सर्लाही १६, फागुन
सर्लाही सदरमुकाम मलंगवाका एक दम्पत्तिले वैवाहिक वर्ष गाँठको अवसरमा बिहिवार वृद्ध सेवाश्रममा एक थान वासिङ मेसिन प्रदान गरेका छन् ।सदरमुकाम मलंगवा नगरपालिका–८, निवासी सञ्जय गुप्ता र सुजता गुप्ताले १७ औँ वैवाहिक वर्षगाँठ (एनिभर्सरी) को अवसरमा पद्म–भुवनेश्वरी नमूना वृद्ध सेवाश्रम जुटपानीमा एक थान वासिङ मेसिन प्रदान गरेका हुन् ।गुप्ता दम्पत्तिले आमा कान्तिदेवी सँगै बिहिवार दिउँसो आश्रममै आएर वासिङ मेसिन प्रदान गर्नुभएको आश्रमकी व्यवस्थापक भवानी कोइरालाले जानकारी दिईन् ।सदरमुकाम मलंगवास्थित सहारा बैङ्कको अध्यक्ष एवं दुर्गा अफसेट पे्रसका सञ्चालक समेत रहेका गुप्ताले यसअघि पनि वैवाहिक वर्षगाँठमा आश्रममा सहयोग गरेका थिए ।

LEAVE A REPLY

Please enter your comment!
Please enter your name here