बर्दिया २६ जेठ । बर्दियाको सीमावर्ती क्षेत्रमा पर्ने भारतको बहराइच जिल्ला लक्कडबाबामा मेला हेरेर फर्किने क्रममा भे१त ५७५२ नम्बरको ट्याक्टर दुर्घटना हुँदा गुलरिया–८ का ९ वर्षीय बालक समुन लोधको शनिबार मृत्यु भएको छ। उनको नेपालगञ्जस्थित एक नर्सिङ होममा उपचारका क्रममा मृत्यु भएको हो।

गुलरिया–९ डिब्बा भन्ने गाउँमा भएको दुर्घटनामा १४ जना घाइते भएका प्रहरी निरीक्षक लक्ष्मण ओलीले बताए। घाइतेमध्ये गुलरिया–८ कै १५ वर्षीया नीलम लोध र ९ वर्षीया सुमनकुमारी लोधको अवस्था गम्भीर छ। जिल्ला अस्पतालमा उपचार हुन नसकेपछि दुवैलाई नेपालगञ्ज सिफारिस गरिएको छ।

नीलम र सुमनकुमारीको अवस्था चिन्ताजनक भएकाले नेपालगञ्ज पठाइएको प्रहरी नायब उपरीक्षक मदन सिंहले बताए।

वर्षेनी जेठ महिनामा लाग्ने लक्कडबाबा मेला हेर्न बर्दियाका ८ वटै स्थानीय तहको प्रत्येक बस्तीबाट धेरै सङ्ख्यामा नेपाली तीर्थालु जाने गर्छन्। रासस

LEAVE A REPLY

Please enter your comment!
Please enter your name here