डा. गोबिन्द केसी नवौ पटक अनसनमा

समाज

टेपभित्र लुकाएर लागूऔषध



समाज प्रकाशित मिति:

पर्सा :
वीरगन्ज भन्सारमा खटिएको सशस्त्र प्रहरीको टोलीले काठमाडौं चन्द्रागिरि नपा ५ का ३१ वर्षीय अनिल सापकोटालाई लागूऔषधसहित पक्राउ गर्‍यो । शरीरमा सेटिङ गरी टेप लगाएर ५४/५४ गोटा डाइजोल्याब, नोफिन र फेनारगन उनको साथबाट बरामद भयो ।

वीरगन्ज नाकाबाट बुधबार शरीरमा टेपिङ गरी लागूऔषध ल्याउँदै गर्दा पक्राउ परेका व्यक्ति ।
पछिल्लो समय सीमामा सशस्त्र प्रहरीले कडाइ गरेपछि लागूऔषध तस्करले अपनाएको यो नयाँ शैली हो । विगतमा मालसामानमा वा सवारीसाधनमा लुकाएर तस्करी गर्नेहरू अहिले यो तरिकामा अभ्यस्त भएका छन् । दैनिक जसो यस्ता लागूऔषध तस्कर पक्राउ पर्न थालेका छन् । भीडभाड रहने यो नाका हुँदै लागूऔषध तस्करीमा संलग्न सबै व्यक्ति पक्राउनै पर्छन् भन्ने निश्चित हँुदैन ।

भारतमा प्रतिबन्धित नगरिएका तर नेपालमा प्रतिबन्धित रहेका यी औषधिलाई प्रहरीले नियन्त्रित लागूऔषध भन्ने गरेको छ । भारतबाट यस्ता लागूऔषध ल्याउनेहरू मात्र नभई नेपालबाट गाँजा, चरेस जस्ता लागूऔषध बोकेर भारत जान खोज्नेहरू पनि पक्राउ परिरहेका हुन्छन् ।

प्रहरीले दैनिकजसो यस्ता लागूऔषध प्रयोगकर्ता, ढुवानीकर्ता तथा कारोबारीहरूलाई पक्राउ गरे पनि उनीहरू निरुत्साहित भने भएका छैनन् । दैनिक जसो वीरगन्जबाट पैदल रक्सौल पुगेर लागूऔषध सेवन गरेर फर्किने दुव्र्यसनीहरू सीमामा थुपै्र देखिन्छन् । यसरी फर्कंदा उनीहरूले पनि थोर बहुत यस्ता लागूऔषध बोकेर ल्याएका हुन्छन् । कतिपयले यस्ता लागूऔषध ल्याएर अन्य दुव्र्यसनीलाई बिक्री गर्छन् ।

जिल्ला प्रहरी कार्यालयको तथ्यांकअनुसार गत आर्थिक वर्षमा लागूऔषध तस्करी आरोपमा १४ महिला र १ सय ८१ पुरुष गरी १ सय ९५ जना पक्राउ परेका छन् । तीमध्ये १६ वर्षभन्दा कम उमेरका २, १६ देखि २५ वर्षका १ सय ९, २५ देखि ३५ वर्ष उमेरका ४१, ३६ देखि ४५ वर्षका ३०, ४६ वर्षभन्दा माथिका १३ जना छन् ।

अघिल्लो आवमा पनि १ सय ५१ जना लागूऔषध ढुवानीकर्ता तथा कारोबारीहरू पक्राउ परेका थिए । वीरगन्ज कारागारका झन्डै आधा कैदीबन्दी लागूऔषध मुद्दामा सजाय पाएका वा पुर्पक्षमा रहेकाहरू मात्र छन् ।यसरी मुलुकको सर्वाधिक आयात निर्यात हुने नाका लागूऔषध ढुवानीको परम्परागत ट्रान्जिटका रूपमा बदनाम रहेको छ । सुरक्षाकर्मीको आँखा छलेर लागूऔषध ढुवानी गर्नेको संख्या पक्राउ परेकाहरूभन्दा निक्कै बढी हुन सक्छ ।

नेपालमा नियन्त्रित लागूऔषध भनिने औषधिहरू सीमावर्ती भारतीय सहर रक्सौलका औषधि पसलमा खुलेआम किन्न पाइन्छ । ठूलो परिमाणमा यस्ता औषधि भित्रिनुले रक्सौलमा पनि संगठित गिरोह यसको कारोबारमा लागेको अनुमान गर्न सकिन्छ । त्यस्ता गिरोह यी औषधि नेपाल पठाउने काममा सक्रिय रहेका छन् ।

पक्राउ पर्ने अधिकांशमा १८ देखि २४ वर्ष उमेर समूहका युवा हुने गरेका छन् । तीमध्ये पनि अधिकांश पर्साभन्दा बाहिरी जिल्लाका हुन्छन् । नेपालबाट भारततर्फ लगिने गाँजा र चरेस जस्ता लागूऔषध ढुवानी गर्ने अधिकांश भरिया हुन्छन् । वीरगन्ज भन्सारस्थित सशस्त्र प्रहरी गुल्मका गुल्मपति डीएसपी तिलक खड्का पछिल्लो समय वीरगन्ज नाकामा भीडभाड र जाम कम भएपछि लागूऔषध तस्करलाई पक्राउ गर्न सहज भएको बताउँछन् । ‘अहिले आईसीपी भन्सारबाट अधिकांश मालवाहक सवारीसाधन भित्रिने गरेकाले वीरगन्ज भन्सार नाकामा भीडभाड कम भएको छ,’ उनले भने, ‘यसरी हामीलाई यो नाका भएर आउजाउ गर्ने व्यक्तिलाई निगरानी गर्न केही सहज भएको छ, शंकास्पद व्यक्तिहरूलाई पक्राउ गर्दा शरीरमै टेपले सेटिङ गरी लागूऔषध ल्याउँदै गरेको अवस्थामा फेला पर्छन् ।’

जिल्ला प्रहरी कार्यालयका प्रहरी निरीक्षक ज्ञानकुमार महतो जिल्लामा सर्वाधिक पक्राउ पर्ने अपराधीहरूमा लागूऔषध तस्कर नै हुने गरेको बताउँछन् । बर्सेनि यो क्रम बढ्दै गएको पनि उनले बताए । पक्राउ परेकाहरूको अपराधको विश्लेषण गर्दा उनीहरूले सीमा नाकामा बढी भीडभाड हुने दिउँसो १२ देखि साँझ ६ बजेसम्मको समयमा तस्करीको प्रयास गर्छन् ।

सामाजिक अभियन्ता प्रकाश थारू वीरगन्ज मुलुकको प्रवेशद्वारसँगै लागूऔषधि भित्रिने नाकाका रूपमा पनि बदनाम हुनु भनेको समग्र जिल्लावासीकै लागि लज्जास्पद विषय भएको बताउँछन् । लागूऔषध तस्करीलाई नियन्त्रण गर्न यसका प्रयोगकर्ता युवा शक्तिहरूलाई यसको कुलतबाट बचाउन गैरसरकारी संस्थाहरूको साझा प्रयास आवश्यक रहेको थारूले बताए । ‘यो कुनै एक व्यक्ति वा परिवारको समस्या होइन, लागूऔषध राष्ट्रिय समस्या नै बन्दै गएको छ,’ उनले भने, ‘यसका लागि समाजका सबै वर्गको प्रयास र हातेमालो आवश्यक छ, गैरसरकारी संस्थाहरूले पनि अब यो समस्याविरुद्ध लड्न विशेष सक्रियता अपनाउनुपर्ने बेला भइसकेको छ । साभार कान्तिपुर
मोदीले लिए सन्दिप लामिछानेको नाम - 2018-05-12
काठमाडौं : नेपाल भ्रमणमा रहेका भारतीय प्रधानमन्त्री नरेन्द्र मोदीले नेपाल पनि आईपीएलसँग जोडिएको भन्दै खुसी व्यक्त गरेका छन् । काठमाडौंमा भएको नागरिक अभिनन्दन कार्यक्रमलाई सम्बोधन गर्दै उनले सन्दिप लामिछानेको नाम समेत लिएका छन् ।

नेपालको विकासका लागि भारत ‘शेर्पा’ बन्न तयार छः मोदी - 2018-05-12
काठमाडौं : भारतीय प्रधानमन्त्री नरेन्द्र मोदीले नेपालको विकासका लागि भारत शेर्पा बन्न तयार रहेको बताएका छन् । काठमाडौं महानगरपालिकाले गरेको नागरिक अभिनन्दन कार्यक्रमलाई सम्बोधन गर्दै प्रधानमन्त्री मोदीले नेपालको विकासमा पूर्ण सहयोग गर्न भारत तयार रहेको बताए ।

पशुपति पुगे मोदी, विशेष पूजा गर्दै - 2018-05-12
भारतीय प्रधानमन्त्री नरेन्द्र मोदी पशुपतिनाथ मन्दिर पुगेका छन् । मोदी पशुपतिनाथ मन्दिरको दर्शन तथा पूजा अर्चनाका लागि त्यहाँ पुगेका हुन् ।

४५ जना डिएसपीको सरुवा - 2018-05-12
काठमाण्डौ : नेपाल प्रहरीका ४५ जना प्रहरी नायब उपरिक्षक ( डिएसपी )को प्रहरी प्रधान कार्यालयले एकैपटक सरुवा गरेकोे छ ।

काठमाडौंको दर्इ स्थानमा सवारी दुर्घटना, ३ जना घाइते - 2018-05-12
काठमाडौं : काठमाडौको छुट्टाछुट्टै स्थानमा आज बिहान भएका २ सवारी दुर्घटनामा ३ जना घाइते भएका छन् ।

मोदीको नेपाल भ्रमणको बिरोध गर्ने दुर्इजना बुटवलमा पक्राउ - 2018-05-11
बुटवल : भारतीय प्रधानमन्त्री नरेन्द्र दामोदरदास मोदीको नेपाल भ्रमणको बिरोध गरेको भन्दै प्रहरीले दुई जनालाई पक्राउ गरेको छ ।

आइतबार उपत्यकामा सार्वजनिक बिदा - 2018-05-11
काठमाडौँ : काठमाडौं उपत्यकामा आइतबार (३० गते) सार्वजनिक विदा हुने भएको छ । रातो मच्छिन्द्रनाथको भोटो देखाउने जात्रा परेकाले काठमाडौँ उपत्यकाभित्र सार्वजनिक बिदा दिइएको हो ।

छोरीको बालविवाह गराउन खोजेको आरोपमा बाबु पक्राउ - 2018-05-11
वीरगञ्ज : पर्सा प्रहरीले बालविवाह गराउन लागेको आरोपमा एक अभिभावकलाई पक्राउ गरेको छ ।

मोदीद्वारा जानकी मन्दिरमा पूजा–अर्चना - 2018-05-11
काठमाडौं : भारतीय प्रधानमन्त्री नरेन्द्र मोदीले जनकपुरस्थित जानकी मन्दिरमा पूजा गरेका छन् ।

PREV 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141 142 143 144 145 146 147 148 149 150 151 152 153 154 155 156 157 158 159 160 161 162 163 164 165 166 167 168 169 170 171 172 173 174 175 176 177 178 179 180 181 182 183 184 185 186 187 188 189 190 191 NEXT

English News



1362593 Times Visited.

Suprim Sanchar Pvt. Ltd.
Main Raod, Chandranighapur -1, Chandrapur Municipality, Rautahat
Mobile: 9855041125
http://www.kalampati.com
Email: kalampati@gmail.com
द. न. ४११
सचालक/ सम्पादक : फणि महत
Contact Us
All right reserved 2017 © Suprim Sanchar Pvt. Ltd.
Powered by :
Top