रमा शुभकामना दिँदै लोकतान्त्रिक गणतन्त्रलाई संस्थागत गर्ने, शासन पद्धति जनतामा केन्द्रित गर्नुपर्ने विषयलाई अझै एजेण्डा बनाउन नसकिएको बताएका छन् ।
लोकतान्त्रिक र संवैधानिक संस्थाहरू निष्क्रिय भएकोले यसलाई प्रभावकारी बनाउन अब ढिलो गर्न नहुने तथा कमजोरीलाई हटाएर लोकतन्त्र, संघीयता र समावेशीलाई जनताको हितमा प्रयोग गर्नु पर्ने उनले बताए।
