खेलकुद

च्याम्पियन्स लिगः रोमाविरुद्ध लिभरपुल ५–२ ले विजयी



खेलकुद प्रकाशित मिति:

काठमाडौं :
युरोपियन च्याम्पियन्स लिगअन्तर्गत सेमिफाइनलको पहिलो लेगमा लिभरपुलले शानदार जित हासिल गरेको छ । गएराति घरेलु मैदान एन्फिल्डमा लिभरपुलले इटालीको एएस रोमालाई ५–२ ले हरायो ।

यो जितसँगै लिभरपुल फाइनलमा पुग्ने सम्भावना बलियो भएको छ । यसअघि बार्सिलोनालाई क्वाटरफाइनलबाटै घर फर्काएको रोमा भने दोस्रो लेगको खेल खेल्नुअघि दबावमा परेको छ ।

लिभरपुललाई जिताउन मोहम्मद सलाह र रोबर्टो फिरमिनोले दुई–दुई गोल गरे । साडियो मानेले एक गोल थपे । रोमाका लागि एडिन जेको र डिएगो पेरोटीले एक–एक गोल गरेका थिए ।

सन् २००७ मा लिभरपुल च्याम्पियन्स लिगको फाइनलमा पुगेको थियो । यो सिजनमा पनि फाइनलमा पुग्ने बलियो सम्भाबना कायम राख्नुमा सलाहको भूमिका महत्वपूर्ण छ ।

दुई दिनअघि मात्रै पीएफए वर्ष खेलाडी अवार्ड जितेका स‍लाहले रोमाविरुद्धको खेलमा दुई गोल मात्रै गरेनन् थप दुई गोलका लागि सहयोग पनि गरे ।

३५ र ४५ औं मिनेटमा गोल गरेका सलाहले ५६ औं मिनेटमा साडिओ माने र ६१ औं मिनेटमा रोबर्टो फिरमिनोलाई गोल गर्ने वातावरण तयार पारे । फिरमिनोले ६८ औं मिनेटमा व्यक्तिगत दोस्रो गोल गर्दै खेललाई ५–० को अवस्थामा पुर्‍याएका थिए ।

यो सिजनको सुरुमा रोमाबाट आएका सलाहले लिभरपुलका लागि अहिलेसम्म ४३ गोल गरिसकेका छन् ।

खेलको अन्तिम समयतिर भने रोमाले दुई गोल फर्कायो । ८१ औं मिनेटमा एडिन जेकोले र ८५ औं मिनेटमा पाएको पेनाल्टीमा डिएगो पेरोटीले गोल गरे । साभार अनलाईन खबर
अर्जेन्टिनाले भेनेजुएलासँग बराबरी खेल्यो, विश्वकप छनौट कठिन बन्दै - 2017-09-06
अर्को वर्ष रुसमा हुने विश्वकप फुटबलको सहभागिता निश्चित गरिनसकेको अर्जेन्टिनाले विश्वकप दक्षिण अमेरिकी छनौटमा भेनेजुएलालसँग एक एक गोलको बराबरी खेलेको छ ।

पिपुल्स च्वाइस अवार्डको चर्चा - 2017-09-05
पल्सर स्पोर्ट्स अवार्ड-२०७४ भदौ २६ गते राजधानीमा आयोजना हुँदैछ। पल्सर स्पोर्ट्स अवार्डमा उत्कृष्ट पुरुष खेलाडी, उत्कृष्ट महिला खेलाडी, उत्कृष्ट युवा खेलाडी, उत्कृष्ट प्रशिक्षक, पिपुल्स च्वाइस अवार्ड, पारा एथलिट अवार्ड, स्पेसल अवार्ड र लाइफटाइम एचिभमेन्ट अवार्ड गरी आठ विधामा पुरस्कार प्रदान गरिने भएको छ।

विश्वकपमा छनौट नजिक इंग्ल्याण्ड - 2017-09-05
एक गोलले पछि परेको स्थिति उल्टाउँदै इंग्ल्याण्डले स्लोभाकियालाई हराउँदै आगामी वर्ष रसियामा हुने विश्वकपमा छनौट नजिक पुगेको छ ।

धोनीले बनाए अनौठो शतक - 2017-09-04
भारतीय क्रिकेटर महेन्द्र सिंह धोनीले एकदिवसीय क्रिकेटमा अनौठो शतक बनाएका छन् ।

पीएसजी जाने नेइमारको निर्णय सहीः पेले - 2017-09-04
ब्राजिलका जेलेन्ड पेलेले बार्सिलोना छाडेर पेरिस सेन्ट जर्मेन (पीएसजी) जाने नेइमारको निर्णय सही भएको बताएका छन् ।

खेलकूदमन्त्री केसीलाई लोकतान्त्रिक खेलकूद संघको सम्मान - 2017-09-03
नेपालीकांग्रेसको शुभेच्छुक संस्था नेपाललोकतान्त्रिक खेलकुद संघले आइतबार युवातथाखेलकुदमन्त्री राजेन्द्रकुमार केसी राजनलाई सम्मान गरेको छ ।

इटालीको अपराजित यात्रा अन्त्य, इस्को नायक बन्दा स्पेन विश्वकप छनौट नजिक - 2017-09-03
इस्कोको दुई गोलको मद्दतले इटालीलाई हराउँदै स्पेन समूह जीबाट विश्वकप छनौटमा महत्वपूर्ण कदम चालेको छ ।

जर्मनी र इङ्ल्यान्ड विश्वकप नजिक - 2017-09-03
साविक विजेता जर्मनी र पूर्वविजेता इङ्ल्यान्ड अर्को वर्ष रुसमा हुने विश्वकप फुटबलको छनोट नजिक पुगेका छन् । शुक्रबार भएको आआफ्नो खेलमा जित हात पार्दै जर्मनी र इङ्ल्यान्डले रुस विश्वकपको यात्रा लगभक पक्का बनाएका हुन् ।

टेनिस स्टार सेरेना विलियम्स बनिन् आमा, दिइन् छोरीलाई जन्म - 2017-09-02
संसारको नम्बर १ टेनिस खेलाडी बनिसकेकी सेरेना विलियम्स आमा बनेकी छिन् । ३६ वर्षीया सेरेनाले शुक्रबार छोरीलाई जन्म दिएकी हुन् ।

PREV 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 NEXT

English News



1018940 Times Visited.

Suprim Sanchar Pvt. Ltd.
Main Raod, Chandranighapur -1, Chandrapur Municipality, Rautahat
Mobile: 9855041125
http://www.kalampati.com
Email: kalampati@gmail.com
द. न. ४११
सचालक/ सम्पादक : फणि महत
Contact Us
All right reserved 2017 © Suprim Sanchar Pvt. Ltd.
Powered by :
Top