logo
17 Dec 2018   |   
मनोरञ्जन

फ्राइडे रिलिज : एकसाथ ‘कथा काठमाडौँ’, ‘अनुराग’, ‘छिरिङ’



मनोरञ्जन   14 पटक पढिएको        
काठमाडौं : फ्राइडे रिलिजको परम्परा धान्दै आज शुक्रबारबाट ३ नयाँ नेपाली चलचित्र प्रदर्शनमा आए । ति हुन् – ‘कथा काठमाडौँ’, ‘अनुराग’, ‘छिरिङ’ । यी सबै चलचित्र देशभर एकसाथ प्रदर्शनमा आएका हुन् ।




यद्यपी देशभरका चलचित्र भवन यी ३ चलचित्रले मात्र पाउने छैन । अघिल्लो साता रिलिज भएका मध्य ‘इन्टु मिन्टु लन्डनमा’ चलचित्रले पनि केही स्टेशन अझै कब्जा गरेको छ ।

‘कथा काठमाडौँ’
संगीता श्रेष्ठले निर्देशन गरेको ‘कथा काठमाडौं’ लाईफ स्टाईल र क्राईम जनरामा बनेको छ । अन्तरंग दृश्यका कारण चर्चा र बिवादमा रहन सफल यो चलचित्रमा प्रियंका कार्की, प्रमोद अग्रहरी, अयुष्मान देशराज जोशी, सन्ध्या केसी, संजोग कोइराला लगायतको अभिनय देख्न सकिन्छ ।

निर्देशक संगीता आफैले चलचित्र लेखेकी हुन् । विजय राईको निर्माणमा तयार भएको यो चलचित्र तीन भिन्नभिन्न कथालाई बुनेर निर्माण गरिएको हो ।

अष्ट महर्जनको द्वन्द्व रहेको चलचित्रमा मोहित मुनाल, कमल खत्री, प्रदीप बाँस्तोला र सुरज विक्रम थापाले संगीत दिएका छन् ।

‘अनुराग’
सत्यराज चौलागाईको निर्देशन रहेको चलचित्र ‘अनुराग’ म्युजिकल लभस्टोरी जनरामा निर्माण भएको छ ।

एलिजा गौतम, समुन्द्र पण्डित, सरोज खनाल, राजाराम पौडेल, रुपा राना, विश्व बस्नेत, शिशिर राणा, मोहन निरौला लगायत कलाकारको अभिनय चलचित्रमा देख्न सकिन्छ । पत्रकार ऋषीराज धमलाले यसलाई निर्माण गरेका हुन् ।

‘छिरिङ’

गायक यस कुमार निर्देशित ‘छिरिङ’ फेमिली ड्रामामा आधारित छ । निमा रुम्बा, कामना भुजेल तथा निर्देशक स्वयम् चलचित्रको मुख्य कलाकारको भूमिकामा छन् ।

चलचित्रले आर्य र मङ्गोल समुदायको द्वन्द्वको कथा समेटेको निर्देशक यश कुमारले बताए । ‘छिरिङ’ मार्फत गायक निमा रुम्बा एक दशकपछि ठूलो पर्दामा फर्किएका छन् । साभार रातोपाटी











2158452 Times Visited.

Suprim Sanchar Pvt. Ltd.
Main Raod, Chandranighapur -1, Chandrapur Municipality, Rautahat
Mobile: 9855041125
http://www.kalampati.com
Email: kalampati@gmail.com
द. न. ४११
सचालक/ सम्पादक : फणि महत
more...
कम्पनी दर्ता : १५३७६१/०७३/०७४
सुचना बिभाग दर्ता : ४११, चन्द्रपुर ४, रौतहट
संचालन तथा प्रायोजनको हक सर्बाधिकार © सुप्रिम संचार प्रा. लि. २०७५ मा सुरक्षित रहनेछ ।
Top