राजनीति

प्रदेश २ को बजेट प्रस्तुत, 'स्वच्छ प्रदेश : स्वस्थ जनता' कार्यक्रममा डेढ करोड



राजनीति प्रकाशित मिति:

धनुषा:
प्रदेश नम्बर २ को सरकारले चालु आर्थिक वर्ष २०७४/७५ को तीन महिनाका लागि प्रदेशसभामा बजेट प्रस्तुत गरेको छ। आर्थिक मामिला तथा योजनामन्त्री विजयकुमार यादवले मंगलबार एक अर्ब दुई करोड पाँच लाख रुपैयाँको बजेट प्रस्तुत गरेका हुन्।

कुल विनियोजनमध्ये चालुतर्फ ५७ करोड ८० लाख ३१ हजार रुपैयाँ अर्थात् ५६ दशमलब ६४ प्रतिशत र पुँजीगततर्फ ४४ करोड २४ लाख ६८ हजार रुपैयाँ अर्थात् ४३ दशमलव ३६ प्रतिशत छ। 
प्रदेशको विकास र समृद्धिका लागि कृषि, सिँचाइ, वन, पर्यटन, शिक्षा, स्वास्थ्य, खानेपानी, पूर्वाधार, साना तथा घरेलु उद्योग, निजी क्षेत्रको विकास, सूचना प्रविधिको विकास, सामाजिक पुँजीको परिचालन, रोजगारी सिर्जना जस्ता बिषयलाई बजेटमा समावेश गरिएको छ। 

चालु आर्थिक वर्षको बजेटमा सुशासन, नीतिगत, कानुनी र संरचनागत पूर्वाधार निर्माण, सेवा प्रवाहमा गुणस्तर अभिवृद्धि, समाजिक सुरक्षा, संघ र स्थानीय तहसँग सहकार्य, समन्वय र साझेदारीको संस्कृति विकास, सार्वजनिक खर्चमा वित्तीय अनुशासन र पारदर्शिता, वातावरणीय स्वच्छता अभिवृद्धि प्रदेशको ऐतिहासिकताको संरक्षण र प्रवर्द्धन, प्रकोप व्यवस्थापन, महिला सशक्तीकरण र क्षमता विकास तथा प्रदेश प्रोफाइल निर्माणलाई प्राथमिकतामा राखिएको छ। 

प्रस्तुत बजेटमा 'स्वच्छ प्रदेश : स्वस्थ जनता' कार्यक्रम अन्तर्गत मुख्यमन्त्री स्वच्छता अभियानका लागि एक करोड ५० लाख रुपैयाँ, 'किसानको हितः सरकारको जित' कार्यक्रम अन्तर्गत कृषि क्षेत्रका विकासका लागि नौ करोड, राहत तथा पुनः स्थापना अन्तर्गत प्राकृतिक प्रकोपबाट प्रभावित पीडितको तत्काल उद्धार, राहत र उपचारका लागि प्राकृतिक विपद् व्यवस्थापन कोष स्थापनाका लागि रु दुई करोड, मुख्यमन्त्री राहत तथा पुनः स्थापना कोषका लागि रु पाँच करोड, जंगली जनावरको आक्रमणबाट हताहत भएका नागरिकका परिवारजनको राहत तथा पुनः स्थापनाका लागि ५० लाख रुपैयाँ छुट्याइएको छ।

यस्तै, मुख्यमन्त्री बेटी पढाऊ, बेटी बचाऊ अभियानका लागि ८० लाख, संसद् विकास कोषअन्तर्गत प्रत्येक सांसदलाई १०/१० लाखका दरले १० करोड ७० लाख रुपैयाँ तथा दुई वा दुईभन्दा स्थानीय तह जोड्ने सडक निर्माण, स्तरोन्नति र मर्मतसम्भारका लागि चार करोड ८० लाख रकम विनियोजन गरिएको छ। 

प्रस्तुत बजेटमा नयाँ कर लगाइएको छैन भने सरकारले उपलब्ध गराएको बजेटकै आधारमा बजेट बनाइएकाले यथार्थपरक रहेको बताइएको छ। 

मन्त्री यादवले प्रस्तुत गरेको बजेट वक्तव्यको टेबुल समेत गरिएको छ। अर्को बैठक बुधबार दिउँसो १ बजे बस्नेछ। (रासस)

प्रदेश नम्वर २ मा एमालेले उम्मेदावर छान्यो, केही जिल्लामा विवाद - 2017-05-30
उम्मेदवारहरुको छनौटको बिषयमा बसेको नेकपा एमालेको प्रदेश कमिटीको बैठक सोमवार सकिएको छ ।

स्थानिय तहको चुनाव सर्यो - 2017-05-29
स्थानिय तहको दोस्रो निर्वाचन सरेको छ । सरकारले असार ९ गते गर्ने निर्णय गरेको हो ।

बाँदर झै उफ्रेर मतपत्र च्याते : एसपी थापा - 2017-05-29
भरतपुरको कभर्ड हलमा मतगणना भइरहँदा हिजो मध्यरातमा भएको घटनाबारे चितवन जिल्ला प्रहरी कार्यालयका प्रहरी उपरीक्षक (एसपी) दीपक थापा लाइ सोध्दा यसो भने ।

मतपत्र च्यातिएपछि भरतपुरको गणना स्थगित - 2017-05-29
मतगणनामा रहेका माओवादी केन्द्रका प्रतिनिधिले मध्यरातमा मतपत्र च्यातिदिएपछि भरतपुर महानगरपालिकाको मतगणना रोकएिको छ ।

समृद्धिका लागी स्थानिय तहको निर्वाचन :अध्यक्ष उपेन्द्र यादव - 2017-05-28
संघिय समाजवादी फोरम नेपालका अध्यक्ष उपेन्द्र यादवलेसमृद्धीलाई संस्थागत गर्नका लागि स्थानिय तहको निर्वाचन आवश्यक रहेको बताएका छन ।

भरतपुरमा एमालेको अग्रता कायमै [अपडेट] - 2017-05-28
भरतपुर महानगरपालिकाको मत गणना जारी हरेको छ । एमालेका देवी ज्ञवालीले ७ सय ८४ मत ले अग्रता कायम राखेका छन ।

चन्द्रपुर वडा नम्वर २ मा माओवादी केन्द्रले उम्मेदवार छान्यो - 2017-05-28
दोस्रो चरणको निर्वाचनको लागी नेकपा माओवाली केन्द्र ले रौतहटको चन्द्रपुर २ मा उम्मेदवारह? छनौट गरेको छ ।

भरतपुरमा एमालेको अग्रता कायमै , तीव वटा वडाको मत गन्न बाकी - 2017-05-28
भरतपुर महानगरपालिको को मत गणना जारी हरेको छ । एमालेका देवी ज्ञवालीको अग्रता कायम रहेको छ । ज्ञवालीको रेणु दाहालको भन्दा ११ सय ४५ मत बढी रहेको छ ।

काठमाण्डौ को मेयरमा एमालेका शाक्य बिजयी - 2017-05-28
काठमाडौँ महानगरपालिकाको मेयरमा नेकपा एमालेका उम्मेदवार विजयी भएका छन । एमालेका उम्मेदवार विद्यासुन्दर शाक्य धेरै मत अन्तरले बिजयी भएका हुन ।

PREV 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 NEXT

English News



1017733 Times Visited.

Suprim Sanchar Pvt. Ltd.
Main Raod, Chandranighapur -1, Chandrapur Municipality, Rautahat
Mobile: 9855041125
http://www.kalampati.com
Email: kalampati@gmail.com
द. न. ४११
सचालक/ सम्पादक : फणि महत
Contact Us
All right reserved 2017 © Suprim Sanchar Pvt. Ltd.
Powered by :
Top