सिरहा ,४ मङ्सिर //
सिरहाबाट अवैध लागूऔषधसहित दुई जनालाई प्रहरीले पक्राउ गरेको छ ।
पक्राउ पर्नेमा सप्तरीको खड्क नगरपालिका ७ का २५ बर्षीय नागेश्वर भगत र धनुषाको औरही नगरपालिका ५ बस्ने २९ बर्षीय रमन कुमार कर्ण रहेका छन्।
शुक्रबार साँझ धनगढीमाई नगरपालिका १० मा सवारी चेकजाँच गर्ने क्रममा प्रदेश नम्बर ०२–०२३– प. ९३९ नम्बरको मोटरसाईकलमा सवार दुवै जनालाई खानतलासी गर्दा विभिन्न किसिमको लागूऔषध बरामद भएको प्रहरीले जनाएको छ ।
उनीहरुको साथबाट डाईजोपाम ३८२ एम्पुल, प्रोमिथोजाईन ३४२ एम्पुल, नोफिन १९४ एम्पुल र लेवल नभएको १८२ एम्पुल बरामद भएको सिरहाका प्रहरी प्रबक्ता सुवास बुढाथोकीले जानकारी दिएका छन् ।
पक्राउ परेका दुवै जनामाथि घटना सम्बन्धमा थप अनुसनधान भइरहेको इलाका प्रहरी कार्यालय लहानले जनाएको छ ।
अवैध लागूऔषधसहित दुई जना पक्राउ
