महिला राष्ट्रिय लिग फुटबल आजदेखि सुरु हुँदै

खेलकुद

बाईबाई रसिया कतारमा भेटौँला



खेलकुद प्रकाशित मिति:

मस्को :
पूर्वविजेता फ्रान्सलाई उपाधि चुमाउँदै २१औं विश्वकप आइतबार उल्लासमय वातावरणमा सकिएको छ । विश्वकप अघि आयोजना र व्यवस्थापनको विषयलाई लिएर आलोचना खेपेको रुसले सबै खाले भ्रमलाई चिर्दै विश्वकपको सफल आयोजना र समापनसमेत गर्‍यो ।
३२ टोलीले एक महिनासम्म फुटबलको महाकुम्भमा आफ्नो कला देखाए । विश्वकपको भव्य समापनसँगै २२औं संस्करण चार वर्षपछि एसियाली राष्ट्र कतारमा आयोजना हुनेछ ।

लुझनिकी रंगशालामा भएको ३० मिनेटको समापन समारोहमा नायक तथा र्‍यापर विल स्मिथ, गायक निक्की जाम र कोसोभोकी गायिका इरा इस्ट्रेफीले सांगीतिक प्रस्तुति दिएका थिए । उनीहरूले जारी विश्वकपको आधिकारिक गीत ‘लिभ इट अप’ गाएका थिए । समापन समारोहमा ब्राजीलका चर्चित फुटबलर रोनाल्डिन्होले समेत प्रस्तुति दिएका थिए ।

सांगीतिक प्रस्तुति सकिएपछि जर्मनीलाई सन् २०१४ मा विश्वकपको उपाधि दिलाउने टोलीका कप्तान फिलिप ल्हामले विश्वकपको ट्रफी देखाएका थिए । उनलाई रुसी मोडल नाटालिया भोदियानोभाले साथ दिएकी थिइन् । त्यसपछि फ्रान्स र क्रोएसियाबीच फाइनल खेल सुरु भएको थियो । फाइनल खेललगत्तै आयोजित पुरस्कार वितरण समारोहपछि कतारमा भेट्ने बाचा गर्दै २१औं विश्वकप सकिएको थियो ।

सन् २०२२ को विश्वकप भने चर्को गर्मीकाका कारण परम्परागत समयमा नभई नोभेम्बर २१ देखि डिसेम्बर १८ तारिखसम्म सञ्चालन हुने बताइएको छ । यसैगरी कतार विश्वकपमा सहभागी संख्या बढाउने सकिने विषयमा पनि फेरि बहस सुरु भएको छ । विश्व फुटबल महासंघ (फिफा) ले कतार विश्वकपमै सहभागी संख्या बढाएर ३२ बाट ४८ बनाउन सकिने संकेत दिएको छ ।

फिफाका अध्यक्ष जियानी इन्फान्टिनोले कतारले व्यवस्थापन गर्न सके सहभागी टोलीको संख्याको विषयमा खुला रूपमा छलफल गर्न सकिने बताएका छन् । ‘हामी अर्को संस्करणदेखि नै १६ टोली थपेर विश्वकपको दायरा फराकिलो बनाउन सक्छौं तर, कतारले यस विषयमा आफूलाई तयार गर्न सक्नुपर्छ । मस्कोमा यही विषयमा छलफल पनि भएको छ । आयोजकलाई दबाब नदिई उसको अवस्थालाई ध्यानमा राख्नु हाम्रो कर्तव्य हो,’ इन्फान्टिनोले भनेका छन् ।

फिफाको धारणाप्रति कतारका अधिकारी पनि टोलीको सँख्या बढाउने विषयमा सकारात्मक देखिएका छन् । ‘कतारको दोहामा अहिले विश्वकपलाई लक्षित गरी आठवटा स्टेडियम तयार भइरहेको छ । सहभागी टोली बढाउँदा भौतिक संरचनादेखि सबै विषयमा ध्यान दिनुपर्छ । फिफाको प्रस्तावपछि हामी कसरी यसलाई पार लगाउने भन्ने विषयमा सोचिरहेका छौं’, कतार विश्वकप आयोजक कमिटीका सहायक महासचिव नसिरअल खतरले भनेका छन् ।

कतार विश्वकपका छनोट खेलहरू अर्को वर्षको सुरुबाटै हुने भएकोले फिफाका अधिकारीले रुस विश्वकपको फाइनलसँगै यो विषयलाई सहज रूपमा समाधान गर्ने उपाय खोजिरहेका छन् । यसैगरी रुस विश्वकपको उद्घाटन अघि मस्कोमा सम्पन्न फिफा कंग्रेसले सन् २०२६ को विश्वकपमा भने ४८ टोलीको सहभागिता सुनिश्चित गरेको छ । उक्त कंग्रेसले २३औं संस्करणको विश्वकप उत्तर अमेरिकी देश अमेरिका, क्यानडा र मेक्सिकोले संयुक्त रूपमा आयोजना गर्ने निर्णयसमेत गरेको थियो । साभार अन्नपुर्ण
७२ मिनेटसम्म पछि परेको बार्सिलोनालाई मेसी र सुआरेजले यसरी खेलमा पर्काए - 2018-01-29
काठमाडौं : स्पेनिस ला लिगामा हालसम्म अपराजित रहँदै आएको बार्सिलोनाले यस पटक पनि आफ्नो लयलाई कायम राखेको छ । ला लिगाको आइतबारको खेलमा आलाभेजविरुद्ध २(१ को संघर्षपूर्ण जित निकाल्न सफल भयो।

मड्रिडमा बलेको आगोमा पेट्रोल हाल्न चाहन्नँः माउरिन्हो - 2018-01-26
म्यानचेष्टर युनाइटेडका प्रशिक्षक जोसे माउरिन्होले भनेका छन् कि क्रिष्टियानो रोनाल्डो यस्ता खेलाडी हुन्, जसलाई हरेक म्यानेजरले आफ्नो टिममा होस् भन्न चाहन्छन् ।

च्याम्पियन्स लिग जित्यो भने यो अविश्वसनीय वर्ष हुनेछः रोनाल्डो - 2018-01-26
रियल मड्रिडका लागि आफ्नो शाख जोगाउन च्याम्पियन्स लिग पर्याप्त हुने स्टार स्ट्राइकर क्रिष्टियानो रोनाल्डोले बताएका छन् ।

म्यानचेस्टर सिटी कारबाओ कपको फाइनलमा - 2018-01-24
काठमाडौँः इङ्लिस प्रिमियर लिगको लिडर म्यानचेस्टर सिटी कारबाओ कप फुटबल प्रतियोगिताको फाइनलमा प्रवेश गरेको छ ।

अगुएरोको ह्याट्रिकमा म्यानचेस्टर सिटीको सहज जित - 2018-01-21
काठमाडौँ: अर्जेन्टाइन स्ट्राइकर सर्जियो अगुएरोले सिजनको दोस्रो ह्याट्रिक गरेपछि इङ्लिस प्रिमियर लिगमाा फराकिलो अग्रता बनाइरहेको म्यानचेस्टर सिटीले न्यूकासल युनाइटेडमाथि ३(१ को जित निकालेको ।

एथ्लेटिको मड्रिडले बराबरी खेल्दा बार्सिलोनालार्इ फाइदा - 2018-01-21
काठमाडौँ : स्पेनिस ला लिगामा उपाधि होडमा रहेको एथ्लेटिको मड्रिडले बराबरी खेलेपछि बार्सिलोनाको उपाधि यात्रा सहज भएको छ । उपाधि होडमा दोस्रो स्थानमा रहेको एथ्लेटिको गिरोनासँग १-१ गोलको बराबरीमा रोकिएपछि बार्सिलोनालार्इ फाइदा भएको हो ।

रियल म्याड्रिड सेमिफाइनल नजिक - 2018-01-20
रियल म्याड्रिडले कोपा डेल रे फुटबल प्रतियोगिताको सेमिफाइनलमा प्रवेश गर्ने सम्भावना बलियो बनाएको छ ।

मेसीले पेनाल्टी चुकाए, बार्सिलोनाको सिजनकै पहिलो हार - 2018-01-18
स्पेनिस क्लब बार्सिलोनाले यो सिजनकै पहिलो हार आत्मसाथ गरेको छ । कोपा डेल रे अन्तरगत क्वार्टर फाइनलको पहिलो लेगको खेलमा बार्सिलोना स्पानियोलसँग १–० ले पराजित भएको हो ।

डिजोनमाथि एपीएसजीको गोल वर्षा, नेयमार एक्लैले गरे ४ गोल - 2018-01-18
लिग वानमा पेरिस सेन्ट जर्मेन ९पीएसजी०ले डिजोनमाथि गोलको वर्षा नै गरेको छ ।

PREV 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 NEXT

English News



1257209 Times Visited.

Suprim Sanchar Pvt. Ltd.
Main Raod, Chandranighapur -1, Chandrapur Municipality, Rautahat
Mobile: 9855041125
http://www.kalampati.com
Email: kalampati@gmail.com
द. न. ४११
सचालक/ सम्पादक : फणि महत
Contact Us
All right reserved 2017 © Suprim Sanchar Pvt. Ltd.
Powered by :
Top