बिदेश

सिरिया आक्रमणबारे सुरक्षा परिषदमा छलफल



बिदेश प्रकाशित मिति:

संयुक्त राष्ट्रसंघ :
संयुक्त राष्ट्रसंघका महासचिव एन्टोनियो गुतेरेसले सिरियामा जारी हिंसा तथा यहाँको हिंसामा प्रयोग भएको भनिएको रासायनिक एवम् घातक हतियारको प्रयोगका बारेमा चासो व्यक्त गरेका छन्।
उनले यस बारेमा सुरक्षा परिषद्का सबै सदस्य राष्ट्रहरूलाई एकताबद्ध हुन आग्रह पनि गरेका छन्। सुरक्षा परिषद्का सदस्य राष्ट्रहरूलाई उनले सिरियाली सैनिकले पछिल्लो समयमा घौटा, इदलिबलगायतका क्षेत्रमा आक्रमण गर्ने क्रममा यस्ता हतियारको प्रयोग गरेको भन्ने व्यापक गुनासो आएकाले यसका लागि सबैको ध्यानाकर्षण गराएका हुन्।

सिरियामा भएको घातक रासायनिक हतियारसहितको आक्रमणको छानबिन गर्न छुट्टै संयन्त्रको माग भएका बेला उनको यस्तो प्रतिक्रिया आएको हो। सिरियामा लगातार रासायनिक आक्रमण भइरहेको भन्दै मंगलबार सुरक्षा परिषद्को बैठकमा सदस्य राष्ट्रहरूले जिम्मेवार र उत्तरदायी बनाउन छुट्टै संयन्त्र आवश्यक रहेको बताएका थिए। महासचिव गुतेरेसका प्रवक्ता स्टेफन डुजेरिकले महासचिवको भनाइ उद्धृत गर्दै भनेका छन्, ‘यस्ता हतियारको प्रयोग भएको पाइयो भने त्यो मानवमाथिको सबैभन्दा ठूलो जघन्य अपराध हो।

त्यसैले यस्ता काममा संलग्न हुने सबैमाथिको कारबाहीका लागि एकताबद्ध भई काम गर्नु जरुरी छ।’ परिषद्का सदस्य राष्ट्रहरूले सिरियामा अन्तर्राष्ट्रिय कानुनको उल्लंघन गर्दै भइरहेका गतिविधि बन्द गर्न छुट्टै संयन्त्र बन्नुपर्ने विषयमा पनि छलफल भएको थियो। गुतेरेसले अपराधको छानबिन गगर्न र यस्ता अपराध प्रमाणित भए भने त्यसमा संलग्नहरूलाई कडा कारबाही गर्न सबैसँग आह्वान गरेका छन्। रासायनिक आक्रमण गम्भीर प्रकारको हिंसा भएकाले यसमा संलग्नलाई कडा कारबाही गर्नुपर्ने सुरक्षा परिषदका सदस्य राष्ट्रहरूको पनि जोड थियो।

मार्च महिनामा परिषद्को अध्यक्षता गरेका राष्ट्रसंघका लागि डेनमार्कका स्थायी प्रतिनिधि कारेलभान ओस्टेरोमले व्यक्तिगत, संस्थागत, समूहगत वा सरकारी तवरबाट यस्ता आक्रमणमा संलग्नहरूको खोजी गर्नुपर्नेमा जोड दिए। महासचिव गुतेरेसले यस्ता हतियारको प्रयोग युद्धअपराधसम्बन्धी कार्य भएको चर्चा गर्दै नागरिकको बाँच्न पाउने अधिकारको हनन हुनु जघन्य अपराध भएको बताएका छन्। गत महिना मात्र पनि अमेरिकाले सिरियाली सेनाले यस्ता हतियार प्रयोग गरिरहेको भन्दै यदि अनुसन्धानबाट यस्तो पाइएमा सिरियामाथि युद्धअपराधमा कारबाही हुने चेतावनी दिएको थियो।

अमेरिकाले सिरियाली सेनाले देशको पूर्वी घौटा क्षेत्रमा विद्रोहीविरुद्धको कारबाहीका क्रममा मानव स्वास्थ्यमा अत्यन्तै नराम्रो असर पार्ने घातक रसायन मिसाइएका हातहतियार प्रयोग गरेको जनाएको थियो।

सिरियाले त्यहाँका विद्रोही र विपक्षीहरूलाई दबाउने क्रममा यस्ता प्रकारका हतियार प्रयोग गर्ने गरेको भनी पहिलेदेखि नै अमेरिका र संयुक्त राष्ट्रसंघले अनुसन्धान र अनुगमन गर्ने गरेका छन्। सिरियाली सरकारले पछिल्लो समयमा जारी राखेको इदलिब, पूर्वी घौटालगायतमा यस्ता घातक हतियारको प्रयोग गरिरहेको सूचना आफूहरूलाई प्राप्त भएको राष्ट्रसंघले जनाएको छ।

यस्ता आक्रमणका कारण यी क्षेत्रबाट मात्र चार लाखभन्दा बढी सिरियाली भागेर अन्यत्र सरेका वा विदेशिएका छन्। त्यस्तै ती क्षेत्रमा ठूलो संख्यामा बालबालिकासहित एक हजारभन्दा बढीको ज्यान पनि गएको छ।

घातक हतियार प्रयोग भएको छैन : सिरिया

सिरिया सरकारले भने विद्रोहीहरूका विरुद्धमा आफ्नो देशमा घातक रासायनिक हतियार प्रयोग गरिएको समाचारको खण्डन गरेको छ। सिरियाली सेनाले घौटा क्षेत्रका साथै इदलिब र हामामा पनि विद्रोहीविरुद्धको कारबाहीका क्रममा घातक रसायन मिसाइएका हातहतियार प्रयोग गरेको भन्दै बदनाम गर्ने प्रयास भएको उसको भनाइ छ। सिरियाली विदेश मन्त्रालयले अमेरिकाले लगाएको आरोप कपोलकल्पित भएको बताएको छ। साभार अनलाईन खबर
काबुलमा कार बम विष्फोट, २४ जनाको मृत्यु - 2017-07-24
९ साउन, काबुल । अफगानिस्तानको राजधानी काबुलमा सोमबार कार बम विष्फोट हुँदा २४ जनाको मृत्यु भएको छ । अन्य ४० जना घाइते भएका छन् ।

मलेसियामा गयो एक नेपालीको ज्यान, शव ल्याइदिन परिवारको आग्रह - 2017-07-24
९ साउन, सप्तरी / वैदेशिक रोजगारीका सिलसिलामा मलेसिया गएका सप्तरीका एक नेपाली युवाको आइतबार मृत्यु भएको छ ।

उत्तरको त्रास : अमेरिकाको हवाइमा परमाणु चेतावनी सिस्टमको परिक्षण गरिने - 2017-07-23
काठमाडौ, साउन ८ हवाइ – उत्तर कोरियाको परमाणु क्षेप्यास्त्र हमलाको तयारी स्वरुप हवाइ ‘आक्रमण–चेतावनी’ सिस्टम परिक्षण गर्ने पहिलो अमेरिकी राज्य बन्ने भएको छ ।

मर्निङ वकमा निस्किएकी टिभीकी पूर्व कार्यक्रम प्रस्तोताको रुख ढल्दा मृत्यु - 2017-07-23
काठमाडौ ८ साउन/ भारतीय टेलिभिजन च्यानल दूरदर्शनकी पूर्व कार्यक्रम प्रस्तोताको मृत्यु भएको छ । ५७ वर्षीया कञ्चन रजत नाथको मर्निङवकमा निस्किएका बेला नरिवलको रुख उनीमाथि खसेपछि मृत्यु भएको हो ।

अमेरिकी राष्ट्रपति कार्यालयका प्रेस सचिवद्वारा राजीनामा - 2017-07-22
काठमाडौ ७ साउन/ अमेरिकाको राष्ट्रपति कार्यालय ह्वाइट हाउसका प्रेस सचिव सन इस्पिसरले शुक्रबार पदबाट राजीनामा दिनुभएको छ ।

उत्तर कोरियालाई दक्षिण कोरियाको आग्रह - 2017-07-21
काठमाडौ ६ साउन/ दक्षिण कोरियाले उत्तर कोरियासँग राखेको सैन्य वार्ताको प्रस्तावको जवाफ दिन उत्तर कोरियासँग शुक्रबार पुनः आग्रह गरेको अन्तर्राष्ट्रिय सञ्चारमाध्यमहरुले जनाएका छन् ।

गोर्खा सैनिकका मेजरको कश्मिरमा हत्या - 2017-07-18
काठमाणडौ, ३ साउन / भारत प्रसाशित जम्बु कश्मिरमा आफ्नै सैनिक जवानले एक गोरखा सैनिकका मेजरको हत्या गरेका छन् ।

मलेसियामा भाइरल बन्यो नेपाली सुरक्षा गार्डको ‘पराक्रम’ - 2017-07-18
मलेसियामा पहिलो रोजाइमा पर्ने नेपाली सुरक्षा गार्डले हालै गरेको एउटा कामले यतिबेला यहाँको इन्टरनेट दुनियाँ तताइरहेको छ

साउदीका राजा भेटन सुडानका राष्ट्रपति खाडी राष्ट्रको भ्रमणमा - 2017-07-16
काठमाणडौ १ साउन / सुडानका राष्ट्रपति ओमार अल बसिरले आइतबारदेखि खाडीका तीन ओटा देशको भ्रमण सुरु गर्नुहुने भएको छ ।

PREV 1 2 3 4 5 6 7 8 9 10 11 12 13 14 15 16 NEXT

English News



1007934 Times Visited.

Suprim Sanchar Pvt. Ltd.
Main Raod, Chandranighapur -1, Chandrapur Municipality, Rautahat
Mobile: 9855041125
http://www.kalampati.com
Email: kalampati@gmail.com
द. न. ४११
सचालक/ सम्पादक : फणि महत
Contact Us
All right reserved 2017 © Suprim Sanchar Pvt. Ltd.
Powered by :
Top