स्वास्थ्य

चुरोट छाडेकोे २० मिनेटमै देखिन्छ यस्तो प्रभाव, २० वर्षमा के होला ?



स्वास्थ्य प्रकाशित मिति:

अधिकांश चुरोट पिउने मानिसको भनाई एउटै हुन्छ‘चुरोट छाड्न मन त लाग्दैन, तर सक्दैसक्दिन ’ ।पक्कैपनि एकपटक चुरोटको लत लागेपछि त्याग्न त्यति सजिलो छैन । धूम्रपान त्याग्दा केही समयसम्म स्वास्थ्यमा असहजताको अनुभव भएपनि जब तपाईंं धूम्रपान छाड्नुहुन्छ, त्यसको २० मिनेटदेखि नै शरीरमा सकारात्मक प्रतिक्रिया देखिन सुरु हुन्छ ।
धूम्रपान त्याग्दा स्वास्थ्यलाई राम्रो गर्नुका साथै सम्भावित क्यान्सरबाट समेत बचाउँछ । तर, धूम्रपानको लतबाट मुक्त हुन खोज्दा भने टाउको दुखाइ र छटपटी भने हुन्छ । धूम्रपान त्याग्दा २० मिनेटदेखि २० वर्षसम्म शरीरलाई पार्ने सकारात्मक असर यस्ता छन्
२० मिनेटपछि
चुरोट छोडेको २० मिनेटपछि नै शरीरमा सकरात्मक प्रतिक्रिया देखिन सुरु हुन्छ । यो अवधिमा रक्तसञ्चार र पल्स रेट सामान्य बन्छ । यही समयमा शरीरको तापमान पनि सामान्य हुन थाल्छ ।
आठ घन्टापछि
चुरोटको लत त्यागेको ८ घन्टापछि शरीरको रगतमा निकोटिन र कार्बन मनोअक्साइडको मात्रा आधा बन्न पुग्छ । यतिवेलासम्म रगतमा अक्सिजनको मात्रा पनि सामान्य हुन थाल्छ । यो समय तपाईं चुरोट पिउनका लागि भने तड्पिरहनुहुन्छ ।
यतिवेला शरीरमा निकोटिनको मात्रा घट्दै जान्छ । जति निकोटिनको मात्रा घट्दै जान्छ, त्यति नै तपाईं तड्पिन थाल्नुहुन्छ । यो अवधिमा चुरोटको ध्यानबाट बाहिर निस्कन पानी या चुइगमको सहारा लिन सकिन्छ ।
१२ घन्टापछि
यतिवेलासम्म तपाईंको शरीरमा भएको कार्बन मनोअक्साइड सामान्य बन्न थाल्छ । जसले गर्दा तपाईंको मनमा तनावको मात्रा पनि तुलनात्मक रूपमा कम हुन्छ । यही अवधिमा रगतमा कार्बन मनोअक्साइड बढ्न थाल्छ र अक्सिजनको मात्रालाई सन्तुलित राख्न मुटुले तीव्र रूपमा रगत पम्प गर्न थाल्छ ।
दुई दिनपछि
धूम्रपान गर्ने मानिसमा सुँघ्ने र स्वाद लिने क्षमता कम हुन्छ । किनभने, चुरोटले त्यस्ता सेल्स र नसामा हानि र्पुयाएको हुन्छ । धूम्रपानबाट मुक्त भएपछि दुई दिनमै यस्ता नसा सामान्य बन्न सुरु गर्छन् । त्यसैले शरीरबाट टक्सिन अर्थात् चुरोटको हानिकारक तत्व पनि बाहिर निस्कन सुरु गर्छ या सहज हुन्छ । धूम्रपानका कारण मानिसको घाँटीबाट कफ आउने गर्छ । तर, यतिवेला त्यस्ता कफ पनि कम हुन थाल्छ । यतिवेला शरीरमा भएको निकोटिन गायब बन्छ । यही समय हो, तपाईं सबैभन्दा बढी दुःखी र तनावमा रहने ।
यतिवेला तपाईंले धूम्रपानको अत्यधिक आवश्यकता महसुस गर्नुहुन्छ । यस्तो वेला चक्करसमेत लाग्ने सम्भावना हुन्छ । यतिवेला मानिस बेचैन हुनुका साथै अत्याधिक थाक्ने पनि गर्छन् ।
तीन दिनपछि
धूम्रपान छोडेको तीन दिनमा भने मुड खराब हुनुका साथै चिडचिडाहट चरम बिन्दुमा पुग्न थाल्छ । किनकि, यतिवेला शरीर एड्जस्ट हुन प्रयास गरिरहेको हुन्छ । यस्तो वेला निकै टाउको दुख्ने पनि गर्छ । यही समयमा पुनः धूम्रपान गर्ने सोच आउँछ । त्यसैले यस्तो समय आफूले आफैँलाई कन्ट्रोल गर्नुपर्ने हुन्छ ।
२ हप्तादेखि ३ महिनासम्म
धूम्रपान त्यागेको दुई हप्तादेखि तीन महिनासम्ममा शरीरको स्टामिना बढ्न थाल्छ । यस्तो समय काम गर्दा वा दौडँदा दमको समस्या बिस्तारै कम हुन थाल्छ । यतिवेलासम्म तपाईंको शरीरमा रक्तसञ्चार निकै सन्तुलिन हुन थालिसक्छ ।
यो अवधिपछि हृदयाघातको सम्भावनासमेत कम हुन थाल्छ । यो अवधिमा तपाईं कठिन तरिकाले समय व्यतित गरिरहनुभएको हुन्छ । समय–समयमा चुरोटको तलतल पनि लाग्ने गर्छ । यतिवेला खाना राम्रोसँग रुच्न थाल्छ र तौल पनि बढ्न सक्छ ।
नौ महिनापछि
धूम्रपान छाडेको नौ महिनासम्ममा तपाईं निकै स्वस्थ भइसक्नुहुन्छ । यतिवेला रोगप्रतिरोधी क्षमता बढ्नुका साथै विभिन्न इन्फेक्सनको समस्यासमेत कम हुँदै जान्छ ।
एक वर्षपछि
धूम्रपान त्यागेको एक वर्षपछि मुटुसम्बन्धी रोगको खतरा आधा मात्रामा घटेर जान्छ ।
पाँच वर्षपछि
धूम्रपान छोडेको पाँच वर्षपछि आर्टरी पुनः चौडा हुन सुरु गर्छ । यस्तो हुनु भनेको शरीरमा रगत जम्ने समस्या कम हुनु हो । जसको कारण हृदयाघातको सम्भावना कम हुन्छ । तर, पूर्ण सुधार हुन भने अझै केही समय लाग्छ ।
१० वर्षपछि
धूम्रपान त्यागेको १० वर्षपछि दम र क्यान्सरको खतरा चुरोट पिउनेहरूको भन्दा आधा कम हुन्छ । यतिवेलासम्म मुख, घाँटी र पेनक्रिएटिक क्यान्सरको खतरासमेत निकै कम हुन्छ ।
१५ वर्षपछि
धूम्रपान त्यागेको १५ वर्षपछि मुटुरोग र पेनक्रिएटिक क्यान्सरको खतराको सम्भावना त्यति नै कम हुन्छ, जसले धूम्रपान गरिरहेका हुँदैनन् । यतिवेला रोगप्रतिरोधी क्षमता भारी मात्रामा बढेको हुन्छ ।
२० वर्षपछि
धूम्रपान छाडेको २० वर्षपछि दम र क्यान्सरको खतरा त्यति हुँदैन । कतिसम्म भने जीवनमा चुरोटै नछोएकाहरूको स्वास्थ्यजत्तिकै तन्दुरुस्त हुन्छ । newssewa
आज क्वाँटी खाँदै हुनुहुन्छ ? थाहा पाउनुस् यसका फाइदै फाइदा - 2017-07-28
साउन १३, २०७४ नेपालीको विभिन्न चाडपर्वमध्येको एक हो जनैपूर्णिमा । परापूर्वकालदेखि नै जनैपूर्णिमाका दिन क्वाँटी खाने प्रचलन छ । क्वाँटीमा नौथरी गेडागुडीको मिश्रण हो ।

स्वाइन फ्लुबाट एकको मृत्यु, सजग स्वास्थ्यकर्मीको आग्रह - 2017-07-27
काठमाण्डौ १२ साउन/ स्वाइन फ्लुका कारण स्याङ्जाको वालिङमा एकजनाको मृत्यु भएको पुष्टि भएको छ । उपचारका क्रममा काठमाडौँस्थित त्रिवि शिक्षण अस्पतालमा वालिङ-१४ का ४९ वर्षीय खुमप्रकाश अर्यालको गत सोमबार मृत्यु भएको हो।

के ज्वरो आउनु पनि स्वास्थ्यका लागि फाइदाजनक रु यस्ता छन् रोचक तथ्य - 2017-07-27
साउन १२, २०७४ सुन्दा अचम्म लाग्ला तर ज्वरो आउनु पनि स्वास्थ्यका लागि फाइदाजनक मानिन्छ ।

बढ्न थाले भाइरल ज्वरोका बिरामी - 2017-07-26
पाल्पा ११ साउन/ पाल्पाका विभिन्न अस्पतालमा भाइरल ज्वरोका बिरामी बढ्न थालेका छन् ।

सावधान ! तपाईंलाई बुढी बनाइरहेको छ सेल्फीको लत - 2017-07-25
साउन १०, २०७४ यदि तपाईं पनि छिनछिनमा सेल्फी खिच्नुहुन्छ भने तपाईं अब सावधान हुने बेला आएको छ किनभने तपाईंको यो शौखले तपाईंलाई समस्यामा पार्न सक्छ ।

मोरङको फोकल्याण्ड टापुमा पुग्यो स्वास्थ्यकर्मीको टोली - 2017-07-24
९ साउन, विराटनगर । भाइरल ज्वरोको प्रकोप फैलिएको मोरङ सुन्दर हरैँचा नगरपालिका(५ स्थित फोक्ल्याण्ड टापुमा स्वास्थ्यकर्मीको टोली पुगेको छ ।

पाठेघरको समस्या र बच्ने उपया - 2017-07-23
काठमाडौ ८ साउन/ पाठेघर महिलाको संवेदनशिल अंग हो । महिलामा सबैभन्दा बढी देखिने समस्यामध्ये पाठेघरको मुखको क्यान्सर पनि हो ।

झाडापखाला र हैजाबाट यसरी बच्नुहोस् - 2017-07-22
काठमाडौ ७ साउन/ आदर्श प्रधान मनोपरामर्शदाता, होलिस्टिक माइन्ड्स, धापासी नेपालमा झाडापखाला र हैजा धेरै वर्षदेखि महामारीको रूपमा बढ्दै गएको छ । यो रोग जुनसुकै समयमा फैलन सक्छ ।

म त हरपिक हालेर नै पानीपुरी अमिलो बनाउछु ! - 2017-07-19
सिन्धुपाल्चोकका स्कुलहरूमा पुग्दा विद्यार्थीले मीठो मानेर चटपटे खाइरहेको देखेँ । विभिन्न स्कुलमा पुगेर म र मेरा केही साथीले स्वास्थ्य र पौष्टिक भोजन खानुपर्छ भनेर बतायौँ ।

PREV 1 2 3 4 5 6 7 8 NEXT

English News



782732 Times Visited.

Suprim Sanchar Pvt. Ltd.
Main Raod, Chandranighapur -1, Chandrapur Municipality, Rautahat
Mobile: 9855041125
http://www.kalampati.com
Email: kalampati@gmail.com
द. न. ४११
सचालक/ सम्पादक : फणि महत
Contact Us
All right reserved 2017 © Suprim Sanchar Pvt. Ltd.
Powered by :
Top