logo
19 Nov 2018   |   
मनोरञ्जन

मलाइका र अर्जुन कपूरसँग खुलेयाम प्रेम !



मनोरञ्जन   66 पटक पढिएको   कलमपाटी     
प्रेम, विवाह र सम्बन्धविच्छेद जीवनका पाटाहरु हुन् । यसका वास्तविक परिभाषा दिन नसकेपनि यसले मानिसको जीवनमा भने अनेक तरङ्ग ल्याइदिन्छ ।

मलाइका र अर्जुन कपूरसँग खुलेयाम प्रेम !


यी तीनै चीज समाजमा सधैँ चासो रहने विषय पनि हो । अझ यही कुरा सेलीब्रेटीको मामिलामा मानिसहरु झनै धेरै चासो व्यक्त गर्छन् ।

यस्तैमा यतिबेला बलिउड अभिनेता अर्जुन कपूर उनकी प्रेमिका मलाइका अरोराको प्रेमले निकै चर्चा पाउन थालेको छ । आफूभन्दा १२ वर्षे कान्छा अभिनेतासँग खुलेयाम प्रेम देखाउन थालेकी छिन् मलाइका ।

केही दिन अघि उनीहरुको नाइट पार्टीको तस्विरले सामाजिक सञ्जालमा तहल्का पिटिरहेको छ । पार्टीमा अर्जुनकी काकी अर्थात संजय कपूरकी पत्नी महीप कपूर पनि उपस्थित थिइन् । 

तस्विरमा मलाइका–अर्जुनको निकटताले यही बताउँछ कि यी दुई अब खुलेयाम आफ्नो प्रेम स्वीकार्न थालिसकेका छन्  ।




४५ वर्षिया मलाइकाले निर्देशक तथा अभिनेता अरवाज खानसँगको २१ वर्षे दाम्पत्य जीवनलाई पूर्णविराम लगाएकी थिइन् ।  गत वर्ष अरवाज खानसँग सम्वन्धविच्छेद गरेकी  मलाइकाको १५ वर्षका छोरा छन् । अर्जुन भने अविवाहित हुन् । 

इटलीमा सँगै मलाइकाको जन्मदिन मनाएर मुम्बई फर्किएको यो जोडीले आफ्नो प्रेम एयरपार्टमा पनि सार्वजनिक गरेका थिए । भारतीय सञ्चार माध्यमका अनुसार उनीहरु चाँडै आफ्नो विवाहको औपचारिक घोषणा गर्दैछन् र अर्को विवाह बन्धनमा बाँधिनेछन् । 

यता अरवाज भने रोमानियाकी सुन्दरी जर्जिया एन्ड्रियानीसँग प्रेममा छन् । अरवाजले एन्ड्रियासँग आफ्नो प्रेम सार्वजनिक रुपमा स्वीकारिसकेका छन्  । एजेन्सी










1898992 Times Visited.

Suprim Sanchar Pvt. Ltd.
Main Raod, Chandranighapur -1, Chandrapur Municipality, Rautahat
Mobile: 9855041125
http://www.kalampati.com
Email: kalampati@gmail.com
द. न. ४११
सचालक/ सम्पादक : फणि महत
more...
कम्पनी दर्ता : १५३७६१/०७३/०७४
सुचना बिभाग दर्ता : ४११, चन्द्रपुर ४, रौतहट
संचालन तथा प्रायोजनको हक सर्बाधिकार © सुप्रिम संचार प्रा. लि. २०७५ मा सुरक्षित रहनेछ ।
Top