logo
17 Nov 2018   |   
खेलकुद

रूनीको अन्तिम खेलमा इंग्ल्यान्डको सहज जित



खेलकुद   20 पटक पढिएको   कलमपाटी     
वाइन रूनीको अन्तिम खेलमा इंग्ल्यान्डले अन्तर्राष्ट्रिय मैत्रीपूर्ण खेलमा अमेरिकालाई हराएको छ।

 रूनीको अन्तिम खेलमा इंग्ल्यान्डको सहज जित


अमेरिकाविरुद्ध च्यारिटी म्याचमा १० नम्बर जर्सी लगाएर जेजे लिङ्गार्डको स्थानमा कप्तानका रुपमा उत्रिएका रुनी इङ्ल्यान्डलाई ३–० ले जिताउँदै बिदा भएका हुन् । खेलको सुरुवातमा भने कप्तानको जिम्मेवारी म्यानचेस्टर सिटीका फाबियन डेल्फले गरेका थिए ।

३३ मिनेट मैदानमा बिताएका उनी आफ्नो बिदाइ म्याच सकिएपछि रुँदै मैदानबाट बाहिरिए । बिदाइ म्याचका क्रममा प्रतिक्रिया दिँदै रुनीले यो पटक विश्वकपको सेमिफाइनलसम्म पुगेको इङ्ल्यान्डका लागि युवा खेलाडीले अबको केही वर्षमा विश्वकप जिताउन सक्ने विश्वास व्यक्त गरे । 

अमेरिकाको डिसी युनाइटेडबाट व्यवसायिक फुटबल खेलिरहेका एभर्टन र म्यानचेस्टर युनाइटेडका यी ३३ वर्षीय पूर्वस्ट्राइकरले इङ्ल्यान्डका लागि १२० अन्तर्राष्ट्रिय खेलमा सहभागिता जनाए । 





आफ्नो खेल जीवनमा उनले इङ्ल्यान्डका लागि १२० खेलबाट ५३ गोल गरेका छन् । इङ्ल्यान्डका लागि सर्वाधिक गोलको रेकर्ड पनि रुनीसँगै छ । उनले आफ्नो रेकर्ड अर्का स्ट्राइकर ह्यारी केनले तोड्ने पनि विश्वास गरेका छन् । त्यसैगरि म्याचेस्टर युनाइटेडबाट ३९३ खेल खेलेका उनले १८३ गोल गरेको रेकर्ड छ ।




रुनीले यसअघि सन् २०१७ मै अन्तर्राष्ट्रिय फुटबलबाट सन्यास लिएका थिए । तर फुटबल एसोसियसनले उनलाई अमेरिकाविरुद्धको च्यारिटी म्याचमा बोलाउँदै गार्ड अफ अनर पनि प्रदान गरेर बिदाइ गरेको हो । साभार अन्नपुर्ण










1874891 Times Visited.

Suprim Sanchar Pvt. Ltd.
Main Raod, Chandranighapur -1, Chandrapur Municipality, Rautahat
Mobile: 9855041125
http://www.kalampati.com
Email: kalampati@gmail.com
द. न. ४११
सचालक/ सम्पादक : फणि महत
more...
कम्पनी दर्ता : १५३७६१/०७३/०७४
सुचना बिभाग दर्ता : ४११, चन्द्रपुर ४, रौतहट
संचालन तथा प्रायोजनको हक सर्बाधिकार © सुप्रिम संचार प्रा. लि. २०७५ मा सुरक्षित रहनेछ ।
Top