महिला राष्ट्रिय लिग फुटबल आजदेखि सुरु हुँदै

खेलकुद

बाईबाई रसिया कतारमा भेटौँला



खेलकुद प्रकाशित मिति:

मस्को :
पूर्वविजेता फ्रान्सलाई उपाधि चुमाउँदै २१औं विश्वकप आइतबार उल्लासमय वातावरणमा सकिएको छ । विश्वकप अघि आयोजना र व्यवस्थापनको विषयलाई लिएर आलोचना खेपेको रुसले सबै खाले भ्रमलाई चिर्दै विश्वकपको सफल आयोजना र समापनसमेत गर्‍यो ।
३२ टोलीले एक महिनासम्म फुटबलको महाकुम्भमा आफ्नो कला देखाए । विश्वकपको भव्य समापनसँगै २२औं संस्करण चार वर्षपछि एसियाली राष्ट्र कतारमा आयोजना हुनेछ ।

लुझनिकी रंगशालामा भएको ३० मिनेटको समापन समारोहमा नायक तथा र्‍यापर विल स्मिथ, गायक निक्की जाम र कोसोभोकी गायिका इरा इस्ट्रेफीले सांगीतिक प्रस्तुति दिएका थिए । उनीहरूले जारी विश्वकपको आधिकारिक गीत ‘लिभ इट अप’ गाएका थिए । समापन समारोहमा ब्राजीलका चर्चित फुटबलर रोनाल्डिन्होले समेत प्रस्तुति दिएका थिए ।

सांगीतिक प्रस्तुति सकिएपछि जर्मनीलाई सन् २०१४ मा विश्वकपको उपाधि दिलाउने टोलीका कप्तान फिलिप ल्हामले विश्वकपको ट्रफी देखाएका थिए । उनलाई रुसी मोडल नाटालिया भोदियानोभाले साथ दिएकी थिइन् । त्यसपछि फ्रान्स र क्रोएसियाबीच फाइनल खेल सुरु भएको थियो । फाइनल खेललगत्तै आयोजित पुरस्कार वितरण समारोहपछि कतारमा भेट्ने बाचा गर्दै २१औं विश्वकप सकिएको थियो ।

सन् २०२२ को विश्वकप भने चर्को गर्मीकाका कारण परम्परागत समयमा नभई नोभेम्बर २१ देखि डिसेम्बर १८ तारिखसम्म सञ्चालन हुने बताइएको छ । यसैगरी कतार विश्वकपमा सहभागी संख्या बढाउने सकिने विषयमा पनि फेरि बहस सुरु भएको छ । विश्व फुटबल महासंघ (फिफा) ले कतार विश्वकपमै सहभागी संख्या बढाएर ३२ बाट ४८ बनाउन सकिने संकेत दिएको छ ।

फिफाका अध्यक्ष जियानी इन्फान्टिनोले कतारले व्यवस्थापन गर्न सके सहभागी टोलीको संख्याको विषयमा खुला रूपमा छलफल गर्न सकिने बताएका छन् । ‘हामी अर्को संस्करणदेखि नै १६ टोली थपेर विश्वकपको दायरा फराकिलो बनाउन सक्छौं तर, कतारले यस विषयमा आफूलाई तयार गर्न सक्नुपर्छ । मस्कोमा यही विषयमा छलफल पनि भएको छ । आयोजकलाई दबाब नदिई उसको अवस्थालाई ध्यानमा राख्नु हाम्रो कर्तव्य हो,’ इन्फान्टिनोले भनेका छन् ।

फिफाको धारणाप्रति कतारका अधिकारी पनि टोलीको सँख्या बढाउने विषयमा सकारात्मक देखिएका छन् । ‘कतारको दोहामा अहिले विश्वकपलाई लक्षित गरी आठवटा स्टेडियम तयार भइरहेको छ । सहभागी टोली बढाउँदा भौतिक संरचनादेखि सबै विषयमा ध्यान दिनुपर्छ । फिफाको प्रस्तावपछि हामी कसरी यसलाई पार लगाउने भन्ने विषयमा सोचिरहेका छौं’, कतार विश्वकप आयोजक कमिटीका सहायक महासचिव नसिरअल खतरले भनेका छन् ।

कतार विश्वकपका छनोट खेलहरू अर्को वर्षको सुरुबाटै हुने भएकोले फिफाका अधिकारीले रुस विश्वकपको फाइनलसँगै यो विषयलाई सहज रूपमा समाधान गर्ने उपाय खोजिरहेका छन् । यसैगरी रुस विश्वकपको उद्घाटन अघि मस्कोमा सम्पन्न फिफा कंग्रेसले सन् २०२६ को विश्वकपमा भने ४८ टोलीको सहभागिता सुनिश्चित गरेको छ । उक्त कंग्रेसले २३औं संस्करणको विश्वकप उत्तर अमेरिकी देश अमेरिका, क्यानडा र मेक्सिकोले संयुक्त रूपमा आयोजना गर्ने निर्णयसमेत गरेको थियो । साभार अन्नपुर्ण
मेसीको अनुपस्थितिमा बार्सालाई सफलता - 2018-03-13
मालागा : स्पेनिस ला लिगा फुटबलको आइतबार बिहान खेलिएको खेलमा ‘लिग लिडर’ बार्सिलोनाले तालिकामा सबैभन्दा तल रहेको मालागालाई उसैको मैदानमा २-० गोलले हराएको छ।

बार्सिलोनाले मालागालाई २-० ले हरायो - 2018-03-11
काठमाडौं : स्पेनिस ला लिगा फुटबलअन्तर्गत गएरातिको खेलमा बार्सिलोना विजयी भएको छ । लियोनल मेस्सीबिना मैदान छिरेको बार्सिलोनाले मालागालाई २-० ले हरायो ।

विश्वकप छनोटमा नेपाल र अफगानिस्तान भिड्दै - 2018-03-10
काठमाडौं : आइसिसी विश्वकप छनोट प्रतियोगिताअन्तर्गत शनिबार दिउँसो नेपाल र अफगानिस्तानबीच प्रतिस्पर्धा हुँदैछ। चार वर्षपछि एकदिवसीय खेलमा प्रतिस्पर्धा गर्न लागेका दुवै टिमका लागि खेल दबाबपूर्ण हुने पक्का छ।

क्रिकेट खेलमा भारतका पत्रकार द्धारा नेपालका पत्रकार पराजीत - 2018-03-09
रौतहट २५ फागुन // भारतिय महावाणिज्य दुतावास विरगंज र राजदेवी मिडिया सेन्टर गौरले संयुक्त रुपमा आयोजना गरेको भारत र नेपालका पत्रकारहरु बिचको मैत्रीपूर्ण क्रिकेट प्रतियोगितामा नेपाली पत्रकारहरुको टिम पराजित भएको छ ।

स्कटल्यान्डविरुद्ध नेपाललाई सुरुवातमै झड्का - 2018-03-08
काठमाडौं : आइसिसी एकदिवसीय विश्वकप छनोटअन्तर्गत स्कटल्यान्ड विरुद्धको खेलमा नेपाललाई सुरुवातमै झड्का लागेको छ। ओपनर ज्ञानेन्द्र मल्ल दोस्रो ओभरको पहिलो बलमै १ रनको झिनो स्कोर आउट भएका छन्। ज्ञानेन्द्र साफयान शरिफको बलमा बोल्ड भएका हुन्। अर्का ओपनर दिलीप नाथ पनि ४ रन बनाएर आउट भएका हुन्। नाथलाई विटिङघमले एलबिडब्लुको धरापमा पारेका हुन्।

रियल मड्रिडले पीएसजीलाई फेरि हरायो, रोनाल्डोको गोल - 2018-03-07
काठमाडौं : रियल मड्रिडले पेरिसमा पनि पेरिस सेन्ट जर्मेनलाई हराएको छ र च्याम्पियन्स लिगको क्वाटरफाइनलमा स्थान बनाएको छ ।

रौतहट जिल्ला भरी क्रिकेटको तरंग - 2018-03-05
रौतहट २१ फाल्गुन// क्रिकेटको ईतिहासमा रौतहट जिल्ला आफैमा महत्व राख्ने ठाउ रहेको छ । रौतहट जिल्लाबाट उत्पादन भएका सो खेलका खेलाडि जिल्ला भरी मात्र सिमित नभई कयौं राष्ट्रिय अन्तराष्ट्रिय खेल खेलिसकेका छन् ।

विश्वकप छनोट : जिम्बाब्वेले टस जितेर ब्याटिङ रोज्यो - 2018-03-04
काठमाडौं : विश्वकप छनोटको पहिलो खेलमा जिम्बाब्वेले टस जितेर ब्याटिङ रोजेको छ क्विन्स स्पोट्र्स क्लबमा नेपालले फिल्डिङको निम्तो दिएको छ ।

विश्वकप छनौट : जिम्बावेविरुद्ध भिड्दै नेपाल - 2018-03-04
काठमाडौँ: एकदिवसीय विश्वकप क्रिकेट छनोट यात्राको शुरुवात नेपालले आइतबार आफूभन्दा निकै बलियो टोली जिम्बावेविरुद्धको खेलबाट गर्दै छ ।

PREV 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 NEXT

English News



1257207 Times Visited.

Suprim Sanchar Pvt. Ltd.
Main Raod, Chandranighapur -1, Chandrapur Municipality, Rautahat
Mobile: 9855041125
http://www.kalampati.com
Email: kalampati@gmail.com
द. न. ४११
सचालक/ सम्पादक : फणि महत
Contact Us
All right reserved 2017 © Suprim Sanchar Pvt. Ltd.
Powered by :
Top