राजनीति

‘सांसद’ दिपक मनाङे फरार, पक्राउ गर्न टोली परिचालन



राजनीति प्रकाशित मिति: काठमाडौं ६ माघ

मनाङको प्रदेशसभा ‘ख’ बाट निर्वाचित सांसद दिपक मनाङे भनिने राजिव गुरुङ फरार भएका छन् । केही दिनयता प्रहरीले उनको खोजी कार्य जारी राखेको छ, तर उनी फेला पर्न सकेका छैनन् ।

‘गुण्डा नाइके’को रुपमा  चिनिएका दिपक मनाङे भनिने राजिव गुरुङको खोजी भइरहेको महानगरीय प्रहरी परिसर काठमाडौंका प्रमुख ९एसएसपी० रविन्द्र धानुकले पुष्टि गरेका छन् । ‘अदालतको फैसला बमोजिम पत्र आएको छ’ एसएसपी धानुकले भने, ‘खोजीकार्यका लागि टीम परिचालन गरिएको छ ।’ 

२०६९ साल साउन २८ गते तत्कालिन पुनरावेदन अदालत पाटनले ‘ज्यान मार्ने उद्योग’ मुद्दामा मनाङेलाई पाँच वर्ष कैद सजाय तोकेको थियो । तर,लामो समय गुपचुप रहेको फैसला पाँच बर्षपछि माघ २ गते सार्वजनिक भयो । २०६१ सालमा गुण्डा नाईके चक्रे मिलन समूहसँग खुकुरी हानाहान हुँदा मनाङे समुहले चक्रे मिलनको हात दुई टुक्रा पारिदिएको घटनामा पुनरावेदन अदालतले कैद सजाय गरेको फैसला सार्वजनिक भएसँगै फैसला कार्यान्वयन इकाईले मनाङेलाई पक्राउ गर्न भन्दै प्रहरीलाई पत्राचार गरेको छ ।

फैसला कार्यान्वयन गर्न पत्र प्राप्त भएसँगै महानगरीय प्रहरी परिसर काठमाडौं, महानगरीय अपराध महाशाखा र केन्द्रिय अनुसन्धान ब्युरोले छुट्टाछुट्टै टोली बनाएर दिपक मनाङ्गेको खोजी गरिरहेका छन् । 

महानगरीय अपराध महाशाखा प्रमुख ९एसएसपी० दिवेश लोहनीले मनाङेको खोजी भईरहेको जानकारी दिएका छन् । उनले भने, ‘हो, अदालतबाट पत्र आईसकेको छ, हामी उनलाई खोजिरहेका छौं ।’    

२०६१ सालमा चक्रे मिलनको हात काटेको घटनामा संलग्न अन्य अभियुक्तहरु रेवती कार्की, रमेश सुनुवार, गणेश लामा र उमेश लामालाई माघ २ गते सर्वोच्च अदालतले सफाई दिएको छ । यसअघि जिल्ला अदालत काठमाडौंको फैसला बमोजिम मनाङे दुई वर्ष जेल बसिसकेका छन् । जिल्ला अदालतको फैसला पछि जिल्ला सरकारी वकिल कार्यालय काठमाडौंले मनाङे समूह विरुद्ध पुनरावदेन अदालत पाटनमा मुद्दा दायर गरेको थियो । पाटनले २०६९ सालमा अन्य चार जनालाई सफाई दिँदै मनाङ्गेलाई पाँच बर्ष कैद सजाय तोकेको थियो । 

सरकारी पक्षले २०७० जेठमा फेरि पुनरावदेन अदालत पाटनको फैसलामा पुनरावलोकन माग गर्दै मनाङे बाहेक अन्य चारजनालई पनि कैद सजायको माग गर्दै निवेदन दर्ता गराएका थिए । 

सोही मुद्धाको फैसलाका क्रममा गत मंगलबार चार जनालाई सफाई दिँदै सर्वोच्चका न्यायाधीशहरु दीपक जोशी र पुरुषोत्तम भण्डारीले पुनरावेदन अदालतको फैसला सदर गरेपछि मनाङेको पाँचबर्ष जेल सजाय भएको कुरा बाहिरिएको थियो । 

नेकपा एमालेको समर्थनमा स्वतन्त्र उम्मेद्वारको रुपमा चुनाव जितेका मनाङे संविधानको धारा १७८ बमोजिम फौजदारी कसुरमा दोषी ठहर भएका छन् । अब उनको प्रदेश सभा सदस्य पद पनि शपथ लिएसँगै खारेज हुनेछ । ratopati

तराइ मधेशबाट नेकपा एमालेमा २० जना केन्द्रिय सदस्य थपिए - 2017-03-04
झापा २१ फागुन / नेकपा एमाले ले केन्द्रीय कमिटीको संख्या विस्तार गरेको छ । झापाको बिर्तामोडमा शुक्रबार बसेको स्थायी कमिटीको बैठकले २० जना मधेसी र थारु नेताहरु केन्द्रीय कमिटीमा चयन गरेको हो ।

निजामति कर्मचारी युनियन संघ मा खां - 2017-03-04
कलमपाटी २१ फगुन/ नेपाल निजामति कर्मचारी युनियन संघ रौतहटको शुक्रबार सम्पन्न सातौ जिल्ला अधिबेशनले ईसराजुल खाँको अध्यक्षतामा सत्र सदस्यीय कार्यसमिति चयन गरेको छ ।

एमालेको कार्यक्रम बिथोल्ने कुनै कार्यक्रम छैन : सदभावना पार्टी अध्यक्ष महत्तो - 2017-03-03
काठमाण्डौ २० फागुन / सदभावना पार्टी का अध्यक्ष एव संयुक्त लोकतान्त्रिक मधेसी मोर्चाका नेता राजेन्द्र महताले एमालले शुरु गर्न लागेको ‘मेची–महाकाली ’ अभियान विथोल््ने कुनै कार्यक्रम नरहेको बताएका छन ।

प्रतिकारमा उत्रन तमलोमा अध्यक्ष ठाकुरको निर्देशन - 2017-03-03
काठमाण्डौ २० फागुन/ तमलोपा अध्यक्ष महन्थ ठाकुरले पार्टीका सांसद, केन्द्रीय समिति सदस्य र अगुवा कार्यकर्तालाइ विकसित राजनीतिक घटनाक्रमबारे जानकारी दिलाउँदै चुनावको प्रतिकार गर्नका लागि जिल्ला फर्कन निर्देशन दिएका छन ।

एमाले शीर्षनेता मधेस पस्दै, दुई सातासम्म मधेसमै मुकाम - 2017-03-03
मधेसमा रक्षात्मक अवस्थामा पुगेको पार्टी संगठन र जनमतलााई ब्युँताउन एमालेका शीर्षनेता सहित पार्टीको ठूलो पंक्ति शुक्रबारदेखि तराई झर्दैछ ।

जनज्योती क्याम्पस रौतहटमा अखिलको बहिस्कार पछि नेबिसंघ को प्यानल नै बिजयी - 2017-03-02
रौतहट १९ फागुन /जनज्योती क्याम्पस रौतहटमा नेबिसघका सभापतीका उम्मेदवार संगम श्रेष्ठले ३ सय ३७ मत प्राप्त गरेका छन । अखिल संयुक्तको प्यानलले निर्वाचन वहिष्कार गरेपछि गरिएको निर्वाचनमा जन ज्योति बहुमुखी क्याम्पसको नेविसंघ प्यानल विजयी भएको हो ।

एमालेको मेची महाकाली अभियान सगै मधेशी मोर्चाको बिरोधका कार्यक्रम - 2017-03-01
कलमपाटी १८ फागुन / संयुक्त लोकतान्त्रिक मधेसी मोर्चाले नेकपा एमालेको मेची(महाकाली अभियान सगै आन्दोलनका कार्यक्रमहरु घोषणा गरेका छन ।

रौतहटको जनज्योती क्याम्पसमा केही वेर तनाव,अखिल प्यानलको बहिस्कार - 2017-03-01
रौतहट १८ फागुन/ रौतहटको चन्द्रनिगाहपुरमा रहेको जनज्योती बहुमुखी क्याम्पसको स्ववियू निर्वाचन अखिल प्यालनले बहिस्कार गरेको छ ।

विवाद कै बिच मतदान प्रकृया शुरु - 2017-03-01
जनज्योती क्याम्पस रौतहटमा स्वबियु निर्वाचन प्रकृया अगाडि बढेको छ ।

PREV 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 NEXT

English News



749420 Times Visited.

Suprim Sanchar Pvt. Ltd.
Main Raod, Chandranighapur -1, Chandrapur Municipality, Rautahat
Mobile: 9855041125
http://www.kalampati.com
Email: kalampati@gmail.com
द. न. ४११
सचालक/ सम्पादक : फणि महत
Contact Us
All right reserved 2017 © Suprim Sanchar Pvt. Ltd.
Powered by :
Top