बारा , १३ मङ्सिर //
घरबाटै मोटरसाइकल चोरी गरि भाग्दै गर्दा बारा प्रहरीले एकजनालाई पक्राउ गरेको छ।
पक्राउ पर्नेमा बाराको कोहल्वी नगरपालिका वडा नं. ६ का २० वर्षीय श्यामबाबु चौधरी रहेका छन् ।
गएराति करिब साढे १२ बजेको समयमा जिल्लाको जीतपर सिमरा उपमहानगरपालिका वडा नं. ७ स्थित बकुलिया रोड बस्ने जोखन पण्डितको घरबाट मोटरसाइकल चोरी गरि भाग्दै गर्दा चौधरीलाई नियन्त्रणमा लिएको हो ।
उनलाई २२० सिसिको पल्सर मोटरसाइकल चोरी गरेर भाग्दै गर्दा जीतपुरसिमरा उपमहानगरपालिका वडा न.११ स्थित आमाटार भन्ने स्थानबाट पक्राउ गरिएको प्रहरीले जनाएको छ।
प्रहरीले चौधरीले चोरी गर्न आउदा प्रयोग गरेको ना.२३ प.८४४६ नम्बरको मोटरसाईकल समेत नियन्त्रणमा लिएको छ। घटनामा संलग्न एकजना फरार भएको उनको खोजी समेत भइरहेको इलाका प्रहरी कार्यालय सिमराले जनाएको छ ।
चौधरीमाथि चोरी शिर्षकमा मुद्दा दर्ता गरी थप अनुसन्धान भईरहेको प्रहरीले जनाएको छ।
