कार्यकारी अधिकृतलाई कुटपिट गरेको आरोपमा एक पक्राउ
समाज


कार्यकारी अधिकृतलाई कुटपिट गरेको आरोपमा एक पक्राउ

समाज 127 पटक पढिएको धनुषा २७ साउन प्रकाशित मिति:



कार्यकारी अधिकृतलाई कुटपिट गरेको आरोपमा एक पक्राउ

जनकपुर उपमहानगरपालिकाका कार्यकारी अधिकृत अर्जुनप्रसाद सुवेदीलाई कुटपिट गरेको आरोपमा प्रहरीले आज एक जनालाई पक्राउ गरेको छ ।

पक्राउ पर्नेमा स्थानीय शतिष झा रहेका छन् । जनकपुर उपमहानगरपालिकाका कर्मचारीले दिएको उजुरीका आधारमा उनलाई पक्राउ गरिएको र उनीमाथि सार्वजनिक अपराधको मुद्दा लगाउने तयारी भइरहेको जिल्ला प्रहरी कार्यालय धनुषाले जनाएको छ । 

गत साउन १७ गते एसियाली विकास बैंकको सहयोगमा सञ्चालित आयोजनाको सहरी विकासमन्त्री प्रभु साह निरीक्षण गर्न आएका बेला जनकपुरको मुरलीचोकमा मन्त्रीकै सामुन्ने स्थानीयले उपमहानगरपालिकाका कार्यकारी अधिकृत सुवेदीमाथि हातपात गरेका थिए । 

मन्त्री साहले एडिबी परियोजना, विद्युत्, टेलिकम, खानेपानी तथा उपमहानगरपालिकाका कर्मचारीलाई निर्देशन दिइरहेको बेला कार्यकारी प्रमुख सुवेदी आफ्नो गाडीमै बसेर मोबाइल चलाई मन्त्रीको निर्देशनलाई अवज्ञा गरेको भन्दै स्थानीय शतिष झा लगायतले उहाँलाई कुटपिट गरेको बताइएको छ । 

वर्षात्को बेलामा सडकलाई जथाभावी खनेर राख्दा सर्वसाधारणले सास्ती पाएको र जनकपुर उपमहानगरपालिका लापर्बाही भएको भन्दै आक्रोशित स्थानीयबासिन्दाले कार्यकारी अधिकृत सुवेदीमाथि हातपात गरेका थिए । 

कार्यकारी अधिकृतमाथि हातपात गर्ने दोषीमाथि कार्बाहीको माग गर्दै जनकपुर उपमहानगरपालिकाका कर्मचारीले कार्यालयको कामकारवाही ठप्प गरी आन्दोलमा उत्रेका छन् । पक्राउ परेका झाको रिहाईको माग गर्दै जनकपुर मुरलीचोकका स्थानीयले सडक जाम गर्दै आन्दोलनमा उत्रेका छन् । 

झा तत्काल रिहाइ, सडक सुधार र लापर्बाही गर्ने कार्यकारी अधिकृतलाई कारबाहीको माग गर्दै आज बिहानदेखि स्थानीयले सडक अवरुद्ध गरेर टायर बाल्दै प्रदर्शनमा उत्रेका छन् । साभार : रातोपाटी




कमेन्टसहरु



सम्बन्धित शिर्षक समाचारहरु


1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 NEXT

English News



1366324 Times Visited.

Suprim Sanchar Pvt. Ltd.
Main Raod, Chandranighapur -1, Chandrapur Municipality, Rautahat
Mobile: 9855041125
http://www.kalampati.com
Email: kalampati@gmail.com
द. न. ४११
सचालक/ सम्पादक : फणि महत
Contact Us
All right reserved 2017 © Suprim Sanchar Pvt. Ltd.
Powered by :
Top