अर्थ / व्यापार


सरकारले टेलिकमलाई सोध्यो-धरहरा बनाउने कि नबनाउने ?

अर्थ / व्यापार 45 पटक पढिएको २३ भदौ, काठमाडौं प्रकाशित मिति:


 सरकारले टेलिकमलाई सोध्यो-धरहरा बनाउने कि नबनाउने ?

राष्ट्रिय पुनर्निर्माण प्राधिकरणले नेपाल टेलिकमलाई पाँच दिनभित्र धरहरा पुनर्निर्माणसम्बन्धमा आफ्नो आधिकारिक प्रस्ताव एवं धारणा तयार गरी प्राधिकरणसमक्ष पेश गर्न निर्देशन दिएको छ ।

प्राधिकरणले भदौ १२ गते टेलिकमलाई धरहरा पुनर्निर्माण सम्बन्धमा आफ्नो आधिकारिक प्रस्ताव पेश गर्न पत्राचार गरेको थियो । उक्त पत्रको जवाफ नआएपछि प्राधिकरणले शुक्रवार पुनः टेलिकमलाई पत्राचार गरी आफ्नो आधिकारिक धारणा पेश गर्न निर्देशन दिएको हो ।

प्राधिकरणको कार्यकारी समितिको साउन २३ को बैठकले ‘नेपाल सररकार मन्त्रीपरिषद्को निर्णय बमोजिम धरहरा पुनर्निर्माणका सम्बन्धमा हालसम्मको प्रगतिसहित नेपाल टेलिकमले आफ्नो आधिकारिक प्रस्ताव एवं धारणा तयारी गरी राष्ट्रिय पुनर्निर्माण प्राधिकरण समक्ष यथाशीघ्र पेश गर्ने’ निर्णय गरेको थियो ।

सोहीअनुसार प्राधिकरणले भदौ १२ गते टेलिकमलाई हालसम्मको प्रगतिसहित प्रस्ताव पेश गर्न आग्रह गरेको थियो ।

पुरातत्व विभागलाई बोधार्थ पठाइएको शुक्रबारको पत्रमा प्राधिकरणले पत्र प्राप्त भएको मितिले पाँच दिनभित्र प्राधिकरणमा आइपुग्ने गरी जवाफ पठाउने व्यवस्था मिलाउन अनुरोध गरेको छ ।

नेपालको सबैभन्दा ठूलो दूरसंचार प्रदायक नेपाल टेलिकमले भूकम्प गएलगत्तै धरहरा पुनर्निर्माणमा चासो देखाए पनि त्यो अगाडि बढ्न सकेको छैन ।

काष्ठमण्डपबारे महानगरलाई सोधियो

यसैबीच प्राधिकरणले शुक्रवारै काष्ठमण्डप संरक्षण र पुनर्निर्माण सम्बन्धमा भएको प्रगतीवारे जानकारी दिन महानगरापलिकालाई आग्रह गरेको छ ।

प्राधिकरणको गत साउन १८ गते बसेको बैठकबाट भूकम्पबाट क्षतिग्रस्त काष्ठमण्डपको पुनर्निर्माणका सन्दर्भमा काठमाण्डौ महानगरपालिकाले स्थानीय तथा सरोकारवाला सवै पक्षलाई समेटेर स्थानीय समुदायलाई सहभागी गराई पुनर्निर्माणको नेतृत्व लिने भनि निर्णय भएको थियो ।

उक्त निर्णय बमोजिम सोको कार्यान्वयनका लागि गत भदौ १२ गते लेखी पठाइएको पत्रको सन्दर्भमा काष्ठमण्डपको संरक्षण र पुनर्निर्माण सम्बन्धमा महानगरपालिकाबाट हालसम्म भएको कार्यहरुका साथै सोको अध्यावधिक प्रगति ५ दिनभित्रमा प्राधिकरणमा आइपुग्ने गरी पठाउन भनिएको प्राधिकरणका सहसचिव राजुमान मानन्धरले बताए ।



साभार : अनलाईन खबर




कमेन्टसहरु



सम्बन्धित शिर्षक समाचारहरु


PREV 1 2 3 4 5 6 7 8 9 10 NEXT

English News



649009 Times Visited.

Suprim Sanchar Pvt. Ltd.
Main Raod, Chandranighapur -1, Chandrapur Municipality, Rautahat
Mobile: 9855041125
http://www.kalampati.com
Email: kalampati@gmail.com
द. न. ४११
सचालक/ सम्पादक : फणि महत
Contact Us
All right reserved 2017 © Suprim Sanchar Pvt. Ltd.
Powered by :
Top