logo
16 Oct 2018   |   
खेलकुद

एपिएलको डेब्यु खेलमै सन्दीपको २ विकेट



खेलकुद   36 पटक पढिएको   कलमपाटी     
काठमाडौं, २९ असोज /// इन्डियन प्रिमियर लिग(आइपीएल)खेलेपछि विदेशी क्रिकेट लिगमा व्यस्त बनेका नेपाली युवा क्रिकेटर सन्दीप लामिछानेले युएईमा जारी अफगानिस्तान प्रिंमियर लिग(एपीएल) को पहिलो खेल आइतबार खेलेका छन् ।

एपिएलको डेब्यु खेलमै सन्दीपको २ विकेट


अस्ट्रेलियाका अलराउण्डर क्रिकेटर बेन कटिङको कप्तानीमा रहेको नान्गहर लेपार्डसमा आवद्ध भएका सन्दीपले आइतबारको डेब्यु खेलमा २ विकेट लिन सफल भए ।  ४ ओभर बलिङ गरेका सन्दीपले २३ रन मात्रै दिएर २ विकेट लिन सफल भएका हुन् ।

अफगानिस्तानकै मोहमद साहजादको कप्तानीमा रहेको पाक्टिया प्यान्थर्ससँग प्रतिस्पर्धा गरेको सन्दीप आवद्ध टोली नान्गहर लेपाडर्स ७ विकेटले पराजित भयो। टस जितेर पहिले ब्याटिङमा उत्रिएको नान्गहर लेपार्डसले २० आभेरमा अलआउट हुँदै १२९ रन बनाएको थियो । पाक्टिया प्यान्थर्सले १४.४ ओभर ३ विकेट गुमाएर जित हात पार्‍यो ।

मलेसियामा भएको सन २०२० मा आयोजना हुने आईसीसी टीट्वेन्टी विश्वकपको पहिलो चरणको एसियाली छनोट प्रतियोगिता सहभागी भएका कारण सन्दीपले यस अघिका खेलमा सहभागी हुने पाएनन् ।  सन्दीप मलेसियाबाटै एपीएल खेल्न युएई गएका हुन् ।

आईपीएलसँगै क्यानाडा लिग, क्याराबिन प्रिमियर लिग खेलिसकेका सन्दीपलाई अफगानिस्तानको नान्गहर लेपाडसले १५ हजार डलरमा टोलीमा आबद्ध गराएको हो ।  संयुक्त अरब इमिरेट्स (यूएई)मा आयोजना हुने नयाँ ढाँचाको टी(१० लिग )क्रिकेटका लागि  भारतीय क्लब केलरा किङ्समा ३० हजार डलरमा आबद्ध भइसकेका छन् । साभार अन्नपुर्ण









1776249 Times Visited.

Suprim Sanchar Pvt. Ltd.
Main Raod, Chandranighapur -1, Chandrapur Municipality, Rautahat
Mobile: 9855041125
http://www.kalampati.com
Email: kalampati@gmail.com
द. न. ४११
सचालक/ सम्पादक : फणि महत
more...
कम्पनी दर्ता : १५३७६१/०७३/०७४
सुचना बिभाग दर्ता : ४११, चन्द्रपुर ४, रौतहट
संचालन तथा प्रायोजनको हक सर्बाधिकार © सुप्रिम संचार प्रा. लि. २०७५ मा सुरक्षित रहनेछ ।
Top