पहिलो चरणको काम सम्पन्न गर्न नसकेको कालिका कन्स्ट्रक्सनलाई दोस्रो चरणको कामको जिम्मेवारी
समाज


पहिलो चरणको काम सम्पन्न गर्न नसकेको कालिका कन्स्ट्रक्सनलाई दोस्रो चरणको कामको जिम्मेवारी

समाज 45 पटक पढिएको प्रकाशित मिति:



 पहिलो चरणको काम सम्पन्न गर्न नसकेको कालिका कन्स्ट्रक्सनलाई दोस्रो चरणको कामको जिम्मेवारी

वीरगञ्ज : एडिबी, नेपाल सरकार तथा वीरगंज महानगरपालिकाको संयुक्त लगानीमा वीरगंजमा सञ्चालित मझौला शहर एकीकृत वातावरणीय सुधार आयोजनाको काम सम्पन्न हुन नसक्दै पुनः दोस्रो चरणको कामको ठेक्का कालिका कन्स्ट्रक्सनले पाएको छ ।

करिब रु ३ अर्ब २५ करोडको चालू योजना ५ महिना अगावै सम्पन्न हुनुपर्नेमा हालसम्म ९० प्रतिशत काम सम्पन्न भएको छ भने १० प्रतिशत काम सम्पन्न हुन बाँकी छ । नोभेम्बर २०१७, २६ तारिखमा तीन चरणमा म्याद थप गरिएको आयोजनाको काम अहिले मरम्मत सम्भार अवधिको ५ महिना बितिसक्दा पनि सम्पन्न हुन सकेको छैन ।            

आयोजनाको काम तोकिएको मितिमा सम्पन्न हुन नसक्दा ठेकेदार कम्पनीलाई नियमतः दण्डित गर्नुपर्ने हो तर एडिबी, नेपाल सरकार र वीरगंज महानगरको संयुक्त लगानीमा दोस्रो चरणमा हुन गइरहेको सडक, नालाको लागि दुई सय पैंतीस करोडको थप योजनाको ठेक्का पनि कालिका कन्स्ट्रक्सनले हात पारेको छ ।
    वीरगंजमा एडिबी, नेपाल सरकार र वीरगंज महानगरको संयुक्त आयोजनामा पहिलो चरणको कामको ठेक्का लिएको कालिका कन्स्ट्रक्सनले अघिल्ला दिनमा वीरगंजमा कुनै काम नगर्ने बताउँदै आएको थियो । आयोजनाको काम गर्दा अन्यत्रभन्दा वीरगंज सबै अवस्थामा कमजोर भएको र काम गर्न असुविधा भएको भन्दै कालिकाले थप कुनै काम नगर्ने बताएको थियो । चालू आयोजनामा पनि एडिबी, नेपाल सरकारले तोकेको समयमा काम सम्पन्न नहुँदा दण्डित गर्न सक्ने भयले कालिकाले काम छोडेर जाने चेतावनी दिंदै आएको थियो ।
आप्mनो कारणले नभएर महानगरको कारणले काममा ढिलाइ भएको कालिकाको तर्क छ । त्यसैले आयोजनाको काम ढिला हुँदा दण्डित हुनु नपर्ने उसले तर्क गर्दै दण्डित गरेको खण्डमा काम छाडेर जाने र त्यसको भर्पाई अदालतमार्पmत् हुने चेतावनी दिएको थियो । यही कारण हो, एडिबीले कालिकालाई कारबाई गर्न नसकेको । अहिले दोस्रो चरणको ठेक्काको ग्लोबल टेन्डर पनि कालिकाले हात पारेको छ ।
आधिकारिक पत्र आउन मात्र बाँकी रहेको स्रोतले जनाएको छ । दोस्रो चरणमा पहिलो चरणमा छुटेका डुबान क्ष्ँेत्रका नाला, कालोपत्र सडक र सौर्य बत्ती जडान गरिने योजना रहेको छ । दोस्रो चरणमा बाइपास, पिपरा–घण्टाघर लिङ्करोड, राधेमाई, भिस्वा ९कृष्ण प्रणामी क्षेत्र०, कवि शिरोमणिटोल, सुन्दरमल रामकुमार कन्या मावि एरिया, मुर्लीटोल र नहर रोडमा नाला, कालोपत्र सडक बनाउने कामको ठेक्का भएको हो । एडिबीले शुरुमा गरेको सर्भे अनुसार वीरगंजको सम्पूर्ण डुबान क्ष्ँेत्रको लागि करिब ९ अर्बको स्टिमेट गरिएको थियो । तर पहिलो चरणमा सवा तीन अर्ब खर्च भएको यो योजनामा दोस्रो चरणमा २ अर्ब ३५ करोड खर्च हुँदैछ ।
यसपछि ९ करोडको टार्गेट पूरा गर्न तेस्रो चरणको योजना लागू हुने सम्भावना पनि उत्तिकै छ ।

बाँकी काम पूरा हुने लक्षण देखिएनएडिबीद्वारा सञ्चालित मझौला शहर एकीकृत वातावरणीय सुधार आयोजना अन्तर्गत पहिलो चरणको बाँकी काम सम्पन्न हुने अहिले कुनै लक्षण देखापरेको छैन ।
पावरहाउस–श्रीसिया पुल, आदर्शनगर, मुर्ली सडक, छपकैया क्ष्ँेत्रमा खानेपानी पाइपलाइनको कारण सडक कालोपत्र गर्ने काम अधूरो छ । आयोजना व्यवस्थापक शैलेन्द्र श्रेष्ठले खानेपानीले क्षतिपूर्तिबापत पौने चार करोड माग गरेको र यस सम्बन्धमा एडिबीले हालसम्म कुनै निर्णय नगरेकोले बाँकी काम अधूरो रहेको बताए । काम ढिला हुनुमा ठेकेदार कम्पनीको दोष नदेखिएको उनले दाबी गरे ।
व्यवस्थापक श्रेष्ठले हालसम्म ९० प्रतिशत काम सम्पन्न भएको र १० प्रतिशत काम बाँकी सात महिनामा पनि हुने सम्भावना कमै रहेको बताए । निर्णय नभएको खण्डमा आम मानिसलाई मर्का पर्नेगरी खानेपानीको पाइपलाइन क्षति पु¥याएर काम गर्न सकिने अवस्था नभएको र क्षतिपूर्ति दिने अथवा अन्य विकल्पको खोजी गर्ने भन्नेबारे निर्णय नभएकोले आयोजनाको बाँकी काम अन्योलमा परेको उनले   बताए ।  साभार headline khabar



कमेन्टसहरु



सम्बन्धित शिर्षक समाचारहरु


1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 NEXT

English News



1378677 Times Visited.

Suprim Sanchar Pvt. Ltd.
Main Raod, Chandranighapur -1, Chandrapur Municipality, Rautahat
Mobile: 9855041125
http://www.kalampati.com
Email: kalampati@gmail.com
द. न. ४११
सचालक/ सम्पादक : फणि महत
Contact Us
All right reserved 2017 © Suprim Sanchar Pvt. Ltd.
Powered by :
Top