अर्थ / व्यापार

सडक निर्माणमा अवरोध



अर्थ / व्यापार प्रकाशित मिति:

बर्दिबास :
मुआब्जा वितरण नगरी सम्सी–गौशाला–माईस्थान सडक विस्तार थालेको भन्दै स्थानीयले अवरोध गरेका छन्। २६.९४ किमि लम्बाइ र सात मिटर चौडाइको चार लेन सडक विस्तार हुन लागेको हो।
उचित मुआब्जा नदिए सडक क्षेत्रमा परेका घर नहटाउने स्थानीयको अडान छ। स्थानीयसँग लालपुर्जा नहुँदा मुआब्जा वितरणमा समस्या भएको छ।
सडक विस्तार गर्दा वैरिया गाउँका दुई सय परिवार घरबारविहीन हुने अवस्थामा छन्। औरही नगरपालिका वडा नम्बर ४ स्थित सेरहा गाउँमा पनि एक सय जनाको घरजग्गा सडक क्षेत्रमा परेको छ। सम्सी गाउँपालिकाकासहित चार सय परिवार घरबारविहीन हुने भएपछि उनीहरूले सडक निर्माणमा अवरोध गर्न थालेका हुन्।
स्थानीयले जग्गा र घरलाई प्रतिधुर पाँच लाख मुआब्जा दिनुपर्ने माग गरेका छन्। ‘हामी विकासविरोधी होइनौं। तर, हामी गरिब जनतालाई सरकारले सडक बनाउने निहुँमा उठिबास नै गराउन खोजिरहेको छ,’ वैरियाका सरोजकुमार यादवले भने, ‘उचित मुआब्जा नदिए घर भत्काउँदैनौं।’ सरकारले उचित बासको व्यवस्था गर्नुपर्ने माग पीडितले गरेका छन्।
हुलाकी सडक आयोजनाले प्रतिकट्ठा ७५ हजार रुपैयाँ दिने भनेको छ। भवन तथा सहरी विकास कार्यालय जनकपुरले गरेको मुल्याङ्कनको आधारमा क्षतिपूर्ति दिने निर्णय गरेपछि स्थानियहरु आक्रोशित भएका छन्। सो सडक खण्डमा ५६ विगहा जग्गा अधिग्रहण गरिएको छ। वस्ती वाहिर रहेको ५० प्रतिशत जग्गाधनीलाई मुआब्जा पनि वितरण गरिसकेको हुलाकी राजमार्गका ईन्जिनियर मनोज मण्डलले बताए। हाल सो सडकखण्डमा मुआब्जाका लागि जिल्ला प्रशासन कार्यालयमा थप ३ करोड रुपैया आएको जनाएको छ।
पीडित परिवारले सरकारले नै कुनै स्थानमा जग्गा किनेर बसोबासको व्यस्वस्था गरि दिनु पर्ने समेत गरिरहेका छन्। ‘मुआब्जा विवाद समाधानको प्रयास जारी छ,’ सिडियो श्रेष्ठले भने,‘ सडक खण्डमा रहेको स्थानीयको जग्गा र अन्य संरचनाको पनि एकमुष्ट तथ्यांक ल्याउन नापी र सडकले काम थालि सकेको छ। लालपुर्जा वितरणपछि मुआब्जा वितरणको कार्य गरिन्छ।’
सडक छेउमा रहेको जग्गाहरु पहिले गाउँ ब्लकमा रहेकोले ती जग्गाहरुको लालपुर्जा समेत नभएकाले मुआब्जा विवाद टुङ्गयाउनु समय लाग्न गएको हुलाकी सडक आयोजनाको प्रमुख संतोष कर्णले बताए।
हुलाकी सडक आयोजनाको प्रमुख कर्णले सो सडक खण्डमा देखिएको मुआब्जा विवाद समाधान गर्ने सम्बन्धमा १० दिने सूचना प्रकाशन गरी पुनः मुल्याँकन र नापीको लागि पहल गर्ने बताए।
नापी कार्यालयको प्रमुख कमलेश कर्णले सडक छेउमा पर्ने ती सवै जग्गाहरुको नापी कार्यालयद्वारा नाप्ने काम पुरा भई सकेको र केहि दिनमै लालपुर्जा जारि गरेर विवादको टुगों लगाएर काम अगाडी बढाउन सकिने जनाएको छ।
मुआब्जा दिने काम सम्बन्धित निकायले गरी नसकेकाले कामको गति बढाउन अप्ठयारो भईरहेको ठेक्केदार कम्पनी बताउँछन्। सडकको काम अघि बढाउन कम्तीमा सडकको २५ मिटर दायाँबायाँ जग्गा आवश्यक छ।
सम्सी गौशालादेखि माईस्थानसम्म २६ दशमलव ९४ किमि लामो सडक कालोपत्रे स्तरन्नोति गर्न लामा डाँफे गोल्डेन गुड जेभिले ६४ करोड ६१ लख रुपैयाँमा ठेक्का लिएको छ। अवराधको कारण सडक विस्तारको काम हाल सम्ममा ३१ प्रतिशत मात्रै पूरा भएको छ।
ठेकेदार कम्पनीले २०१७ फरबरी २७ मा ठेक्का लिएर सन् २०१९ फरबरी २६ मा सो सडकखण्डको निर्माण कार्य पूरा गर्नुपर्ने अन्तिम म्याद रहेको छ। मुआब्जा विवादका कारण म्यादभित्रै निर्माण कार्य सम्पन्न हुने सम्भावना न्युन रहेको अनुगमनको क्रममा देखिएको थियो। निर्माणको समय थप गर्न ठेक्केदारले माग गरेको छ।
उक्त सडक खण्ड निर्माण कार्य सम्पन्न भई सूचारु भए जिल्लाको दक्षिणी–पश्चिमी भेकका जनताको यातायात सुविधा सहज हुनेछ। त्यस क्षेत्रका किसानले उत्पादन गरेको कृषि उपजलाई सहजै बर्दिवास, सिन्धुली, जस्ता ठूला बजारसम्म ल्याएर बिक्री गर्ने अवसर प्राप्त हुने गौशालाका रमेशमहतोले बताए।
लामो समयदेखि यो सडक कालोपत्रे गर्नुपर्ने माग स्थानीयले गर्दै आएका छन्। विशेषगरी जिल्लाको दक्षिण–पश्चिम भेकका दर्जन बढी गाउँका बासिन्दाको बर्दिवास आवागमनको यो छोटो र सहज बाटो हो।
भारतको विहार राज्यको सितामढी जिल्ला जोडने र महोतरीको सम्सी गौशाला हुँदै बर्दिवाससम्म पुग्ने यो सडकलाई राष्ट्रिय राजमार्ग तथा व्यापारिक मार्गको रूपमा रहेको छ। यसको सुरुवात प्रारम्भमा कृषि सडकको रूपमा गरिएको थियो। चार लेनको चौडा निर्माणधिन यो सडक सुचारु भएपछि यस क्षेत्रकै आर्थिक र सामाजिक दृष्टिकोणले मुहार नै फेरिने निश्चित छ।
सडक सञ्चालनमा आएपछि सम्सी भन्सार कार्यालयको सम्पूर्ण कामकाज त्यहींबाट हुनेछ। दिनहु तीन सय भन्दा बढी मालवाहक र अन्य सवारी साधन यहि सडकबाट बाहिरिन्छन्। यति संख्यामा बाहिरिने र निर्यातका लागि त्यही बाटो प्रयोग गर्ने मालवाहक सवारीलाई उक्त साँघुरो बाटो छिचोल्न निक्कै सास्ती पर्दे आएको थियो।

साभार अन्नपुर्ण पोष्ट
जहाजमै पड्कियो सामसङ ग्यालेक्सी नोट टु ! - 2016-09-24
नयाँदिल्ली / विश्वचर्चित कोरियन प्रविधि कम्पनी सामसङलाई एकपछि अर्को झट्का लाग्न थालेको छ । ग्यालेक्सी नोट सेभेन पड्केर तनावमा आएको सामसङमाथि अब अर्को तनाव आइलागेको छ । उसको विश्वचर्चित उत्पादन ग्यालेक्सी नोट टु मा आगो लागेको खबर आएको छ ।

खाना पकाउने ग्यांस सिलिन्डरको विमा एक कारोड - 2016-09-13
काठमाडौं नेपाल एलपी ग्यास उद्योग संघले खाना पकाउने ग्यास सिलिन्डरको बाट हुने क्षेतीका लागी एक करोड रुपैयाँ विमा गर्ने व्यवस्था गरेको छ ।

संकल्प सहकारीको साधारण सभा सम्पन्न - 2016-09-10
रौतहट २५ भदौ संकल्प बचत तथा ऋण सहकारी सस्थाले शेयर सदस्यहरुलाइ बिना धितो उपचारखर्च र मृत्यू भएमा किरीयाखर्च दिने योजना ल्याएको छ । शनिवार चन्द्रनिगाहपुरमा भएको आठौ साधारण सभामा सो सहकारीले बिभिन्न योजनाहरु ल्याएको हो ।

नेपालमा अन्तराष्ट्रियस्तरको मौरी वैज्ञानिक सम्मेलन हुने - 2016-09-09
काठमाडौं २४ भदौ नेपालमा पहिलो पटक अन्तराष्ट्रियस्तरको मौरी वैज्ञानिक सम्मेलनको हुने भएको छ । कृषिसम्बन्धी काम गर्ने संस्था ‘हाईलयाण्ड एग्रिकल्चर रिसर्च एण्ड डेभलप्मेन्ट इन्टरप्राइजेज नेपाल’ हार्डन को आयोजनामा आगामी कात्तिक ७ र ८ गते सम्म्ेलन हुन लागेको हो ।

तराई मधेशको हुलाकी राजमार्ग अलपत्र - 2016-09-09
जनकपुर २४ भदौ तराइ मधेशको हुलाकी राजमार्ग (रजैया सडक) बर्षौ देखि अलपत्र अवस्थामा रहेको छ । निमार्ण शुरु भएको बर्षौ बिति सक्दा पनि काम अगाडी बढ्न सकेको छैन । मधेशको बिकाशमा हुलाकी राजमार्गले महत्वपुर्ण भुमिका राख्ने भएपनि निमार्णका लागी बिभिन्न अफ्ठयाराहरु आइरहेका छन ।

शुक्रवार सुनको भाउ दुइ सय घट्यो - 2016-09-09
काठमाण्डौ २४ भदौ शुक्रबार नेपालमा सुन तोलामा दुई सय रुपैयाँ घटेर ५८ हजार नौ सय रुपैयाँमा कारोबार भईरहेको छ । सुन चाँदी व्यवसायी महासंघले बिहीबार प्रति तोला ५९ हजार एक सय रुपैयाँमा कारोबार भएकोमा शुक्रबार ५८ हजार नौ सय रुपैयाँमा कारोबार भईरहेको जनाएको छ |

आर्थिक विधेयक पास गर्न समितिको निर्देशन - 2016-09-08
काठमाण्डौ २३ भदौ व्यवस्थापिका संसदको अर्थ समितिले विनियोजन विधेयकसँग आश्रित तीन ओटै विधेयक छिटोभन्दा छिटो पारित गर्न निर्देशन दिएको छ । बिहीबार बसेको सो समितिको बैठकले बाँकी आर्थिक विधेयक, ऋण तथा जमानतसम्बन्धी संशोधन विधेयक र राष्ट्र ऋण उठाउनेसम्बन्धी संशोधन विधेयक पारित गर्न सरकारलाइ निर्देशन दिएको हो ।

होटल व्यवसायीको अध्यक्षमा भुजेल, महासचिवमा सापकोटा - 2016-09-02
कलमपाटी , चितवन १७ भदौ होटल व्यवसायी महासंघ नेपालको दोक्षे केन्द्रिय अधिवेशनले अमृत भुजेललाइ अध्यक्ष र उदय सापकोटा सुरेन लाइ महासचिव पदमा चयन गरेको छ ।भदौ १५ र १६ गते चितवनको भरपतपुरमा सम्पन्न केन्द्रिय भेलाले बरष्ठि उपाध्यक्षमा श्रीराम गिरी, प्रथम उपाध्यक्षमा पदम राज अवस्थी , द्धुतिय उपाध्यषमा निर्मला कार्की चयन गरेको छ भने सचिवमा अर्नुन चोखाल, कहेन्द्र प्रधान, विरमन्जन बटाला र कोषध्यक्षमा शिव पुलामीलाइ चयन गरेको छ ।

१३ करोड भन्दाबढी राजस्व संकलन - 2016-08-30
कलमपाटी , रौतहट १४ भदौ रौतहट सदरमुकाम गौरमा रहेको करदाता सेवा कार्यालयले गत आर्थिक वर्षमा १३ करोड भन्दा बढी राजस्व संकलन गरेको जनाएको छ ।

PREV 1 2 3 4 5 6 7 8 9 10 11 12 13 14 15 16 17 18 NEXT

English News



788758 Times Visited.

Suprim Sanchar Pvt. Ltd.
Main Raod, Chandranighapur -1, Chandrapur Municipality, Rautahat
Mobile: 9855041125
http://www.kalampati.com
Email: kalampati@gmail.com
द. न. ४११
सचालक/ सम्पादक : फणि महत
Contact Us
All right reserved 2017 © Suprim Sanchar Pvt. Ltd.
Powered by :
Top