राजनीति

'प्रदेश २ संवेदनशील'



राजनीति प्रकाशित मिति:

बारा :
सिमरा गृहमन्त्री रामबहादुर थापाले प्रदेश २ संवेदनशील प्रदेश भएकाले आवश्यक सुरक्षा रणनीति बनाउन गृह मन्त्रालय गम्भीर रहेको बताएका छन् ।

प्रदेश २ को प्रदेशस्तरीय सुरक्षा गोष्ठीको बुधबार सिमरामा उद्घाटन गर्दै गृहमन्त्री बादलले अन्य प्रदेशको तुलनामा यहाँको सुरक्षा अवस्था चुनौतीपूर्ण रहेकाले त्यसैअनुसार सुरक्षा योजना बनाउँदै अघि बढ्ने बताए । खुला सीमा, अपराध, तस्करी, सामाजिक हिंसा, भ्रष्टाचार, प्राकृतिक विपद्जस्ता समस्या प्रदेश २ मा बढी देखिने गरेको भन्दै गृहमन्त्री थापाले सुरक्षा गोष्ठीको सुरुवात पनि यसै प्रदेशबाट गरिएको बताए । गोष्ठीले यहाँको अपराध नियन्त्रण, सुरक्षा र सेवा विषयमा महत्वपूर्ण कार्ययोजनासहित निष्कर्ष निकाल्ने बताए ।

‘यो गोष्ठी महाविद्यालय पनि हो, यहाँ हामी नयाँ परिवेशमा उत्पन्न भएका सुरक्षा विषयमा गहन छलफल गर्छौं र नयाँ कार्ययोजनासहित सुरक्षा रणनीतिको निष्कर्ष निकाल्छौं’, गृहमन्त्री थापाले भने, ‘जसबाट जनताको सुरक्षा र सेवालाई सहज बनाउन मद्दत गर्छ ।’

देशका सात वटै प्रदेशमा गरिने सुरक्षा गोष्ठीको सुरुवात प्रदेश २ बाट गर्नुमा राजनीतिक अस्थिरता एउटा कारण रहेको गृहमन्त्री थापाले बताए । यहाँ राजनीतिक स्थायित्वलाई सुदृढ बनाएर अघि बढ्न अति आवश्यक रहेको भन्दै गृहमन्त्री थापाले यसै गोष्ठीले त्यस विषयमा पनि छलफल गर्ने उल्लेख गरे । ‘राजनीतिक स्थायित्व पहिलो आवश्यकता हो, हामी त्यसलाई प्राथमिकतामा राखेर छलफल गर्छौं’, गृहमन्त्री थापाले भने ।

गृहमन्त्री थापाले देशको समग्र सुरक्षा व्यवस्थालाई व्यवस्थित गर्न र जनताले पाउने सेवालाई मध्यनजर गर्दै गृहमन्त्रालयले भर्खरै ८२ बुँदे कार्ययोजना सार्वजनिक गरेको बताए । गृहमन्त्रालयमातहत रहेका सबै निकायलाई काम गर्न कार्ययोजनाले दिशानिर्देश गर्ने उनको भनाइ थियो । ‘हामीले ८२ बुँदे कार्ययोजना प्रतिपादन गरेका छौं’, यो कार्ययोजना देशभरका सुरक्षा र अन्य निकायलाई पठाउने तयारीमा छौं’, गृहमन्त्री थापाले भने, ‘कार्ययोजनाले देखाएको बाटोमा अघि बढ्न सकियो भने सामाजिक सुशासन कायम हुनेछ ।’

गोष्ठीमा गृहसचिव प्रेमकुमार राई, प्रदेश निमित्त प्रमुख हरि फुँयाल, प्रदेश दुई आन्तरिक मामिला तथा कानुनमन्त्री ज्ञानेन्द्रकुमार यादव, नेपाली सेनाका बलाधिकृत पूर्णचन्द्र थापा, नेपाल प्रहरीका महानिरीक्षक सर्वेन्द्र खनाल, सशस्त्र प्रहरीका महानिरीक्षक शैलेन्द्र खनाललगायत सुरक्षा निकायका उच्च अधिकारी, आठ जिल्लाका प्रमुख जिल्ला अधिकारीसहित सुरक्षा प्रमुखलगायत उपस्थिति रहेको थियो ।

यसअघि सिमरा विमानस्थलमा भएको पत्रकार सम्मेलनमा आयोजना गरेको पत्रकार भेटघाटमा सञ्चारकर्मीसँग संक्षिप्त प्रतिक्रिया दिँदै गृहमन्त्री बादलले भूमिगत भएर तराईमा आपराधिक गतिविधि गर्न कसैले उन्मुक्ति नपाउने बताएका छन् ।

पछिल्लो समय तराईमा अपराधका घटना बढ्न थालेको भन्दै गृहमन्त्री बादलले यस विषयमा सरकार गम्भीर रहेको बताए । ‘भूमिगत समूहको नाममा अपराध गर्नेलाई मूलधारमा आउन आग्रह गर्छौं । सरकारको आग्रह नमाने हामी कडा रूपमा अघि बढ्छौं,’ उनले भने ।

गृहमन्त्री थापाले यातायात क्षेत्रको सेन्डिकेट हटाउने निर्णयबाट सरकार पछि नहट्ने पनि स्पष्ट पारेका छन् । सिमरा आएका गृहमन्त्री बादलले जितपुर–सिमरा उपमहानगरपालिका वडा नं ३ मा पाँच महिनाअघि भएको कृषक दम्पती हत्याको अनुसन्धान भइरहेको र त्यसमा सरकार गम्भीर रहेको बताए । साभार अन्नपुर्ण
प्रदेश प्रमुखले सम्हाले पदभार, ज्येष्ठ सदस्य जनकले लिए सपथ - 2018-01-21
पोखरा : प्रमुख ४ का प्रदेश प्रमुख बाबुराम कुँवरले पदभार ग्रहण गरेका छन् ।

राष्ट्रियसभा चुनावको मतदाता नामावली प्रकाशन आज - 2018-01-21
काठमाडौं : निर्वाचन आयोगले राष्ट्रियसभा सदस्य निर्वाचनका मतदाताहरुको नामावली आज प्रकाशित गर्ने भएको छ ।

प्रदेश सांसदको सपथ आज - 2018-01-21
काठमाडौं : सातै प्रदेशका सांसदलाई प्रदेश प्रमुखले आइतबार शपथ खुवाउँदै छन्। प्रधानमन्त्री तथा मन्त्रिपरिषद् कार्यालयका अनुसार सातै प्रदेशको अस्थायी मुकाममा आइतबार बिहान ११ बजे प्रदेश प्रमुखले सम्बन्धित प्रदेशमा निर्वाचित भएका सांसदलाई शपथ खुवाउने कार्यक्रम तय भएको हो।

‘सांसद’ दिपक मनाङे फरार, पक्राउ गर्न टोली परिचालन - 2018-01-20
मनाङको प्रदेशसभा ‘ख’ बाट निर्वाचित सांसद दिपक मनाङे भनिने राजिव गुरुङ फरार भएका छन् । केही दिनयता प्रहरीले उनको खोजी कार्य जारी राखेको छ, तर उनी फेला पर्न सकेका छैनन् ।

रित्तो थाल लिएर सडकमा उत्रिए दाङका महिलाहरु - 2018-01-20
सरकारले प्रदेश ५ को अस्थायी मुकाम रुपन्देही तोकेको विरोधमा दाङका महिलाहरु रित्तो थालसहित सडकमा उत्रिएका छन् ।

राष्ट्रियसभा निर्वाचनमा राजपा र फोरमसँग कांग्रेसको गठबन्धन - 2018-01-20
राष्ट्रियसभा निर्वाचनमा मधेसकेन्द्रित दलको गठबन्धनले कांग्रेससँग चुनावी सहकार्य गर्ने भएको छ।

प्रदेश प्रमुखलाई मन्त्री सरह सुविधा - 2018-01-20
प्रदेश प्रमुखलाई सरकारले मन्त्री सरह सुविधा दिएको छ। गृह मन्त्रालयले उनीहरु मन्त्री सरह सुविधा दिइएको जनाएको छ।

अाेली र प्रचण्डको भेट ४ बजे बालकाेटमा - 2018-01-20
पार्टी एकता, प्रदेश सरकार गठन लगायतका विषयमा नेकपा एमाले अध्यक्ष केपी शर्मा ओली र माओवादी केन्द्रका अध्यक्ष पुष्पकमल दाहाल 'प्रचण्ड'बीच आज अपराह्न ४ बजे पुनः छलफल हुने भएको छ।

राजधानी बनाउन असहयोग गर्नेलाई वीरगञ्ज प्रवेशमा निषेध - 2018-01-20
प्रदेश नं २ को राजधानी बनाउन असहयोग गर्ने नेताहरुलाई वीरगञ्जमा प्रवेश निषेध गरिने भएको छ । वीरगञ्जलाई प्रदेश नं २ को राजधानी बनाउनुपर्ने माग राखेर आन्दोलन गर्दै आएको संघर्ष समितिको शनिबार बसेको बैठकले त्यस्तो निर्णय गरेको हो ।

PREV 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 NEXT

English News



1018951 Times Visited.

Suprim Sanchar Pvt. Ltd.
Main Raod, Chandranighapur -1, Chandrapur Municipality, Rautahat
Mobile: 9855041125
http://www.kalampati.com
Email: kalampati@gmail.com
द. न. ४११
सचालक/ सम्पादक : फणि महत
Contact Us
All right reserved 2017 © Suprim Sanchar Pvt. Ltd.
Powered by :
Top