रौतहट ११ मंसिर / बिजयपुरमा शनिवार रक्तदान कार्यक्रमको आयोजना गरीएको छ । शनिवार भएको सो रक्तदान कार्यक्रम २२ जनाले रक्तदान गरेका छन । नेशनल हस्पिटल बिजयपुर र बिजयपुर युवा क्लब,बिजयपुरको आयोजनमा फतुवाबिजयपुर नपाको बिजयपुर बजारमा अस्पतालको संचालक समितिको अध्यक्ष मणिभूषन यादवको अध्यक्षता तथा नेपाल रेडक्रस रौतहट जिल्ला शाखाका मन्त्री धर्मेन्द्र प्रसाद सिह को प्रमुख अतिथ्यतामा रक्तदान कार्यक्रम सम्पन्न भएको हो ।
कार्यक्रमका रेडक्रस शाखाको उपकोषाध्यक्ष शेख कैमुदिनको बिशेश उपस्थित र कार्यक्रमको सहजीकरण बिजयपुर युवा क्लवको अध्यक्ष ईन्जिनियर विजय कुमारले गरेका छन । शाखाको निमित्त शाखा अधिकृत कपिल देव पंडितको नेतृत्वमा रक्त संकलन प्राबिधिक टोली लालबाबू यादव,अजय साह ,अरूण यादव र राज कपुरले रक्तदान कार्यक्रममा सहजीकरण गरेका थिए । अस्पतालको जेनरल फिजिसियन डा० विश्वम्भर साहले रक्तदान गरि उद्घाटन भएको हो ।
