घुस लिदा लिदै रसुवामा दुइ जना कर्मचारी पक्राउ

समाज

फोहोर नदीमा, लिजको जग्गा व्यर्थै



समाज प्रकाशित मिति:

जनकपुरधाम :
ल्यान्डफिल साइट बनाउनका लागि जनकपुर उपमहानगरपालिकाले जग्गा लिजमा लिइसके पनि फोहोर भने धार्मिक महŒवका नदीमा थुपार्ने काम भइरहेको छ । जनकपुर–२३ विन्धी टोल बेला भएर बग्ने दूधमती नदी फोहोरमैलाको अव्यवस्थित विसर्जनका कारण प्रदूषित हुनुका साथै थुनिन पुगेको छ ।

ल्यान्डफिल साइट व्यवस्थापनमा चासो नदेखाएका मेयर लालकिशोर साहको निर्देशनमा सफाइ कर्मचारीले नगरभरिको फोहोर उठाएर नदी किनारस्थित तीन बिघा क्षेत्रफलको श्मसानघाटमा थुपार्दै आएका थिए । तीन महिनादेखि फोहोर थुपारिन थालेपछि स्थानीय विरोधमा उत्रिएका थिए । उनीहरूले वडाध्यक्ष शत्रुधन पाण्डेलाई घेराउ गरी जथाभावी फोहोर फाल्ने कार्य रोक्न र शमसानघाट सफा गराउन दबाब दिएका थिए । वडाध्यक्ष पाण्डेले असार २६ गते यथाशीघ्र श्मसानघाटको फोहोर हटाउने सम्झौतामा हस्ताक्षरसमेत गरेका थिए । तर, फोहोर उठाए पनि नजिकै बग्ने दूधमती नदीको मुहानमा थुपारिएपछि स्थानीयले आक्रोश जनाएका छन् ।

साउन महिनामा यो नदीमा नुहाएर महादेवस्थानमा जल चढाउन सयौं श्रद्धालु आउने गर्छन् । तर, फोहोरका कारण नदी गनाउन थालेपछि यो वर्ष साउने मेला प्रभावित हुने स्थानीय लक्ष्मी सहनी बताउँछन् । दूधमतीको महŒव रामायण र माता सीताको जन्मसँग जोडिएकाले सरसफाइका लागि स्थानीय बुद्धिजीवीले अभियान सञ्चालन गरिरहेका छन् । तर, मेयर साह र वडाध्यक्ष पाण्डेको मिलेमतोमा नदी प्रदूषण गर्ने काम भएपछि विरोध गरिएको गौं संरक्षण मञ्चका अध्यक्ष जगदीश महासेठले बताए । ‘यस्तो क्रियाकलाप नगर्न अनुरोध गर्दा मेयर साहले मलाई ज्यान मार्ने धम्की नै दिएका छन्’, उनले भने ।

देवस्थल वा श्मसानघाटमा फोहोर फाल्नु उचित नरहेको वडाध्यक्ष पाण्डेले स्वीकार गरे । ‘त्यहाँबाट फोहोर हटाउन उपमहानगरपालिकालाई पत्र पठाइसकेको छु’, उनले भने । दूधमतीको मुहान असली नदीको मुहान नरहेको जिकिर गर्दै उनले यो स्थानीयले सिँचाइका लागि प्रयोग गर्ने पानी रहेको बताए । स्थानीयकै सहयोगका लागि त्यसमा फोहोर थुपारेर बाटो बनाउने प्रयास गरिएको उनको भनाइ छ ।

फोहोरमैला व्यवस्थापनका लागि एकीकृत सहरी विकास आयोजनाअन्तर्गत ल्यान्डफिल साइट बनाउन २०७३ साल फागुन २० गते उपमहानगरपालिका र केन्द्रीय गुठी संस्थानबीच सम्झौता भई जग्गासमेत उपलब्ध भइसकेको छ । सम्झौताअनुसार धनुषाको प्रको महुवा भोइलमा १२ बिघा १० कट्ठा १६ धुर जग्गा २० वर्षका लागि लिजमा लिइएको छ । यो जग्गामा ल्यान्डफिल साइट निर्माण गर्न आयोजनाबाट ४८ करोड रकमसमेत छुट्याइएको जनाइएको छ ।

सम्झौताअनुरूप उपमहानगरपालिकाले जग्गाको उपयोग गरेबापत वार्षिक ४ लाख ५ हजार रुपैयाँका दरले संस्थानलाई भाडा बुझाउँदै आएको छ । तर, ल्यान्डफिल साइट निर्माणका लागि उपमहानगरपालिकाले पहल नगरेको जनाइएको छ । ल्यान्डफिल साइट बने फोहोरमैला व्यवस्थापनका नाममा उपमहानगरपालिकाबाट हुने अनियमितता र भ्रष्टाचारको बाटो बन्द हुने भएकाले त्यसतर्फ ध्यान नदिइएको सरोकारवालाको जिकिर छ । साभार अन्नपुर्ण
गुजरा नपालाइ छुवाछुत मुक्त बनाउन प्रतिबद्धता - 2018-06-04
रौतहट २१ जेठ// रौतहटको गुजरा नगरपालिकामा छुवाछुत उन्मुलन दिवश मनाइएको छ । कार्यक्रममा सहभागीहरुले गुजरा नपा लाइ छुवाछुत मुक्त नगर बनाउन पहल गरीने प्रतिबघता व्यक्त गरेका छन ।

बोलेरोसंग ठोकिँदा ट्रकमा भीषण आगलागी - 2018-06-04
काठमाडौं : धादिङको धार्के नजिक चार किलोमा ट्रक र जिप आपसमा ठोक्किँदा ३ जना घाइते भएका छन् । ट्रकमा आगलागी भएको छ ।

फरार अभियुक्तहरु सवै पक्राउ पर्छन : प्रहरी उपरिक्षक केसी - 2018-06-04
रौतहट २१ जेठ// जिल्लामा नया प्रहरी प्रमुख सरुवा भएर आएपछि फरार अभियुक्तहरु धमाधम पक्राउ पर्न थालेका छन ।

बोक्सीको आरोपमा कुटपिट गर्ने तीन पक्राउ - 2018-06-04
इटहरी : सुनसरी जिल्लाको सदरमुकाम इनरुवासँग सीमा जोडिएको दक्षिणी क्षेत्रमा रहेको हरिनगरकी एक महिलाले छोरीलाई लोगेको रोग निको पार्न पूजापाठ गर्दा बोक्सी भन्दै कु्टपिट गर्ने गढी गाउँपालिका–४ का तीन जनालाई प्रहरीले नियन्त्रणमा लिएको जिल्ला प्रहरी कार्यालय सुनसरीले जानकारी दिएको छ ।

२० दिनमा १७ वटा मोटरसाइकल बरामद - 2018-06-04
रौतहट २१ जेठ // चेकजाचको क्रममा रौतहटमा प्रहरीले कागजपत्र नभएका १७ वटा मोटरसाइकलहरु बरामद गरेको छ । बरामद भएका मोटरसाइल लिनका लागी कागजपत्र लिएर कोही आएका छैनन ।

चितवनमा पुस्तक व्यवसायीको सिण्डीकेट, सस्तोमा उपभोक्ताले किनेको किताब व्यवसायी द्धारा जफत - 2018-06-04
चितवन, २१ जेठ । उपभोक्ताले सहुलियतमा खरिद गरेर ल्याएको पुस्तक चितवनका पुस्तक व्यबसायीले जफत गरेका छन् । आफूले भारी छुटमा खरिद गरेर उपभोक्तालाई प्रिन्ट मुल्यमा बिक्री गर्दै आएका यहाँका ब्यबसायीले उपभोक्ताले सहुलियतमा खरिद गरेर ल्याएको पुस्तक जफत गरेर राखेका हुन् ।

पर्साका लथालिङ्ग विद्यालयको भताभुङ्ग चाला - 2018-06-04
वीरगञ्ज : पर्सामा एउटा यस्तो विद्यालय छ, जहाँ पढाउनका लागि ब्ल्याकबोर्डसमेत प्रयोग हुँदैन । विद्यार्थी पढ्ने कोठामा सिमेन्टलगायतका अन्य विविध सामाग्रीको थुप्रो छ ।

रौतहटको फोहोर व्यवस्थापन नहुदा प्रदुषण - 2018-06-04
चन्द्रनिगाहपुर ,२१ जेठ : रौतहटको चन्द्रनिगाहपुर बजारमा फोहोर मैलाको उचित व्यवस्थापन नहुदा वातावरण प्रदुषित भईरहेको छ । बजार क्षेत्रबाट निस्कने फोहोरको उचित व्यवस्थापन नुहदा स्थानीयवासी बढि प्रभावित भएका छन् ।

परोहा नगरपालिका खुल्ला दिशामुक्त क्षेत्र घोषणा - 2018-06-04
रौतहट : रौतहटको परोहा नगरपालिका लाई आइतबार खुल्ला दिसा मुक्त क्षेत्र घोषणा गरिएकोे छ । रौतहटको परोहा नगरपालिका चौथो खुल्ला दिसामुक्त नगरपालिका भएको छ ।

PREV 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141 142 143 144 145 146 147 148 149 150 151 152 153 154 155 156 157 158 159 160 161 162 163 164 165 166 167 168 169 170 171 172 173 174 175 176 177 178 179 180 181 182 183 184 NEXT

English News



1267251 Times Visited.

Suprim Sanchar Pvt. Ltd.
Main Raod, Chandranighapur -1, Chandrapur Municipality, Rautahat
Mobile: 9855041125
http://www.kalampati.com
Email: kalampati@gmail.com
द. न. ४११
सचालक/ सम्पादक : फणि महत
Contact Us
All right reserved 2017 © Suprim Sanchar Pvt. Ltd.
Powered by :
Top