सर्लाही २२ साउन /// लालबन्दीमा पिकअप भ्यान पल्टिँदा एक युवकको मृत्यु भएको छ ।
शुक्रवार भएको दुर्घटनामा २५ जना भन्दा बढी घाईते भएका छन् ।
फुटबल खेलाडी बोकेर परवानिपुरतर्फ जाँदै गरेको प्रदेश–२–०३००१ च ०८४६ नम्वरको पिकअप भ्यान लालबन्दी नपा –६ मा दुर्घटना भएको हो ।
दुर्घटनामा लालबन्दी नगरपालिका–९, बस्तीपुरका १७ वर्षीय प्रल्हाद दाहालको मृत्यु भएको ईलाका प्रहरी कार्यालय लालबन्दीका प्रहरी निरीक्षक निर्मल थापाले जानकारी दिएका छन ।
दुर्घटनामा गम्भीर घाईते भएका अन्य ६ जनालाई उपचारका लागि वीरगन्ज र भरतपुर लगिएको छ ।
सामान्य घाईते २० जना भन्दाबढी को लालबन्दीको गढिमाई र मोडेल अस्पतालमा उपचार प्रहरीले जनाएको छ ।
पिकअप दुर्घटनामा एकजनाको मृत्यू,२५ भन्दा बढी घाइते
