महिला राष्ट्रिय लिग फुटबल आजदेखि सुरु हुँदै

खेलकुद

बाईबाई रसिया कतारमा भेटौँला



खेलकुद प्रकाशित मिति:

मस्को :
पूर्वविजेता फ्रान्सलाई उपाधि चुमाउँदै २१औं विश्वकप आइतबार उल्लासमय वातावरणमा सकिएको छ । विश्वकप अघि आयोजना र व्यवस्थापनको विषयलाई लिएर आलोचना खेपेको रुसले सबै खाले भ्रमलाई चिर्दै विश्वकपको सफल आयोजना र समापनसमेत गर्‍यो ।
३२ टोलीले एक महिनासम्म फुटबलको महाकुम्भमा आफ्नो कला देखाए । विश्वकपको भव्य समापनसँगै २२औं संस्करण चार वर्षपछि एसियाली राष्ट्र कतारमा आयोजना हुनेछ ।

लुझनिकी रंगशालामा भएको ३० मिनेटको समापन समारोहमा नायक तथा र्‍यापर विल स्मिथ, गायक निक्की जाम र कोसोभोकी गायिका इरा इस्ट्रेफीले सांगीतिक प्रस्तुति दिएका थिए । उनीहरूले जारी विश्वकपको आधिकारिक गीत ‘लिभ इट अप’ गाएका थिए । समापन समारोहमा ब्राजीलका चर्चित फुटबलर रोनाल्डिन्होले समेत प्रस्तुति दिएका थिए ।

सांगीतिक प्रस्तुति सकिएपछि जर्मनीलाई सन् २०१४ मा विश्वकपको उपाधि दिलाउने टोलीका कप्तान फिलिप ल्हामले विश्वकपको ट्रफी देखाएका थिए । उनलाई रुसी मोडल नाटालिया भोदियानोभाले साथ दिएकी थिइन् । त्यसपछि फ्रान्स र क्रोएसियाबीच फाइनल खेल सुरु भएको थियो । फाइनल खेललगत्तै आयोजित पुरस्कार वितरण समारोहपछि कतारमा भेट्ने बाचा गर्दै २१औं विश्वकप सकिएको थियो ।

सन् २०२२ को विश्वकप भने चर्को गर्मीकाका कारण परम्परागत समयमा नभई नोभेम्बर २१ देखि डिसेम्बर १८ तारिखसम्म सञ्चालन हुने बताइएको छ । यसैगरी कतार विश्वकपमा सहभागी संख्या बढाउने सकिने विषयमा पनि फेरि बहस सुरु भएको छ । विश्व फुटबल महासंघ (फिफा) ले कतार विश्वकपमै सहभागी संख्या बढाएर ३२ बाट ४८ बनाउन सकिने संकेत दिएको छ ।

फिफाका अध्यक्ष जियानी इन्फान्टिनोले कतारले व्यवस्थापन गर्न सके सहभागी टोलीको संख्याको विषयमा खुला रूपमा छलफल गर्न सकिने बताएका छन् । ‘हामी अर्को संस्करणदेखि नै १६ टोली थपेर विश्वकपको दायरा फराकिलो बनाउन सक्छौं तर, कतारले यस विषयमा आफूलाई तयार गर्न सक्नुपर्छ । मस्कोमा यही विषयमा छलफल पनि भएको छ । आयोजकलाई दबाब नदिई उसको अवस्थालाई ध्यानमा राख्नु हाम्रो कर्तव्य हो,’ इन्फान्टिनोले भनेका छन् ।

फिफाको धारणाप्रति कतारका अधिकारी पनि टोलीको सँख्या बढाउने विषयमा सकारात्मक देखिएका छन् । ‘कतारको दोहामा अहिले विश्वकपलाई लक्षित गरी आठवटा स्टेडियम तयार भइरहेको छ । सहभागी टोली बढाउँदा भौतिक संरचनादेखि सबै विषयमा ध्यान दिनुपर्छ । फिफाको प्रस्तावपछि हामी कसरी यसलाई पार लगाउने भन्ने विषयमा सोचिरहेका छौं’, कतार विश्वकप आयोजक कमिटीका सहायक महासचिव नसिरअल खतरले भनेका छन् ।

कतार विश्वकपका छनोट खेलहरू अर्को वर्षको सुरुबाटै हुने भएकोले फिफाका अधिकारीले रुस विश्वकपको फाइनलसँगै यो विषयलाई सहज रूपमा समाधान गर्ने उपाय खोजिरहेका छन् । यसैगरी रुस विश्वकपको उद्घाटन अघि मस्कोमा सम्पन्न फिफा कंग्रेसले सन् २०२६ को विश्वकपमा भने ४८ टोलीको सहभागिता सुनिश्चित गरेको छ । उक्त कंग्रेसले २३औं संस्करणको विश्वकप उत्तर अमेरिकी देश अमेरिका, क्यानडा र मेक्सिकोले संयुक्त रूपमा आयोजना गर्ने निर्णयसमेत गरेको थियो । साभार अन्नपुर्ण
प्रदेश नम्वर २ स्तरिय सितोरियो कराते प्रतियोगिता सम्पन्न - 2017-10-17
रौतहट ३१ असोज // रौतहटको चन्द्रनिगाहपुरमा सम्पन्न २ नम्बर प्रदेश स्तरिय कराते प्रतियोगितामा सात सुवर्ण पदक सहित रौतहट जिल्ला प्रथम भएको छ । नेपाल सितोरियो कराते संघ रौतहटको आयोजनामा चन्द्रनिगाहपुरमा सम्पन्न प्रतियोगितामा २ नम्बर प्रदेशका आठैवटा जिल्लाका खेलाडी सहभागी थिए ।

हङकङले दियो नेपाललाई १९५ रनको लक्ष्य - 2017-10-13
अन्तर्राष्ट्रिय क्रिकेट काउन्सिल ९आईसीसी० विश्व क्रिकेट लिग च्याम्पियनसिपअन्तर्गतङ नेपाल र हंङकङ बीचको खेलमा हङकङले नेपाललाई १९५ रनको लक्ष्य प्रस्तुत गरेको छ

पोर्चुगल विश्वकपमा, नेदरल्याण्ड पुग्न सकेन - 2017-10-11
युरोपियन च्याम्पियन पोर्चुगलले स्वीटजरल्याण्डलाई पराजित गर्दै सन् २०१८ को विश्वकपका लागि छनौट भएको छ ।

मेस्सीको उत्कृष्ट ह्याट्रिक - 2017-10-11
कप्तान लियोनेल मेस्सीको उत्कृष्ट ह्याट्रिक गर्दै अर्जेन्टिना सन् २०१८ को विश्वकपका लागि छनौट भएको छ । अर्जेन्टिना ३–१ गोलअन्तरले विजयी भएको हो ।

विश्व फुटबलमा आइसल्याण्डले रच्यो अर्को इतिहास - 2017-10-10
आइसल्याण्ड रुस विश्वकपमा छनोट हुने सबैभन्दा सानो मुलुक बनेको छ । छनोट चरणको आफ्नो अन्तिम खेलमा आइसल्याण्डले कोसोभोलाई २-० ले हरायो ।

विश्वकपको १७ टोली छनौट - 2017-10-10
सन् २०१८ मा रसियाका विश्वकपको छनौट खेलहरु अन्तिम चरणमा रहेको छ । प्रतियोगितामा ३२ टोलीले भाग लिनेछन् जसमध्ये १७ टोलीले आफ्नो स्थान पक्का गरिसकेका छन् ।

इजिप्ट विश्वकपका लागि छनोट, सलाह बने नायक - 2017-10-09
खेलको अन्तिम मिनेटमा मोहम्मद सलाहले गरेको पेनाल्टी गोलको मदतमा इजिप्टले कंगोलाई हराइको छ र २५ वर्षपछि विश्वकपमा स्थान बनाएको छ ।

स्वीडेनको विश्वकप सम्भावना कायमै, नेदरल्याण्ड्स संकटमा - 2017-10-08
स्वीडेनले लग्जम्बर्गमाथि गोलको वर्षा गर्दै विश्वकपमा छनोट हुने सम्भावना कायमै राखेको छ भने नेदरल्याण्ड्सलाई संकटमा पारेको छ ।

रोनाल्डोको प्रेरणामा पोर्चुगलको विश्वकप छनौटको सपना कायम - 2017-10-08
अतिरिक्त खेलाडीको रुपमा मैदान छिरेर गोल गर्दै क्रिस्टिायनो रोनाल्डोले पोर्चुगलको विश्वकपमा स्वतः छनौट हुने सम्भावना कायम राखेका छन् ।

PREV 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 NEXT

English News



1257208 Times Visited.

Suprim Sanchar Pvt. Ltd.
Main Raod, Chandranighapur -1, Chandrapur Municipality, Rautahat
Mobile: 9855041125
http://www.kalampati.com
Email: kalampati@gmail.com
द. न. ४११
सचालक/ सम्पादक : फणि महत
Contact Us
All right reserved 2017 © Suprim Sanchar Pvt. Ltd.
Powered by :
Top