logo
14 Nov 2018   |   
समाज

बालकको हत्या आरोपमा वडाअध्यक्ष पक्राउ



समाज   31 पटक पढिएको        
रौतहट : एक बालकको हत्या आरोपमा प्रहरीले एक जना वडाअध्यक्ष सहित ६ जना लाई पक्राउ गरेको छ । १२ बर्षिय बालकको अपहरण गरी हत्या गरेको आरोपमा प्रहरीले कटहरिया नगरपालिका–९ का अध्यक्ष रामज्ञा प्रसाद यादब सहित ६ जना लाई पक्राउ गरेको हो ।



 

पक्राउ पर्नेमा उनको छोरा शक्ति यादव, कटहरिया नगरपालिका–९ डुमरियाकै प्रविण यादव, सुनिल यादव, बृन्दावन नगरपालिकाको आकरपाथर टोलका रवी पटेल र विनोद पटेल रहेका छन् भने सोही घटनाका एक जना आरोपित फरार रहेका छन ।

पक्राउ परेकाहरुले कटहरिया नगरपालिका–९ डुमरिया टोल निबासी दिलिप साहको १२ वर्षीया छोरा शनिदेवल भन्ने युवराज साहको गएको शनीबार अपहरण गरी १५ किलोमिटर टाढा गढिमाई नगरपालिका वडा नम्बर– ५ बलुवामदनपुर टोल नजिक बागमती नदीमा लगाइएको तटबन्धको छेउबाट हत्या गरेको अबस्थामा प्रहरीले शब बरामद गरेको थियो । अपहरणकारीले एक करोड फिरौती माग गरेपनि अन्तत बालकको हत्या गरेको खुल्न आएको छ ।

पक्राउ परेकाहरु माथि थप अनुसन्धन भैरहेको ईलाका प्रहरी कार्यालय गरुडाका प्रहरी  निरीक्षक चर्तुभुज ओझाले बताउनु भयो । हत्याको घटना पछि कटहरिया नगरपालिकाका बासिन्दा आक्रोशित भएका छन । ठुलो संस्थामा त्यसक्षेत्रमा प्रहरी परिचालन गरिएको छ ।

नेपाली काग्रेसको तर्फ बाट वडाअध्यक्ष रामज्ञा प्रसाद यादब ०७४ मंसिर २१ गते भएको स्थानीय चुनाबमा ४ सय ५४ मत प्राप्त गरी बिजयी भएका हुन । अपहरण र हत्या आरोपमा जनप्रतिनिधिनै पक्राउ पर्नु दुखद रहेको स्थानीयले बताएका छन । साभार GunjanFm












1854604 Times Visited.

Suprim Sanchar Pvt. Ltd.
Main Raod, Chandranighapur -1, Chandrapur Municipality, Rautahat
Mobile: 9855041125
http://www.kalampati.com
Email: kalampati@gmail.com
द. न. ४११
सचालक/ सम्पादक : फणि महत
more...
कम्पनी दर्ता : १५३७६१/०७३/०७४
सुचना बिभाग दर्ता : ४११, चन्द्रपुर ४, रौतहट
संचालन तथा प्रायोजनको हक सर्बाधिकार © सुप्रिम संचार प्रा. लि. २०७५ मा सुरक्षित रहनेछ ।
Top