खेलकुद

च्याम्पियन्स लिगः रोमाविरुद्ध लिभरपुल ५–२ ले विजयी



खेलकुद प्रकाशित मिति:

काठमाडौं :
युरोपियन च्याम्पियन्स लिगअन्तर्गत सेमिफाइनलको पहिलो लेगमा लिभरपुलले शानदार जित हासिल गरेको छ । गएराति घरेलु मैदान एन्फिल्डमा लिभरपुलले इटालीको एएस रोमालाई ५–२ ले हरायो ।

यो जितसँगै लिभरपुल फाइनलमा पुग्ने सम्भावना बलियो भएको छ । यसअघि बार्सिलोनालाई क्वाटरफाइनलबाटै घर फर्काएको रोमा भने दोस्रो लेगको खेल खेल्नुअघि दबावमा परेको छ ।

लिभरपुललाई जिताउन मोहम्मद सलाह र रोबर्टो फिरमिनोले दुई–दुई गोल गरे । साडियो मानेले एक गोल थपे । रोमाका लागि एडिन जेको र डिएगो पेरोटीले एक–एक गोल गरेका थिए ।

सन् २००७ मा लिभरपुल च्याम्पियन्स लिगको फाइनलमा पुगेको थियो । यो सिजनमा पनि फाइनलमा पुग्ने बलियो सम्भाबना कायम राख्नुमा सलाहको भूमिका महत्वपूर्ण छ ।

दुई दिनअघि मात्रै पीएफए वर्ष खेलाडी अवार्ड जितेका स‍लाहले रोमाविरुद्धको खेलमा दुई गोल मात्रै गरेनन् थप दुई गोलका लागि सहयोग पनि गरे ।

३५ र ४५ औं मिनेटमा गोल गरेका सलाहले ५६ औं मिनेटमा साडिओ माने र ६१ औं मिनेटमा रोबर्टो फिरमिनोलाई गोल गर्ने वातावरण तयार पारे । फिरमिनोले ६८ औं मिनेटमा व्यक्तिगत दोस्रो गोल गर्दै खेललाई ५–० को अवस्थामा पुर्‍याएका थिए ।

यो सिजनको सुरुमा रोमाबाट आएका सलाहले लिभरपुलका लागि अहिलेसम्म ४३ गोल गरिसकेका छन् ।

खेलको अन्तिम समयतिर भने रोमाले दुई गोल फर्कायो । ८१ औं मिनेटमा एडिन जेकोले र ८५ औं मिनेटमा पाएको पेनाल्टीमा डिएगो पेरोटीले गोल गरे । साभार अनलाईन खबर
म्यानचेस्टर सिटी एफए कपबाट बाहिरियो, विगानसँग १-० ले स्तब्ध - 2018-02-20
काठमाडौं : म्यानचेस्टर सिटी एफए कप फुटबलबाट बाहिरिएको छ । विगान एथलेटिक्ससँग सोमबार राति १-० ले पराजित भएपछि म्यानचेस्टर सिटी प्रतियोगिताबाट बाहिरिएको हो ।

रौतहटको सन्तपुरमा राष्ट्रिय भलिवल प्रतियोगिता - 2018-02-19
रौतहट ७ फागुन// ६८ औ प्रजातन्त्र दिवशको अवसरमा रचन्द्रपुर नपा ८ सन्तपुरमा राष्ट्रिय भलिवल प्रतियोगिता शुरु भएको छ । फागुन १० गते सम्म संचालन हुने प्रतियोगितामा बारा, सर्लाही, रौतहट , तनहु लगाएत जिल्लाका खेलाडीहरुले प्रतिस्पर्धा गर्ने छन ।

रियल मड्रिडको प्रभावशाली जित - 2018-02-19
काठमाडौं : स्पेनिस ला लिगा अन्तरगत आइतबारको रोमाञ्चक खेलमा डिफेन्डिङ च्याम्पियन रियल मड्रिड जित निकाल्न सफल भएको छ । सिजनको सुरुदेखि नै राम्रो प्रदर्शन गर्न नसक्दा उपाधि होडमा पछिपरिरहेको रियल मड्रिडले रियल बेटिसलाई ५-३ ले हराएको हो ।

यथ्लेटिको मड्रिडको जित, बार्सिलोनालाई दबाब - 2018-02-19
काठमाडौं : स्पेनिस ला लिगाको दोस्रो स्थानमा रहेको यथ्लेटिको मड्रिडले सहज जित निकाली शीर्ष स्थानको बार्सिलोनामाथि दबाब कायमै राखेको छ। आइतबारको खेलमा यथ्लेटिक विल्बाओमाथि २-० को जित हात पार्दै उपाधि होडमा शीर्ष स्थानको बार्सिलोनामाथि दबाब बनाएको छ।

एइबरविरुद्ध बार्साको संघर्षपूर्ण जित - 2018-02-18
स्पेनिस ला लिगा फुटबलमा बार्सिलोनाले एइबरविरुद्धको खेलमा संघर्षपूर्ण जित निकालेको छ । १० खेलाडीमा सीमित एइबरलाई शनिबार राति बार्साले २-० ले हराएको छ । बार्साको जितमा लुइस स्वारेज र जोर्डी अल्बाले गोल गरे ।

नेपाल पहिले फिल्डिङ गर्दै - 2018-02-15
काठमाडौं : आईसीसी विश्व क्रिकेट लिग डिभिजन टू को उपाधिका लागि युएईविरुद्धको खेलमा नेपालले पहिले फिल्डिङ गर्ने भएको छ ।

रोनाल्डोको गोलसँगै रियल मड्रिडले पीएसजीलाई हरायो - 2018-02-15
काठमाडौं : क्रिष्टियानो रोनाल्डोको दुई गोलको मदतमा रियल मड्रिडले च्याम्पियन्स लिगको पहिलो लेगमा पेरिस सेन्ट जर्मेनलाई हराएको छ ।

टोटनह्यामले युभेन्टससँग बराबरी खल्यो - 2018-02-14
टोटनह्यामले उत्कृष्ट पुनरागमन गरेको छ र च्याम्पियन्स लिगको प्रि–क्वार्टरफाइनलको फाइनलको पहिलो लेगमा युभेन्टससँग बराबरी खेलेको छ ।

डिभिजन २ क्रिकेट : जित्नै पर्ने दबाबमा नेपाल - 2018-02-14
काठमाडौं : अन्तर्राष्ट्रिय क्रिकेट काउन्सिल (आईसीसी) विश्व क्रिकेट लिग डिभिजन–२ अन्तर्गत महत्वपूर्ण खेलमा नेपालले बुधबार क्यानडाको सामना गर्दैछ।

PREV 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 NEXT

English News



1018938 Times Visited.

Suprim Sanchar Pvt. Ltd.
Main Raod, Chandranighapur -1, Chandrapur Municipality, Rautahat
Mobile: 9855041125
http://www.kalampati.com
Email: kalampati@gmail.com
द. न. ४११
सचालक/ सम्पादक : फणि महत
Contact Us
All right reserved 2017 © Suprim Sanchar Pvt. Ltd.
Powered by :
Top