समाज

अनुमतिबिनाका विद्यालय बढे



समाज प्रकाशित मिति:

रौतहट :
गरुडा नरपालिका ८ देवी चोकस्थित खेतमा केके मेमोरियल इङलिस बोर्डिङ स्कुल सञ्चालनको तयारीमा छ । सडक छेउको खेतमा खरले छाउँदै गरेको विद्यालयमा छात्रछात्राका लागि होस्टेलको व्यवस्था भनेर प्रचार गरिएको छ ।

रौतहटको गरुडा नगरपालिका ८ स्थित देवी चोकको खेतमा रहेको निजी विद्यालय । पछिल्लो समय जिल्लामा नयाँ बोर्डिङ खोल्ने होडबाजी नै चलेको छ ।
जग्गाधनी राजेन्द्र साहले वर्षको ४० हजार रुपैयाँमा भाडामा जग्गा दिएका हुन् । बोर्डिङले साहका परिवारका बालबालिकालाई निस्शुल्क अध्ययन गराउने सम्झौता गरेको छ । बोर्डिङको सञ्चालकका बारेमा कसैलाई थाहा छैन । यसका व्यवस्थापक, सञ्चालक कोही सम्पर्कमा छैनन् । ‘बैंकबाट ऋण लिएर बोर्डिङ सञ्चालनको तयारी गरेको भन्ने सुनेको थिएँ,’ उनले भने, ‘अहिले त सबै भागेको भन्ने खबर पाएँ ।’ स्थानीय तहबाट केके मेमोरियल नामको कुनै विद्यालयलाई अनुमिति दिइको छैन ।

जिल्लामा इजाजतबिनाका निजी विद्यालय ९बोर्डिङ० सञ्चालनमा आउने क्रम रोकिएको छैन । उनीहरूले अभिभावकलाई लोभ देखाएर धमाधम विद्यार्थी भर्ना गरिरहेका छन । यसै शैक्षिक सत्रदेखि सञ्चालनमा आएका बोर्डिङहरूले कक्षा ८ सम्म एकैचोटी भर्ना लिएको पाइएको छ । सदरमुकाम गौर, गरुडा र चन्द्रपुर, कटहरिया, समुनपुर लगायतका बजार क्षेत्रका साथै ग्रामीण भेगमा ठूलो संख्यामा अनुमति बिनाका बोर्डिङ थपिएका छन् ।

कक्षा १ सञ्चालनका लागि स्थानीय नगरपालिकामा अनुमति मागेका सञ्चालकहरूले आकर्षक विज्ञापन गरेर कक्षा ८ सम्म विद्यार्थी संकलन गरेका छन् । दर्ताबिना भर्खरै सञ्चालनमा रहेका बोर्डिङले समेत विद्यार्थी भर्ना लिएका छन । अधिकांशले खेतमा विद्यालय सञ्चालन गरेका छन । तल्लो कक्षाको अनुमति लिएर माथिल्लो कक्षा सञ्चालन गर्ने बोर्डिङको संख्या सदरमुकाम आसपासमा दुई दर्जनभन्दा बढी रहेको अनुमान छ । नगरपालिकाले कडाई नगर्दा यस्तो मनोपलि देखिएको हो ।

उनीहरूले ट्युसन र कोचिङको नाम दिएर विद्यार्थी भर्ना गरेका छन । अनुमति नलिई खोलिएका नयाँ विद्यालयले अभिभावकलाई झुक्याउँदै भर्ना अभियान चलाएपछि गौर नगरपालिकाले कारबाहीका लागि पत्रचार गरेको थियो । गत वर्ष गौरमा सञ्चालनमा रहेका आधा दर्जन बोर्डिङले कक्षा एकसम्मको मात्र अनुमति पाएका थिए । अहिले अभिभावक ठग्दै ८ कक्षासम्म सञ्चालन गरिरहेका छन् ।

सरकारी नियम लत्याउँदै जथाभावी भर्ना गर्न थालेको गुनासोपछि गौर नगरपालिकाले सार्वजनिक सूचना जारी गर्दै अभिभावक ठग्ने काम तत्काल बन्द गर्न विद्यालयलाई निर्देशन दिइएको थियो । शिक्षा ऐन २०२८ तथा शिक्षा नियमावली २०५९ विपरीत सञ्चालनमा रहेका विद्यालयलाई तत्काल कारबाही गरिने गौर नगरपालिका कार्यालयका प्रमुख अजय गुप्ताले बताए । अनुमति नभएका बोर्डिङले माथिल्लो कक्षा सञ्चालन गरेको पाइए त्यस्ता विद्यालय खारेजसम्म गर्ने प्रावधान छ । शिक्षा ऐनअनुसार नयाँले पहिलो वर्ष १ कक्षाको मात्रै अनुमति पाउँछ । त्यसपछि प्रत्येक वर्ष विद्यालयको भौतिक पूर्वाधार लगायतका मापदण्ड पूरा गरेको पाइए १ तह थप गर्दै जाने प्रावधान छ ।

शिक्षा विकास तथा समन्वय ईकाइ कार्यालय गौरका प्रमुख रामविनय सिंहले स्थानीय तहमा सबै अधिकार गएकाले अनुमति छरछैन भन्ने उसैले हेर्ने बताए । ‘अनुमति बेगर सञ्चालन गरेको छ भने कारबाही गर्नुपर्छ,’ उनले भने, ‘छाडा प्रवृत्ति हुन दिनु हुन्न ।’ जिल्लाभरी अनुमतिबिनाका विद्यालय कति छन भन्ने यकिन हुन सकेको छैन । निजी विद्यालयको छाता संगठन प्याब्सनका जिल्ला अध्यक्ष शंकर साहले जिल्लाभित्र बिनादर्ता बोर्डिङ सञ्चालन हुँदा बेथिति बढेको बताए । प्याब्सनले सम्बन्धित निकायलाई अनुगमन गर्न अनुरोध गर्दै आएको बताएको छ । ‘कतै दर्ता छैन । कतै एक कक्षाको अनुमति लिएर माथिल्लो कक्षा संचालन गरेको पाइएको छ,’ उनले भने, ‘हामी मूकदर्शक भएका छौं । यसले पुराना विद्यालयलाई धेरै मार पारेको छ ।’

महानगर कार्यालय घेटाउ

पर्सा (कास)– वीरगन्ज महानगरपालिकाको कार्यालयले माइस्थान विद्यापीठलाई पूर्वाग्रही ढंगले स्पष्टीकरण मागेर विद्यालयको शैक्षिक वातावरण बिगार्न खोजेको भन्दै अभिभावक तथा शिक्षकले बुधबार महानगरपालिकाको कार्यालय घेराउ गरेका छन् । घेराउ गर्नेमा विद्यालयका प्रधानाध्यापक विनोद मेहता, शिक्षक तथा अभिभावकहरूको ठूलो समूह थियो ।

विद्यालयको अंग्रेजी माध्यमबाट हुने पठनपाठनप्रति महानगरपालिकाको कार्यालयले चासो देखाउँदै सोमबार स्पष्टीकरण सोधेको थियो । पत्रमा विद्यालयले चर्को शुल्क लिइरहेको र लेखा परीक्षण प्रतिवेदन पनि नबुझाएको उल्लेख छ । कार्यकारी अधिृकत गोपालप्रसाद रेग्मीको हस्ताक्षरसहित काटिएको पत्रमा २०७५ को भर्ना वापत विद्यालय व्यवस्थापन सहयोग र कोचिंग शुल्क नगदी रसिद तथा नगदी किताबसहित ३ दिन भित्र उपस्थित हुन आदेश समेत दिइएको छ ।

विवादका कारण बुधबार विद्यालयको अंग्रेजी माध्यमको कक्षा अवरुद्ध भयो । विद्यालयमा झण्डै २ हजार ५ सय विद्यार्थी अध्ययनरत छन् । पछिल्लो समय संस्थागत विद्यालय छाडेर थुपै्र विद्यार्थी यो विद्यालयप्रति आकर्षित हुन थालेपछि संस्थागत विद्यालयको कोपभाजनको शिकार बनेको अभिभावकले बताएका छन् । आफ्ना २ छोराछोरी यसै विद्यालयमा पढिरहेको बताउने वीरगन्ज १० का धर्मेन्द्र प्रसादले संस्थागत विद्यालयभन्दा ४ गुना कम शुल्क लिने र उनीहरू भन्दा गुणस्तरीय शिक्षा दिने विद्यालयलाई यसरी बिनाकारण विवादमा तानेर विद्यालयको शैक्षिक वातावरण बिगार्ने काम गरिएको आरोप लगाए ।

कार्यकारी अधिकृत रेग्मीले भनेजस्तो ३ दिन भित्र स्पष्टीकरण दिन सम्भव नरहेको बताउँदै उनले महानगरपालिकाले महिनै पिच्छे शिक्षकहरूलाई तलब खुवाउने भनेकोमा त्यसो किन गर्न नसकेको त्यसको जवाफ दिनुपर्ने प्रअ मेहताले बताए ।यस सम्बन्धमा प्रतिकृया लिन खोज्दा कार्यकारी अधिकृत रेग्मीसँग सम्पर्क हुन सकेन । महानगरका शिक्षा बिभाग प्रमुख मन्जुर आलमले शुल्क सम्बन्धि जनगुनासो आएपछि माइस्थान विद्यापिठ लगायत एक दर्जन संस्थागत विद्यालय समेतलाई यस्तो पत्र काटिएको बताए । उनले कुनै विद्यालय बिशेषसंग रीसइबि तथा बदनियतपूर्वक पत्र काटेर स्पष्टिकरण नसोधिएको बताए । हाललाई यो समस्या मेयर बिजय सरावगी बिदेशबाट फर्किएपछि समाधान गर्ने गरी थाती राखिएको पनि उनले बताए । साभाचर कान्तिपुर
बसपार्कबाट फिल्मी शैलीमा १ लाख ४७ हजार लुटियो - 2018-05-21
काठमाडौं : काठमाडौंको नयाँ बसपार्कमा फिल्मी शैलीमा एक व्यक्तिको १ लाख ४७ हजार रुपैयाँ लुटपाट भएको छ ।

जनता आवास कार्यक्रम : घर बन्यो, छाना छैन - 2018-05-21
रौतहट : ईशनाथ नगरपालिका–२ औरैयाकी ४० वर्षीया रेखादेवी माझी शनिबार सुंगुरलाई पानीले भिजेको चामल खुवाउँदै थिइन् । अर्काको खेतमा ज्यालादारी गरी ल्याएको करिब १० किलो चामल घरभित्रै भिजेपछि सुंगुरलाई दिएकी हुन् ।

उडान भएन राजविराज विमानस्थलमा - 2018-05-21
राजविराज : लामो समयदेखि प्रतीक्षाको विषय बनेको राजविराज विमानस्थलको निर्माण कार्य पूरा भए पनि उडान हुन सकेको छैन । परीक्षण उडानका लागि तयार गरिए पनि फाइल सदर नहुँदा कार्यान्वयन नभएको हो ।

रौतहटका प्रहरी प्रमुख केसी एक्सनमा - 2018-05-20
रौतहट ६ जेठ// एकसता अघि मात्रै सरुवा भएर रौतहट आएका नेपाल प्रहरीका एसपी रबिन्द्र केसी एक्सनमा आउन थालेका छन ।

अदालत बाट सजाय पाएका राजपुत पक्राउ - 2018-05-20
रौतहट ६ जेठ// अदालत बाट कैद सजाय पाएर फरार रहेका एक व्यक्तिलाइ रौतहटको चन्द्रपुर बाट प्रहरीले पक्राउ गरेको छ ।

वालिकाहरु अपहरण गर्दै हत्या गर्नेलाइ ५२ बर्षको जेल सजाय - 2018-05-20
गौर ६ जेठ // सुतिरहेका बालिकाहरुलाइ अपहरण गरी वलत्कार गर्ने र नदी तथा पोखरीमा फ्याक्ने एक व्यक्ति लाइ ५२ बर्षको जेल सजाय भएको छ ।

बाढी पिडितले राहत रकम नपाएको गुनासो - 2018-05-19
रौतहट ५ जेठ /// सयौं परीवारले बाढी पिडितले पाउने राहत रकम नपाएको भन्दै रौतहटमा गुनासो गरेका छन ।

खारेजीमा परेका बिधालयका दर्जनौ भवनहरु अलपत्र - 2018-05-19
रौतहट ५ जेठ // झोले बिधालयका भवन र जमिनहरु अलपत्र अवस्थामा पर्दा सम्वन्धीत निकायले ध्यान दिन सकेको छैन । तीन वर्षअघि रौतहटका झोले बिधालयहरु खारेज भएपछि त्यासका भवन र जमिन अलपत्र परेका हुन ।

सेमी अटोमेटिक पेस्तोलसहित भारतीय नागरिक पक्राउ - 2018-05-18
वीरगञ्ज : प्रहरीले सेमी अटोमेटिक हृयान्डमेड पेस्तोलसहित एक भारतीय नागरिकलाई वीरगञ्जबाट पक्राउ गरेको छ । पक्राउ पर्नेमा भारतको मोतिहारी पोडिहार ग्राम(१९ रक्सौल बस्ने २३ वर्षीय अविरञ्जन साह रहेका छन् । उनलाई वीरगञ्ज-१६ स्थित भन्सार रोडबाट पक्राउ गरिएको हो ।

PREV 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141 142 143 144 145 146 147 148 149 150 151 152 153 154 155 156 157 158 159 160 161 162 163 164 165 166 167 168 NEXT

English News



1088172 Times Visited.

Suprim Sanchar Pvt. Ltd.
Main Raod, Chandranighapur -1, Chandrapur Municipality, Rautahat
Mobile: 9855041125
http://www.kalampati.com
Email: kalampati@gmail.com
द. न. ४११
सचालक/ सम्पादक : फणि महत
Contact Us
All right reserved 2017 © Suprim Sanchar Pvt. Ltd.
Powered by :
Top