logo
11 Dec 2018   |   
मनोरञ्जन

फिल्म असफल भएपछि आमिरले मागे माफी



मनोरञ्जन   49 पटक पढिएको   कलमपाटी     
बलिउडका सफल नायक आमिर खानका लागि यो बर्ष राम्रै झट्का लाग्यो । यो बर्ष उनले अभिनय गरेको महंगो बजेटको चलचित्र ‘ठग्स अफ हिन्दुुस्तान’ बक्स अफिसमा असफल भयो । यसले आमिर खानको करिअरलाई नै संकटमा पारेको चर्चा समेत चल्ने गरेको छ ।



चलचित्र रिलिज भएको करिब ३ सातापछि नायक खानले दर्शकसँग माफी मागेका छन् । उनले भनेका छन्–‘जुन जुन दर्शक यो चलचित्रप्रति एउटा आशा लिएर हलमा पुग्नु भएको थियो, उहाँहरुसँग म माफी माग्न चाहन्छु । उहाँहरुले चाहे जस्तो इन्टरटेन्मेन्ट मैले चलचित्रबाट गराउन सकिनँ ।

चलचित्र असफलताको पुरा जिम्मेवारी म लिन्छु । म मैले काम गर्ने चलचित्रलाई बच्चाको जस्तै माया गर्छु ।’ आमिरले अगाडि भने–‘चलचित्र दर्शकको सोच अनुसार नभएकोमा म माफी चाहन्छु । मलाई लाग्छ कि हामीबाट केही गल्ती भएको छ । तर, केही मान्छेलाई यो चलचित्र निकै मन परेको पनि थियो ।’

विजयकृष्ण आचार्यको निर्देशनमा तयार भएको यो चलचित्रमा आमिर खानको साथमा अमिताभ बच्चन, कट्रिना कैफ लगायतका कलाकारको अभिनय थियो । तिहारमा रिलिज भएको यो चलचित्र भारतीय बक्स अफिसमा १ सय २५ करोडमै खुम्चिएको छ । यो चलचित्र ३ सय करोडको बजेटमा निर्माण भएको बताइएको छ ।












2105214 Times Visited.

Suprim Sanchar Pvt. Ltd.
Main Raod, Chandranighapur -1, Chandrapur Municipality, Rautahat
Mobile: 9855041125
http://www.kalampati.com
Email: kalampati@gmail.com
द. न. ४११
सचालक/ सम्पादक : फणि महत
more...
कम्पनी दर्ता : १५३७६१/०७३/०७४
सुचना बिभाग दर्ता : ४११, चन्द्रपुर ४, रौतहट
संचालन तथा प्रायोजनको हक सर्बाधिकार © सुप्रिम संचार प्रा. लि. २०७५ मा सुरक्षित रहनेछ ।
Top