मड्रिडमा बलेको आगोमा पेट्रोल हाल्न चाहन्नँः माउरिन्हो

खेलकुद

पढाइसँगै खेलकुद



खेलकुद प्रकाशित मिति:

रौतहट :
चन्द्रपुर–४ की १० वर्षीया सोफिया संग्रौला स्कुलबाट घर फर्कनेबित्तिकै कबर्ड हल पुग्छिन् । जहाँ सितोरिया कराँतेको प्रशिक्षण हुन्छ । उनले पढाइसँगै खेलकुदलाई पनि प्राथमिकतामा राखेकी छन् ।

रौतहटको चन्द्रनिगाहपुर स्थित कबर्ड हलमा प्रशिक्षण लिईरहेका बाललबालीका । पछिल्लो समय यहाँका बालबालीका कराँते र फुटबल खेलप्रति आकर्षित बनेका छन ।

पढाइमा अब्बल सोफियाले ६ महिनाको प्रशिक्षणपछि कराँतेमा ओरेन्ज बेल्ट पाइसकेकी छन् । त्यहाँ उनीजस्ता ३० बालबालिका नियमित प्रशिक्षण गर्छन् । प्रशिक्षक अशोक पहाडीले १७ वर्षदेखि निस्शुल्क कराँते सिकाइरहेका छन् ।

‘अभिभावककै समर्थनमा कराँते सिक्न आएकी हुँ,’ सोफियाले भनिन्, ‘भविष्यमा खेलकुदबाटै नाम कमाउँछु ।’ मेहनत गरे पढाइ र खेलकुद दुवै अघि बढाउन सकिने उनको बुझाइ छ ।

एक वर्षयता चन्द्रनिगाहपुर क्षेत्रमा कराँते र फुटबलप्रति बालबालिकाको मोह बढदै गएको छ । दैनिक ५० भन्दा बढी बालबालिका शेरबहादुर दर्लामी खेलमैदानमा फुटबल प्रशिक्षण गर्न पुग्छन् । सोफियाका बुवा रमेश संग्रौला छोरीको मेहनत देखेर दंग छन् । ‘प्रायस् बालबालिका बिहान उठ्नै अल्छी गर्छन्,’ उनले भने, ‘छोरीको व्यवहार भिन्न छ । बिहान सबेरै उठेर टयुसन जान्छिन् । पढाइसँगै खेलमा पनि अभिरुचि बढेको छ ।’

चन्द्रपुर–४ की ११ वर्षीया सुप्रिया पोख्रेलको खेलमोह पनि उस्तै छ । उनी पनि पढाइसँगै खेलकुदमा अब्बल बन्न चाहन्छिन् । एक महिनाअघि काठमाडौंमा सम्पन्न उपराष्ट्रपति कप राष्ट्रिय चिल्ड्रेन कराँते प्रतियोगितामा प्रदेश २ बाट काँस्य पदक हात पारिन् । उनीसँगै बिबिका श्रेष्ठ, कुन्साङ डोल्मा लामाले पनि काँस्य पाए ।

सुप्रिया अहिले नियमित प्रशिक्षणमा छिन् । ‘मेरो सपना भनेको भविष्यमा कराँतेमा नम्बर वान बन्नु हो,’ उनले भनिन्, ‘त्यही भएर अहिले कडा मेहनत गर्दैछु ।’ उनका बुवा हरिबाबु रोजगारीका लागी विदेश गएका छन् । खेलमा लाग्न आमा सीताको समर्थन छ । उनी पनि मुनलाइटकै कक्षा ४ मा पढछिन् । कभर्ड हलमा प्रशिक्षक पहाडीका अलावा सहायक प्रशिक्षक सुधा थिङले उनीहरूलाई सिकाउँछन् । यहाँ २० भन्दा बढी किशोर बिहानको समयमा प्रशिक्षण लिन आउँछन् ।

पहाडीले बिहान–बेलुका गरी ६० भन्दा बढीलाई नियमित प्रशिक्षण दिइरहेका छन् । जिल्लामा राष्ट्रिय खेलकुद परिषदको प्रशिक्षक नभए पनि उनले सिकाएका खेलाडीले प्रदेश २ मै उत्कृष्ट प्रदर्शन गर्दै आएका छन् । पहाडीले २०५८ बाट चन्द्रनिगाहपुर र सन्तपुरमा निस्शुल्क प्रशिक्षण दिने गरेका छन् ।

जिल्लामा पहिलेदेखि नै राखेपको प्रशिक्षक नरहेको पहाडीले बताए । ‘जिल्लामा कराँते खेलको विकासका लागि निस्शुल्क प्रशिक्षण गराउँदै आएको छु,’ उनले भने, ‘यही जिल्लाबाट अन्तर्राष्ट्रिय स्तरको कराँते खेलाडी उत्पादन गर्ने सपना छ ।’ राखेपले कुनै किसिमको सहयोग नगरेको पहाडीले दुखेसो पोखे । साभार कान्तिपुर
उत्कृष्ट फिफा पुरुष खेलाडीको मनोनयन सूची सार्वजनिक, रियलको वर्चश्व - 2017-08-18
सन् २०१७ को उत्कृष्ट फिफा पुरुष खेलाडीका लागि २४ जनाको सूची सार्वजनिक गरिएको छ ।

बार्सिलोनामाथि हाबी हुँदै रियललाई सुपरकपको उपाधि - 2017-08-17
स्पेनिस सुपर कपको दोस्रो लेगमा बार्सिलोनालाई २–० को जीत निकाल्दै रियल म्याड्रिडले स्पेनिस सुपर कपको उपाधिमाथि कब्जा जमाएको छ । रियलले बार्सिलोनामाथि ५–१ को समग्र जित निकालेको हो ।

बलले लागेर पाकिस्तानी क्रिकेटरको मृत्यु - 2017-08-17
म्याचकै क्रममा बाउन्स बलले लागेर पाकिस्तानी क्रिकेट खेलाडी जुबेर अहमदको निधन भएको छ ।

एन्फा कार्यसमिति बैठक आज बस्दै - 2017-08-16
साउन १२ गते अतिश्चितकालका लागि स्थगित गरिएको अखिल नेपाल फुटबल संघ एन्फा कार्यसमितिको बैठक आज बस्दैछ ।

को बन्ला युरोपको उत्कृष्ट खेलाडी ? - 2017-08-16
जियान लुइजी बुफोन, लियोनेल मेस्सी र क्रिस्टियानो रोनाल्डो युइएफए वर्ष पुरुष खेलाडीको अन्तिम सूचीमा पर्न सफल भएका छन् ।

बार्सिलोना छाड्नु मर्नु हो भन्छन् तर, म झन सजीव छुः नेयमार - 2017-08-15
पेरिस सेन्ट जर्मेन (पीएसजी)बाट डेब्यू गरेपछि ब्राजिलियन स्ट्राइकर नेइमारले पहिले भन्दा सजीव महसुस गरेको टिप्पणी गरेका छन् ।

बार्सिलोनालाई खड्कियो नेमारको अभाव - 2017-08-15
आफ्ना मुख्य स्ट्राइकर क्रिस्टियानो रोनाल्डो दोस्रो हाफमा मैदानमा प्रवेश गरेर गोल गरेको केही समयमै रातो कार्ड पाउँदै मैदानबाट बाहिरिए पनि रियल म्याड्रिडले चिरप्रतिद्वन्द्वी बार्सिलोनाविरुद्घको खेलमा जित हात पारेको छ ।

चेल्सीले मलाई ‘अपराधी’जस्तो व्यवहार गर्‍योः कोष्टा - 2017-08-14
स्पेनिस स्ट्राइकर डिएगो कोष्टाले आफूलाई चेल्सीले जहिले पनि एक ‘अपराधी’ जस्तो व्यवहार गरेको गुनासो गरेका छन् । साथै उनले आफू एथ्लेटिको मड्रिडमा र्फकन चाहेकोसमेत बताएका छन् ।

रियल मड्रिडले बार्सिलोनालाई हरायो, रोनाल्डोलाई रातो कार्ड - 2017-08-14
क्रिष्टियानो रोनाल्डोले गोल गर्नुका साथै रातो कार्ड पाएको खेलमा रियल मड्रिडले बार्सिलोनालाई हराएको छ ।

PREV 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 NEXT

English News



1372651 Times Visited.

Suprim Sanchar Pvt. Ltd.
Main Raod, Chandranighapur -1, Chandrapur Municipality, Rautahat
Mobile: 9855041125
http://www.kalampati.com
Email: kalampati@gmail.com
द. न. ४११
सचालक/ सम्पादक : फणि महत
Contact Us
All right reserved 2017 © Suprim Sanchar Pvt. Ltd.
Powered by :
Top