१६० सिटको नतिजा सार्वजनिक, परिणाम आउन बाँकी ५ मध्ये ३ स्थानकाे गणना जारी

राजनीति

संसदमा विपक्षी सांसद भन्छन् -समृद्धिको होइन, करको माहोल देखियो



राजनीति प्रकाशित मिति:

काठमाडौं :
स्थानीय तहमा भएको कर वृद्धिको विषयमा आइतबार संसदमा छलफल भएको छ । आइतबारको संद बैठकमा सत्तापक्षका सांसदहरुले कर बढाएको विषयमा अनावश्यक भ्रम सिर्जना गरेको दावी गरे भने विपक्षी दलका सांसदहरुले भने गरिब जनताको ढाड सेक्ने गरी अवैज्ञानिक रुपमा कर लगाइएको भन्दै फिर्ता लिन माग गरे ।

संसदको छलफलपछि सभामुख कृष्णबहादुर महराले करको विषयमा सरकारको विशेष ध्यानाकर्षणसमेत गराएका छन् ।

आइतबारको संसद बैठकमा नेकपाकी सांसद पंफा भुसालले करको भ्रमपूर्ण खबरले संघीयताविरोधीले टाउको उठाउने मौका पाएको बताइन् । कांग्रेस सांसद पुष्पा भुसालले सानो पूँजीको उपयोग गरेर आम्दानी गरेकाहरु करका कारण व्यवसाय र पेशा नै छोड्नुपर्ने अवस्थामा पुगेको बताइन् ।

नेकपाका सांसद कृष्णभक्त पोखरेलले स्थानीय तहले अञ्जानबस कर उठाएको भए रोक्नका लागि प्रेरित गर्न केन्द्र सरकारले भूमिका खेल्नुपर्ने बताए । ‘हामीले सबै सरकारलाई कर उठाउन पाउने प्रबन्ध गर्‍यौं । अहिले करको विषयमा भ्रम सिर्जना गर्न मिडिया पनि प्रयोग भएको छ’ उनले भने ‘अञ्जानबस कर उठाएको भए रोक्नका लागि प्रेरित गर्न र सरकारले गरेको कामको प्रचार गर्न सरकारलाई आग्रह गर्दछु ।’

कांग्रेस सांसद अमरेशकुमार सिंहले करका कारण राजनीतिप्रति नै वितृष्णा उत्पन्न भइरहेको बताए । मकै पोल्नेलाई, ठेलावालालाई र खोला तर्दासमेत कर लिइएको भन्दै उनले स्थानीय तहको करमा एकरुपता हुनुपर्ने बताए ।

कांग्रेस सांसद उमेश श्रेष्ठले देशमा समृद्धिको माहोल आउनुपर्नेमा करको माहोल आएको टिप्पणी गरे । उनले जनता धनी भएमा आफै कर तिर्ने भन्दै अहिले बढाइएको करमा पुनर्विचार हुनुपर्ने बताए ।

नेकपाका सांसद कृष्णप्रसाद आचार्यले कर वृद्धिको विषय थोरै बास्तविकता र धेरै सामाजिक सञ्जालको आतंक भएको जिकिर गरे । ‘कुनै एउटा स्थानीय सरकारले कर सम्बन्धी जानेर नजानेर गरेको व्यवस्थालाई फैलाउँदा कर आतंक हो कि के हो भन्ने भएको छ’ उनले भने ‘सरकारले यथार्थ सूचना प्रदान गरोस् । नजानेर भएको त्र्ुटी छ भने सबै स्थानीय सरकारलाई एक ठाउँमा राखेर समस्या समाधान गरोस् ।’

नेकपाका सांसद घनश्याम खतिवडाले करको विषयमा सामाजिक सञ्जालमा सरकारको बदनाम गरिएको भन्दै विरोध जनाए । ‘जन्मदर्ता मृत्युदर्तामा समेत कर लागेको भन्ने अफवाह आएको छ, तर रसिद कतै देखिएको छैन’ उनले भने ‘अञ्जानवश वा सरकारलाई बदनाम गर्ने नियतले आएको छ भने गैरकानूनी कर नलगाउन निर्देशन जारी गर्नुपर्छ ।’
मूल्यवृद्धि गर्नेहरुले पनि कर बढेको अफवाह फैलाएका उनले आरोप लगाए ।

राष्ट्रिय जनमोर्चाकी सांसद दुर्गा पौडेलले स्थानीय सरकारले कर लिन पाउनु नीतिगत रुपमा गलत नभए पनि एउटा पद्धतिमा कर लगाउनुपर्ने बताइन् । अहिले दायित्ववोधविना जथाभावी कर लिइएको भन्दै उनले विरोध जनाइन् । साभार अनलाईन खबर
सरकारविरुद्ध आन्दोलनमा उत्रने उपेन्द्र यादवको चेतावनी - 2016-11-06
सङ्घीय समाजवादी फोरम नेपालका अध्यक्ष उपेन्द्र यादवले आफूहरुको माग सम्बोधन नभए सरकारविरुद्ध आफूहरु आन्दोलनमा उत्रिने चेतावनी दिएका छन् ।

नेपालको समस्या समाधानमा बाहीरी हस्तक्षेप अस्विकार्य : नेता नेपाल - 2016-11-05
नेकपा एमालेका बरीष्ठ नेता माधवकुमार नेपालले नेपालको राजनीतिक समस्या समाधानमा कसैको हस्तक्षेप र दबाब स्वीकार्य नहुने बताएका छन् ।

संबिधान संसोधन भाषणमा मात्रै : नेता साह - 2016-11-04
कलमपाटी १९ कार्तिक पुर्वमन्त्री एवं संसदको अन्तरराष्ट्यि श्रम संबन्धन समितिका सभापती प्रभु साहले संबिधान संसोधन नेताहरुको भाषणमा मात्र सिमित भएको बताएका छन ।

मंसिर ४ गते राजपुरमा काग्रेसको सभा - 2016-11-04
कलमपाटी १९ कार्तिक पुर्वमन्त्री एवं नेपाली कांग्रेसका नेता मो आफताव आलमले पाँच कदम पछी हटेर भएपनी संबिधान संसोधन गरी देशमा बिधमान बिभेद अन्तगर्न सबै दलहरुलाई आग्रह गरेका छन ।

पार्टी मित्रै प्रचण्डको तिव्र आलोचना - 2016-11-03
कलमपाटी १८ कार्तिक सरकार नेतृत्व गरेको एक सय दिन नपुग्दै नेकपा माओवादी केन्द्रभित्रबाट प्रधानमन्त्री पुष्पकमल दाहालको तीब्र आलोचना सुरु भएको छ ।

भारतिय राष्ट्रपति मुखर्जी नेपालमा,के के भयो काठमाण्डौमा - 2016-11-02
काठमाण्डौ १७ कार्तिक/ भारतीय राष्ट्रपति प्रणव मुखर्जी तीनदिने राजकीय भ्रमणका लागी नेपाल आइपुगेका छन । बुधवार दिउसो उनी ६० सदसिय भ्रमण टोली सहीत साढे बार बजे त्रिभुवन अन्तर्राष्ट्रिय विमानस्थलमा अवतरण गरेका हुन ।

खाउ पकाउमा सरकारको नौ महिना बित्ने : संसद साह - 2016-10-30
कलमपाटी १४ कार्तिक पुर्वमन्त्री एवं संसदका अन्तरराष्ट्यि श्रम संगठनका सभापती प्रभु साहले बर्तमान सरकारको खाने र देखाउने दाँत छुटाछुटै रहेको टिप्पणी गरेका छन ।

डोमको घरमा बिजुली मिटर जडान गर्छु : उर्जा राज्यमन्त्री भगत - 2016-10-29
कलमपाटी १३ कार्तिक डोमको घरमा बिउर्जा राज्यमन्त्री सत्यनारायण भगतले गरीविको चपेटामा रहेको डोम जातीको घरमा बिजुली मिटर जडान गर्ने बताएका छन ।

भारतिय राष्ट्रपतिको नेपाल भ्रमण तालिका - 2016-10-29
काठमाण्डौ १३ कार्तिक / कार्तिक १७ देखि १९ गते सम्म हुने भारतिय राष्ट्रपति प्रणव मुखर्जीको भ्रमण तालिका परराष्ट्र मन्त्रालयले शनिवार सार्वजनीक गरेको छ ।

PREV 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 NEXT

English News



1381265 Times Visited.

Suprim Sanchar Pvt. Ltd.
Main Raod, Chandranighapur -1, Chandrapur Municipality, Rautahat
Mobile: 9855041125
http://www.kalampati.com
Email: kalampati@gmail.com
द. न. ४११
सचालक/ सम्पादक : फणि महत
Contact Us
All right reserved 2017 © Suprim Sanchar Pvt. Ltd.
Powered by :
Top