logo
21 Oct 2018   |   
समाज

चर्पी नबनाउनेमाथि निगरानी



समाज   127 पटक पढिएको        
बारा : खुला दिसामुक्त अभियान सफल बनाउन जिल्लाका केही स्थानीय तहले चर्पी नबनाउनेहरूमाथि निगरानी सुरु गरेका छन् ।




बारागढी र सुवर्ण गाउँपालिका तथा पचरौता नगरपालिकामा महिला–पुरुषको छुट्टाछुट्टै समूह बनाई रातिराति पहरा दिन थालिएको छ । यसका लागि समूहलाई लाइट र सिठी उपलब्ध गराइएको छ ।

स्थानीय तहले नै निगरानी सुरु गरेपछि खुला ठाउँमा शौच गर्दै आएकाहरू चर्पी बनाउन थालेका छन् । चर्पी बनाउन स्थानीय तहका चौकीदारबाट खबरदारीसमेत गराइएको छ ।

स्थानीय तहले चर्पी भएकालाई पहिचानका लागि परिचयपत्रको व्यवस्था गरेका छन् । ‘परिचयपत्र नभएका व्यक्तिको कुनै पनि सिफारिस वा सरकारी सेवासुविधा रोक्का गरिनेछ,’ सुवर्ण गाउँपालिका अध्यक्ष महेन्द्र यादवले भने, ‘हाम्रो उद्देश्य गाउँघर सफासुग्घर र व्यक्ति निरोगी होउन भन्ने हो ।’

खुला ठाउँमा शौच गर्नेलाई जरिवाना तिराई त्यो रकमबाट समुदायको निगरानी र सक्रियतामा अति विपन्न परिवारलाई चर्पी बनाइदिने स्थानीय तहको योजना छ ।

जनप्रतिनिधिको समन्वयमा खुला ठाउँमा शौच गर्नेको आयस्रोत पहिचान गरी २ हजारदेखि ५ हजारसम्म जरिवाना गर्ने निर्णय भएको पुरुष निगरानी टोलीका परिचालक जितेन्द्र साहले बताए । साभार कान्तिपुर











1783779 Times Visited.

Suprim Sanchar Pvt. Ltd.
Main Raod, Chandranighapur -1, Chandrapur Municipality, Rautahat
Mobile: 9855041125
http://www.kalampati.com
Email: kalampati@gmail.com
द. न. ४११
सचालक/ सम्पादक : फणि महत
more...
कम्पनी दर्ता : १५३७६१/०७३/०७४
सुचना बिभाग दर्ता : ४११, चन्द्रपुर ४, रौतहट
संचालन तथा प्रायोजनको हक सर्बाधिकार © सुप्रिम संचार प्रा. लि. २०७५ मा सुरक्षित रहनेछ ।
Top